Со благослов на Митрополитот Повардарски г. Агатангел, за полза на верниците во текот на Великиот Пост, а во очекување на најголемиот христијански празник Воскресение Христово – Велигден, се подготвија и излегоа од печат три нови реизданија на дела од издавачката дејност на Повардарската епархија, „Св. Ѓорѓи Полошки“. Станува збор за книгите „Старец Силуан“, „Лествица“ и Флавијан“,  чии преводи ги приспособија протоереј Љупче Миланов (Старец Силуан), протоереј Игор Пармачки (ФЛавијан) и свештеник Јани Мулев (Лествица). Реиздавањето на овие книги е поради големиот интерес на нашата читателската публика, која во изминатите години со несмален интензитет пројавуваше интерес за овие дела, покрај многубројните други наслови кои ги издадовме. Нека и овие најнови наши изданија бидат за радост на сите во овие великопосни денови.

Предговор на книгата „Флавијан“: http://www.povardarska-eparhija.org.mk/pe//index.php?option=com_content&task=view&id=1855&Itemid=32

Предговор на книгата „Старец Силуан“: http://www.povardarska-eparhija.org.mk/pe//index.php?option=com_content&task=view&id=1656&Itemid=32

Предговор на книгата „Лествица“: http://www.povardarska-eparhija.org.mk/pe//index.php?option=com_content&task=view&id=2279&Itemid=32

 
На денот кога Светата православна црква го чествува споменот на светите 40 маченици од Севастија, како и споменот на светите славни 40 битолски преподобномаченици, се отслужи Литургија на претходно осветени дарови во црквата „Св. Кирил и Методиј“ во Велес. На Литургијата чиноначалствуваше Митрополитот Повардарски г. Агатангел во сослужение на свештенство од Велес.

Фотографии на следниот линк: https://photos.app.goo.gl/Y7cvH9tTUbcRxWnQ8

 Сите овие беа војници во римската војска, но тврдо веруваа во Господ Исус. Кога настана гонење во времето на Ликиниј, ги изведоа на суд пред војводата, а тој им се закани дека ќе им ја одземе војничката чест. На ова еден од нив, Свети Кандид, одговори: „Не само војничката чест туку и телата земи ни ги; нам не ни е ништо помило и почесно од нашиот Бог Христос“. По ова војводата им нареди на слугите да ги каменуваат овие светии. Но кога слугите фрлаа по нив камења, камењата се враќаа сами и паѓаа врз тие што ги фрлаа, па луто ги изудираа. Еден камен му падна на војводата в лице и му ги скрши забите. Мачителите, лути како ѕверови, ги врзаа светиите и ги фрлија во тамошното езеро и поставија наоколу стражари за ниеден да не излезе од водата. Имаше силен мраз, езерото мрзнеше околу телата на мачениците. За да бидат маките посилни, мачителите загрејаа и осветлија бања покрај езерото близу до страдалците, за тие гледајќи ја некако да се подлажат и да се одречат од Христа, а да ги признаат римските идоли. И навистина, еден се опрелести, излезе од водата и влезе во топлата бања. Но ноќта падна една необична светлина од небото, па ја загреа водата во езерото и телата на мачениците, а со оваа светлина од небото се спуштија триесет и девет венци врз нивните глави. Ова го виде еден од стражарите на брегот, па се соблече, го исповеда името на Господ Исус Христос и влезе во езерото за самиот да се удостои со четириесеттиот венец на предавникот. Врз него навистина слезе тој последен венец. Утредента сиот град се изненади кога ги виде мачениците живи. Тогаш злобните судии наредија и ги претепаа, а телата им ги фрлија во водата за да не ги земат христијаните. На третиот ден Светите маченици му се јавија на тамошниот епископ Петар и го повикаа да ги собере од водата и да ги извади нивните мошти. Епископот излезе ноќе по темнина заедно со својот клир и по водата видоа како светат моштите на мачениците. И секоја коска што беше одвоена од нивните тела исплива на површината и светеше како свеќа. Ги погребаа чесно. Нивните души отидоа кај Господ Исус, намачен за сите нас и воскреснат со слава. Чесно пострадаа и стекнаа непропадлива слава во 320 година.

Во втората недела од Великиот Пост, посветена на Свети Григориј Палама, беше отслужена Света Божествена Литургија во храмот „Св. Атанасиј Велики“ во Богданци. Со Литургијата чиноначалствуваше Митрополитот Повардарски г. Агатангел, во сослужение на повеќе свештенослужители.

Фотографии на следниот линк: https://photos.app.goo.gl/3nSUYv6R4uqSS47o6

Фотографии на следниот линк: https://photos.app.goo.gl/iXJ1CPNvLeHgNLk7A

Во петок од првата седмица од Великиот Пост, Митрополитот Агатангел присуствуваше на Утрена богослужба со великопосни часови и чиноначалствуваше на Литургијата на претходно осветени дарови во црквата „Успение на Пресвета Богородица“ во Велес.

Фотографии на следниот линк:  https://photos.app.goo.gl/ZMJe8fbTDJ7ewXVKA