Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна


Акатист кон Пресвета Богородица
5.03.2012.

 

 

Во првиот петок од Великиот Пост на вечерната служба во црквата „Успение на Пресвета Богородица“ беше отслужена првата статија од Акатистот кон Пресвета Богородица. На вечерната богослужба сослужуваа повеќе свештеници, а присуствуваше и Митрополитот Повардарски г. Агатангел. Останатите статии од Акатистот кон Пресвета Богородица ќе се служат на мало повечерие во секој нареден петок од Великиот Пост во храмовите „Св. Спас“ и „Св. вмч. Пантелејмон“ во Велес, како и во останатите поголеми храмови во градовите на територијата на Повардарската епархија. Во присуство на Митрополитот Агатангел во црквата „Успение на Пресвета Богородица“ во Велес, од понеделник до четврток, се служи големо повечерие со Великиот канон на Св. Андреј Критски, а секој петок од Великиот Пост, попладне од 17, 00h. ќе се отслужи мало повечерие со Акатист на Пресвета Богородица. 

На крајот на вечерната богослужба беа благословени и прекршени празничните лебови. 

 

 
Литургија на претходно осветени дарови
2.03.2012.

 

 

На 02. 03. 2012 година, Митрополитот Повардарски г. Агатангел отслужи Литургија на претходно осветени дарови во црквата „Успение на Пресвета Богородица“ во Велес. 

 
Недела на простувањето
27.02.2012.

 

  Sample Image

 

 

Во неделата на простувањето - Прочка, Митрополитот Повардарски г. Агатангел во сослужение на голем број свештеници од епархијата отслужи Света Божествена Литургија во храмот „Успение на Пресвета Богородица“ во Велес. На Литургијата присуствуваа голем број верници од Велес, кои молитвено побараа прошка од Бога.  

На почетокот на Литургијата, Митрополитот Агатангел благоволи и го произведе најпрво во чин чтец и ипоѓакон, а потоа го ракоположи во чин ѓакон богословот Игор Пармачки од Берово. Во текот на Литругијата, Митрополитот Повардарски г. Агатангел благоволи и го произведе во чин протоереј, свештеникот Ангел Станчев од Велес, кој својата свештенослужителска мисија ќе ја продолжи во Американско-канадската епархија на МПЦ.

Во својата празнична беседа Митрополитот не повика сите да го искористиме денот на простувањето за да отидеме кај своите најблиски и кај сите на кои сме погрешиле за да речеме прости ми и да се обидеме од денешниот ден, па се до Воскресението Христово да ја исполниме нашата душа со чистота, добрина, љубов, милосрдие и на тој начин да се обидеме да се соединиме со нашиот Бог, Господ Исус Христос.

 
Посета на Согленскиот манастир
27.02.2012.

 

Sample Image

 

 На 25. 02. 2012 година, Митрополитот Повардарски г. Агатангел беше во посета на Согленскиот манастир „Рождество на Пресвета Богородица“.


 
Сретение Господово
16.02.2012.

Sample Image

 

 

 На празникот на Сретението Господово , Митрополитот Повардарски г. Агатангел отслужи Света Божествена Литургија во Македонската православна богословија „Св. Климент Охридски“ во Драчево. На Литургијата сослужуваа клириците-професори во Македонската богословија, отец Јован Кумевски и отец Спасе Таковски, како и ѓаконот Антоние Попоски, секретар на Европската епархија на МПЦ.

 
Св. Трифун
14.02.2012.

 Sample Image

Sample ImageНа денот кога Светата православна црква го чествува споменот на светиот маченик Трифун, во црквата „Свети Димитриј“ во Кавадарци, беше отслужена Архиерејска Божествена Литургија со која чиноначалствуваше Митрополит Повардарски г. Агатангел во сослужение на Митрополитот Струмички г. Наум. По завршувањето на Светата Литургија, Митрополитите заедно со  свештенослужителите во внатрешноста на храмот извршија мал Водосвет, а потоа се упатија во дворот од храмот кадешто го извршија и годинешното закројување на лозовиот насад. На закројувањето на лозовиот насад, присуствуваше и Претседателот на Република Македонија, г-дин Ѓорѓе Иванов, министерот за финансии, г-дин Зоарн Ставревски, како и американскиот амбасадор во нашата земја, г-дин Пол Волерс.

 

Светиот маченик Трифун     14/02/2012

Роден е во селото Кампсада во Фригија од сиромашни родители. Во детството беше чувар на гуски. И уште од детството врз него беше голема Божја благодат и можеше да исцелува болести кај луѓето и кај животните и да изгонува бесови. Во тоа време со Римското царство завладеа царот Гордијан, чијашто ќерка слезе од умот и со тоа го фрли царот во голема жалост. Ниеден лекар не можеше да ѝ помогне на лудата Гордијана. Тогаш демонот прозборе преку девојката и рече дека освен Трифун никој не може да го истера. После многумина Трифуни ширум царството, по Божја Промисла го повикаа и овој млад Трифун. Го доведоа во Рим и тој ја исцели царската ќерка. Царот му подари многубројни дарови, а тој на враќање им ги раздели на сиромасите. Потоа ова свето момче продолжи да чува гуски и да Му се моли на Бога. Кога се зацари христоборниот Декиј, Свети Трифун беше малтретиран и свирепо измачуван заради Христа. Но тој со голема радост ги поднесе сите мачења, велејќи: „О кога би можел да се удостојам во оган и маки да завршам за името на Исус Христос, мојот Бог и Господ!“ Маките не му наштетија ни малку и најпосле мачителите го осудија на смрт со меч. Му се помоли на Бога и издивна во 250 година.

 
Повеќе...
<< Почеток < Претходна 31 32 33 34 35 36 37 38 39 40 Следна > Крај >>

Резултати 1445 - 1482 од 1490