Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна


Осветување на извори на вода
12.10.2012.

 

Sample Image

 

ФОТОГАЛЕРИЈА ОД ОСВЕТУВАЊЕТО

На 11 октомври, денот на народното востание на македонскиот народ, Митрополитот Повардарски г. Агатангел благоволи и изврши осветување на изворите на вода на компанијата „Кожувчанка“ во областа Васов Град на планината Кожуф и во непосредна близина на селото Мрежичко каде и се наоѓа фабриката на оваа компанија. На овој свет чин присуствуваа сопствениците на оваа компанија, градоначалникот на Општина Кавадарци,г-дин Александар Панов, како и претставници од институциите од градот Кавадарци. 

 
Пожар во Согленскиот манастир
8.10.2012.

 

Sample Image
 
 Sample Image
 
 Sample Image

 

С О О П Ш Т Е Н И Е

 

Возљубени браќа и сестри!

 

Со огромна тага и голема болка во душата би сакале да Ве известиме дека на 7 октомври 2012 г., некаде околу 19. 30 часот, изби пожар во комплексот на манастирот „Рождество на Пресвета Богородица“ во с. Согле, при што целосно изгоре стариот манастирски конак, кој зафаќаше површина од приближно 500 метри квадратни.

Причините за избувнувањето на пожарот сé уште не се целосно познати, но се претпоставува дека можна причина за пожарот е дотраената електрична инсталација. Од утрово, претставници од надлежните државни институции, предано почнаа да работат на утврдување на точните причини за избувнување на пожарот.

Инаку, манастирот „Рождество на Пресвета Богородица“ во с. Согле се наоѓа на 30 километри југозападно од Велес, поточно во месноста наречена Азот, каде припаѓаат и селата Богомила, Бистрица, Ореше, Теово итн. Манастирот е подигнат некаде кон крајот на XIV и почетокот на XV век. Во периодот од 1850 до 1855 година биле реновирани старите конаци и манастирската црква. На 25. 08. 2007 г. беше поставен камен-темелник за изградба на нови конаци, кои беа завршени, осветени и пуштени во употреба на 12. 08. 2012 г. 

Овој манастир има огромно историско значење и особено придонесувал за духовниот развој и зацврстувањето на идентитетот на македонските православни христијани од Азотскиот крај.

Во периодот на комунистичкиот режим, манастирот бил оставен на милост и немилост на разните временски стихии, сé до 2007 година, кога со благослов и огромно залагање на Неговото Високопреосвештенство Митрополитот Повардарски г. Агатангел се обнови монашкиот живот во овој манастир.

Со обновата на духовниот - монашки живот, под закрила на чудотворната икона „Св. Богородица Согленска“, која е прочуена во целата наша татковина, на балканските простори, па и пошироко, каде многу наши мајки и сестри ги добиле и своите први рожби и со изградбата на нови манастирски конаци, манастирот „Рождество на Пресвета Богородица“ од с. Согле повторно стана духовно светилиште и училница на здравата православна духовност, како за жителите на Азотско, така и за сите оние добронамерни посетители.

Би сакале да Ве известиме дека доколку сакате да помогнете, односно да учествувате во обновата на стариот конак од манастирот „Рождество на Пресвета Богородица“ од с. Согле истото можете да го сторите на жиро-сметката на МПЦ-Повардарска православна епархија во НЛБ Тутунска банка бр: 210040688821322, со цел на дознака: за обнова на стариот конак во манастирот „Рождество на Пресвета Богородица“ - с. Согле, или да се обратите за информации во седиштето на МПЦ-Повардарска православна епархија на ул. „Ѓоре Органџиев“ бб - Велес или да нé контактирате на телефон 043/ 221 - 231.

 

Ви благодариме, Господ нека ги награди и благослови сите обновители и украсители на Неговите светилишта.

 

 
Хиротонија на епископот Велички г. Јосиф
8.10.2012.

 

Sample Image

 


Низ целата многувековна историја на едната наша света и соборна апостолска Црква, епископот ја носел светата должност да биде пастир на овците Христови, како што нашиот Господ Исус Христос му оставил во завет на апостол Петар, велејќи му: „Паси ги јаганцата мои!“ А за да може достојно да го исполнува ова свето послушание кон Христа и Неговата света Црква, тој треба да биде образец за божествената љубов, послушанието и смирението. Токму затоа Црквата одредила вистински расадник за нашите духовни пастири да бидат монашките обители, каде идниот епископ учи да го љуби ближниот дури и повеќе од себеси, имајќи Го во срцето Бога над сè. Во духот на ова свето предание, Бигорската монашка обител, која родила голем број монаси-преродбеници, духовни учители, меѓу кои и преподобните отци наши Анатолиј и Партениј Зографски и со тоа го дала својот бесценет удел во духовното и културно будење на нашиот славјански народ, сега одново му ја принесува на Македонската Црква својата рожба, предавајќи го на света епископска должност во служба на народот. Духовно роден низ молитвите и солзите на својот старец, архимандрит Партениј, и воспитан во светоотечкото предание, низ секојдневните подвизи и духовни борби во монашкиот живот на Бигорската света обител, нашиот отец и собрат Јосиф денес го прими на себе достоинството на епископскиот чин, заветувајќи се дека до самозаборав ќе се грижи за духовното преуспевање на своето стадо. Смирено стоејќи пред огромното мнозинство верници во преполнетата „Света Софија“ Охридска, тој нè потсети уште еднаш на големото значение што овој храм отсекогаш го имал за славната Охридска Архиепископија и со голема љубов упати благодарност до преблагиот Господ, Неговата пречиста Мајка, славниот Претеча и, секако, до својот духовен татко, како и братството и сестринството, некогашниот негов надлежен архиереј, митрополитот Тимотеј, Неговото Блаженство, г. г. Стефан и останатите архиереи на САС на МПЦ-ОА, за големото достоинство со коешто беше овенчан.

Обраќање на Неговото Блаженство, г. г. Стефан, до новоустоличениот епископ

Пристапна беседа на Неговото Преосвештенство, епископот Велички, г. Јосиф.

 

Преземено од сајтот на Бигорскиот манастир

 

 
Наречение за новоизбраниот епископ Велички г. Јосиф
8.10.2012.

 

Sample Image

 

На 6. октомври 2012 година, во Охрид во Свети Климентовиот храм на Плаошник, се изврши чинот на Наречението на архимандритот Јосиф од Бигорскиот манастир со што тој и официјално стана викарен епископ на поглаварот, г.г. Стефан во Скопската епархија.

Чинот познат во православната црква како наречение, или објавување на веста пред верниците е прв чекор пред хиротонијата или ракополагање во епископски чин. Се практикува на тој начин што во состав на вечерната литургија, сите членови на Синодот организираат заедничка вечера по примерот Тајната вечера, во која со вино и леб го примаат како свој рамноправен брат новиот член на највисокото црковно тело.

Архиепископот Стефан пред аримандритот Јосиф да седне на масата ја прочита одлуката на Синодот за неговиот избор, а тој возврати со одговор:

- Ја прифаќам и не се противам, преосвештени владико - рече Јосиф.

 

Потоа следеше заедничкa вечерна богослужба.

Архимадритот Јосиф е дванаесетиот член на Синодот. Доаѓа од Бигорскиот маснастир и ќе биде викарен епископ на скопската епархија.

 
Годишен црковно-народен Собор
8.10.2012.

 

Sample Image

 

Македонската православна црква-Охридска Архиепископија на 6 и 7 октомври во манастирот „Св. Богородица“ – Калишта, одржа редовен годишен Архиепископски Црковно-народен собор, по повод  одбележувањето на 45-годишниот јубилеј од возобновувањето на Охридската Архиепископија во лицето на Македонската Православна Црква. Пред  почетокот на Соборот, на првиот работен ден, во манастирскиот храм  Света Богородица, Митрополитот Брегалнички г. Иларион во сослужение на монасите и свештенството  на МПЦ, отслужи Архиерејска Божествена Литургија, во присутво на поглаварот на МПЦ, Архиепископот Охридски и Македонски г.г. Стефан, членовите на САС на МПЦ и делегатите на Црковно- народниот Собор. „Без мене не можете да направите ништо“  вели Словото Божјо, и во тој дух, по светата Литургија, се изврши   призив на Светиот Дух за просветлување и очистување на срцата и умовите и со Божја помош успешо да почне и заврши годинашниов  Црковно- народен Собор.


 
 
 
Православна Светлина бр. 23
4.10.2012.
Sample Image
 
Повеќе...
<< Почеток < Претходна 31 32 33 34 35 36 37 38 39 40 Следна > Крај >>

Резултати 1369 - 1406 од 1490