ФОТОГАЛЕРИЈА

Возљубени,

со благослов на Митрополитот Повардарски г. Агатангел, се подготви и се испечати ново реиздание на книгата „Старец Пајсиј Светогорец“. Ова, веќе трето издание на книгата е поради големиот интерес на нашата читателската публика, која во изминатите години со несмален интензитет пројавуваше интерес за ова дело, покрај многубројните други наслови кои ги издадовме. Во книгата се опишани голем број на моменти од животот на старец Пајсиј, како и неговите пастирски поуки.

Книгата може да се најде во сите храмови на Повардарската епархија или да се порача директно од издаваштвото на Повардарската епархија на тел. 043 221 231.

Цената на книгата е 350 денари.

Во прилог можете да го прочитате и предговорот на оваа книга!

Светата православна црква е болница, во која се лечиме сите од нашите страсти и гревови, но истовремено таа е и фабрика за светители. Според континуитетот и бројот на „произведени“ светители се гледа колку е жива, развиена и здрава една црква. Светоста не е одредена само за монасите или свештенослужителите, туку секој од нас е повикан кон светост, или поточно, кон единство со Бога и со ближните, од кое произлегува и светоста. Колку повеќе човек со соединува со Христа, колку повеќе Му се посветува и Му се предава, толку повеќе станува сличен на Христос.

Возљубени,

излезе од печат 71-от број од списанието „Православна Светлина“. И во овој обработивме многу нови душеполезни теми, од кои се надеваме дека читателската публика ќе пронајде поука. Се надеваме дека и овој празничен број на Православна Светлина ќе биде радосна вест за сите верници во Повардарската епархија, па и пошироко. Вашиот примерок од новиот број ќе можете да го земете во сите храмови низ Повардарската епархија.

Електронска верзија на списанието

На 6.10.2024 година, во Неделата на сите македонски светители, Неговото Блаженство, Архиепископот Охридски и Македонски г.г. Стефан – по повод 25-годишнината од неговото востоличување на тронот на Охридската Архиепископија, возобновена во лицето на Македонската Православна Црква – чиноначалствуваше на Светата Литургија во Архиепископскиот соборен храм „Свети Климент Охридски“ – Скопје. Нему му сослужуваа Нивните Високипреосвештенства, Митрополитите: Преспанско-пелагониски, г. Петар, Дебарско-кичевски, г.  Тимотеј, Струмички, г. Наум, Повардарски, г. Агатангел, Крушевско-демирхисарски, г. Јован, Европски, г. Пимен, Брегалнички, г. Иларион, Тетовско-гостиварски, г. Јосиф и Кумановско-осоговски, г. Григориј; и Нивните Преосвештенства, Епископите: Дељадровско-илинденски, г.  Јоаким и Делчевско-каменички, г. Марко. Пред самиот крај на Литургијата, Архиепископот се обрати до верниот народ со пригодно, свечено слово.

Повеќе информации на сајтот на Скопската епархија на МПЦ-ОА.

ФОТОГАЛЕРИЈА

На 05. 10.2024 година, Митрополитот Повардарски г. Агатангел во сослужение на повеќе свештеници отслужи Света Божествена Литургија во храмот „Св. вмч. Димитриј“ во Кавадарци. На Литургијата, Митрополитот Агатангел благоволи и го ракоположи во свештеник, ѓаконот Петар Кабранов од Кавадарци. Митрополитот Агатангел најпрво им го претстави новиот свештеник на присутните верници, а потоа изрече поука до новиот свештенослужител пред Престолот Божји, ревносно и совесно да ја чува и проповеда Православната вера и верно да Му служи на Господ Исус Христос и на својот македонски род.

На 29 септември се навршија 100 гоидини од осветувањето на храмот „Света Петка“ во Скопје. По тој повод се отслужи Света Божествена Литургија, со која  чиноначалствуваше Неговото Блаженство Архиепископот Стефан, во сослужение на Високопреосвештените Митрополити Струмички г. Наум и Повардарски г. Агатангел и свештенослужители од повеќе епархии на Македонската православна црква – Охридска архиепископија.

Повеќе информации на сајтот Литургија.мк