На 25. 12. 2016 г., во Неделата на Светите Праотци, празнувајќи го и споменот на Светиот Спиридон, Тримитундскиот Чудотворец, во храмот Рождество на Пресвета Богородица во Битола, со Божествена Литургија беше одбележан јубилејот од 35 години Архиерејско служење на Митрополитот Преспанско-Пелагониски г. Петар.

Неговото Блаженство, Архиепископот Охридски и Македонски г. г. Стефан зеде молитвено учество на Литургијата, на која чиноначалствуваше Митрополитот Преспанско-Пелагониски г. Петар, во сослужение на архиереите: Неговото Високопреосвештенство, Митрополитот Дебарско-кичевски г. Тимотеј, Неговото Високопреосвештенство Митрополитот Повардарски г. Агатангел, Неговото Високопреосвештенство Митрополитот Брегалнички г. Иларион, Неговото Високопреосвештенство Митрополитот Кумановско-осоговски г. Јосиф, Неговото Високопреосвештенство Митрополитот Тетовско-гостиварски г. Јосиф, Неговото Преосвештенство Епископот Хераклејски г. Климент, архимандритот Нектариј (од манастирот Св. Наум Охридски), архимандритот Никола (од манастирот Св. Никола, Мариово), протоереј-ставрофор Јован Таковски, протоереј-ставрофор Никола Грамбозов, протоереј-ставрофор Благоја Станкоски, архиерејскиот намесник Димитар Михајловски, протоереите Трајче Петковски, Кирил Трајковски и Зоран Димовски, протоѓаконите Антонио Дујовски, Влатко Стоименов, Дени Насков и ѓаконите Драган Ѓорѓиевски, Гоце Делев, Јове Тренчевски.

Повеќе информации за овоj настан на сајтот на Преспанско-пелагониската епархија.