Свештенството од Велешкото Архиерејско намесништво на Повардарската епархија отслужи Вечерна Богослужба по повод денот на преподобната маченица Св. Параскева - Св. Петка. Богослужбата се одржа во храмот „Св. Петка“ во Велес, во присуство на неколку стотини верници од Велес и неговата околина, кои традиционално, секоја година доаѓаат на овој ден во храмот, се поклонуваат на Светата преподобна маченица Параскева и упатуваат молитви до Светата Божја избраничка да биде нивна застапничка пред Бога.

---