На денот кога Светата православна црква го чествува споменот на Преподобен Данило Столпник; Преподобен Никон Сувиот; во манастирот посветен на Св. Наум, охридскиот чудотворец во скопската населба Радишани, беше отслужена Заупокоена Литургија во спомен на четириесетиот ден од упокојувањето на Кирил Петров. На Литургијата чиноначалствуваше Митрополитот Повардарски г. Агатангел во сослужение на Митрополитот Брегалнички г. Иларион и голем број на свештенослужители и монаси, а во присуство на Неговото Блаженство, Архиепископот Охридски и Македонски Г.Г. Стефан и Митрополитот Дебарско-кичевски г. Тимотеј.