ФОТОГАЛЕРИЈА

Во првата сабота од Великиот Пост, која православната Црква ја посвети на споменот на свети Теодор Тирон, беше отслужена Света Божествена Литургија во црквата „Св. Јован Крстител“ во Велес, на која чиноначалствуваше Митрополитот Повардарски г. Агатангел.

Светата Литургија на Тодорова сабота, како и секоја година, ја одбележаат големиот број верници кои доаѓаат во храмовите ширум Повардарската епархија да ги примат Светите Христови Тајни, па така и оваа година во храмовите во градот Велес, пристапија речиси сите присутни верници кон светиот Путир, за да ги примат светите Тајни.

ФОТОГАЛЕРИЈА

Во првиот петок од Великиот Пост на вечерната служба во црквата „Успение на Пресвета Богородица“ во Велес, беше отслужена првата статија од Акатистот кон Пресвета Богородица.

Останатите статии од Акатистот кон Пресвета Богородица ќе се служат на мало повечерие во секој нареден петок од Великиот Пост во храмовите „Успение на Пресвета Богородица", „Св. Кирил и Методиј“ и "Св. Јован Крстител" во Велес.

ФОТОГАЛЕРИЈА

Во петок од првата седмица од Великиот Пост, во црквата „Успение на Пресвета Богородица“ во Велес беше отслужена Утрена богослужба со великопосни часови и Литургија на претходно осветени дарови. Со Литургијата чиноначалствуваше Митрополитот Повардарски г. Агатангел во сослужение на свештенство од велешкото архиерејско намесништво.

ФОТОГАЛЕРИЈА

Во Неделата на простувањето - Прочка, Митрополитот Повардарски г. Агатангел во сослужение на повеќе свештеници отслужи Света Божествена Литургија во храмот „Св. Кирил и Методиј“ во Велес, на која присуствуваа голем број верници од Велес, кои молитвено побараа прошка од Бога. На Литургијата, Митрополитот Агатангел благоволи и го ракоположи во свештеник, протоѓаконот Сашо Ристов од Штип. Митрополитот Агатангел најпрво им го претстави новиот свештеник на присутните верници, а потоа изрече поука до новиот свештенослужител пред Престолот Божји, ревносно и совесно да ја чува и проповеда Православната вера и верно да Му служи на Господ Исус Христос и на својот македонски род.

На празникот на светиот маченик Георгиј Кратовски, Митрополитот Повардарски г. Агатангел, во сослужение на Митрополитот Кумановско-осоговски г. Григориј и Митрополитот Tетовско-гостиварски г. Јосиф, како и бројно свештенство, отслужи света Божествена Литургија во црквата посветена на овој светител во Кратово.

  

  

Повардарската епархија го возобнови и го пушти во употреба црковниот конак - преноќиште во градот Гевгелија, во кој ќе може да престојува секој патник-добронамерник кој за тоа има потреба. Овој објект е всушност поранешната свештеничка (попска) куќа во градот Гевгелија, која по долги години на постепено пропаѓање, со благослов и силна ангажираност на Митрополитот Повардарски г. Агатангел, внатрешно и надворешно целосно се реновираше. Конакот располага со седум соби и апартмани, со најсовремени услови за престој, а исто така во приземјето е изграден и ресторантски дел со летна тераса. Ваков објект, односно градски црковен конак е прв од ваков вид на територијата на Македонската православна црква-Охридска архиепископија.