Почитувани,

Повардарската епархија на Македонската православна црква ги повикува сите верници да присуствуваат на Света Божествена Литургија во црквата „Успение на Пресвета Богородица“ во Велес, која ќе се отслужи на 26. 08. 2012 година со почеток во 08. 00 часот.

Веднаш по завршувањето на Светата Литургија, Неговото Високопреосвештенство, Митрополитот Повардарски г. Агатангел, во сослужение на свештенослужителите од велешкото архиерејско намесништво, ќе отслужи Молебен канон на Пресвета Богородица за оздравување на сите болни и за утешување на сите оние кои се наоѓаат во тешки незгоди, душевни и телесни маки и избавување од секаков вид на душевен немир и страдање.