Се известуваат сите верни чеда на Македонската православна црква дека по повод големиот христијански празник Рождество на Пресвета Богородица во црквата „Успение на Пресвета Богородица“ во Велес на 20. 09. 2013 година со почеток во 18.00 часот ќе се отслужи Вечерна богослужба со Молебен и Акатист на Пресвета Богородица, со која ќе чиноначалствува Митрополитот Повардарски г. Агатангел.

Утредента, со почеток во 08.00 часот ќе биде отслужена Света Божествена Литургија. Се покануваат сите верни чеда молитвено да присуствуваат на богослужбите во чест на раѓањето на Мајката Божја. Митрополитот Повардарски г. Агатангел ќе служи Света Божествена Литургија во Согленскиот манастир, посветен на раѓањето на Мајката Божја.