Возљубени, Ве известуваме дека во рамките на учеството на Македонската православна црква на годинешниот МЕЃУНАРОДЕН САЕМ НА КНИГАТА, кој ќе се одржи од 18. 04. 2024 година до 24. 04. 2024 година во спортскиот центар „Борис Трајковски“ во Скопје, Повардарската епархија ќе ги претстави сите изданија од својата издавачка дејност „Св. Ѓорѓи Полошки“. Сите изложени изданија на саемот ќе бидат со репрезентативни цени (намалени) во однос на редовните продажни цени на книгите. Оваа година беше навистина плодна за нашата издавачка дејност, па така, на саемот, ќе претставиме дури ДВАНАЕСЕТ нови изданија, во однос на минатогодишниот саем, и тоа книгите: „Свети Јован Златоуст - Дела“ 1 и 2 том, „Средба со Бог - старец Ефрем Аризонски“, „Света Ксенија Петроградска“, „Монографија – Митрополит Агатангел“, „Свети Герасим Кефалониски“, „Историја на македонскиот народ“, како и реизданија на книгите „Старец Јосиф Исихаст“, „Мојот живот со старец Јосиф“, „Пат на небо“, „Свети Нектариј Егински“ и „Давидов Псалтир“. Покрај книгите, на штандот на Повардарската епархија ќе бидат изложени и бесплатни примероци од списанието на Повардарската епархија „Православна светлина“. Ве покануваме да го посетите штандот на Македонската православна црква и да одберете некое од нашите изданија. |
Од посетата на Хунзите на Македонија |
26.08.2008. | |
Висока делегација на Хунзите, кои се сметаат за потомци на Александар Македонски, предводена од кралот и кралицата на Хунзите престојуваше во Македонија од 11.07. 2008 до 18. 07 2008 година.
Хунзите зборуваат на старомакедонски јазик и живееат
на најисточната точка од поранешното кралство на Александар Македонски.
Шестчлената
делегација, предводена од принцот Газафар Али Кан со титула мир и неговата
сопруга, принцезата Рани Атика, беше дочекана со фаланга и македонско лебче.
Делегацијата на Хунзите во својот престој во
Македонија беше примена од Архиепископот на Македонската православна црква Г.Г.
Стефан, премиерот на Македонија г-н Никола Груевски, Митрополитот Повардарски
г. Агатангел, Митрополитот Преспанско-пелагониски г. Петар и голем број други
организации и градски власти на општините што тие ги посетија при својот
престој.
При престојот, Хунзите имаа можност да се
запознаат со голем дел од традициите и обичаите од богатата културна ризница на
нашата земја.
Средба со градоначалникот на Скопје, г-н Трифун Костовски.
Посета на црквата „Св. Петар и Павле“ во Скопје.
На Петровден тие присуствуваа на традиционалната Галичка свадба.
Отец Доситеј ги запозна гостите со историјата на Бигорскиот манастир, при нивната посета на еден од нашите најубави манастири.
При посетата на Охрид, неизбежна е посетата на Светиклиментовата црква на Плаошник и Самоиловите тврдини.
Во рамките на својата посета, Хунзите беа гости и на Митрополитот Повардарски г. Агатангел.
При посетата на Битола и Прилеп нивен домаќин беше Митрополитот Преспанско-пелагониски г. Петар.
|
< Претходно | Следно > |
---|