На 12 јули  2010 година, во Осмата   недела по Педесетница, кога Светата Црква го слави споменот на светиот апостол Петар и светиот апостол Павле, во црквата посветена на овие светители во Кичево беше отслужена Света Божествена Литургија на која чиноначалствуваше Неговото Блаженство, Архиепископот Охридски и Македонски г. Г. Стефан во сослужение на Митрополитите Тимотеј, Наум, Агатангел и Пимен, архимандритите Нектариј и Партениј и голем број свештенослужители. На Литургијата присуствуваа голем број верници од Кичево, а поголем број од присутните кои беа подготвени после завршувањето на Петровденските пости се причестија со Светите Христови дарови.

  

   

Пред Литургијата се изврши преосветување на престолот и иконостасот, а по завршувањето на Литургијата Архиепископот и  Митрополитите се упатија во дворот на црквата каде осветија вода и ги прекршија славските колачи.