Во петтата надела од Великиот пост, посветена на Света Марија Египетска, во Полошкиот манастир „Св. Ѓорѓи“ на Тиквешкото езеро се отслужи Света Божествена Василиева Литургија со која чиноначалствуваше Митрополитот Повардарски г. Агатангел во сослужение на свештеник Трајче Грозданов и ѓакон Васил Ристовски, а на која молитвено присуствуваше сестринството на манастирот. Истиот ден, се отслужи празнична вечерна молитва и се прочита акатистот на Пресвета Богородица.Во понеделникот на 07. 04. 2014 кога Светата православна црква го празнува Светото Благовештение, беше отслужена Света Божествена Литургија, со која, исто така, чиноначалствуваше Митрополитот Повардарски г. Агатангел во сослужение на свештеник Трајче Грозданов и ѓакон Васил Ристовски и на која се причести сестринството на манастирот.