Со благослов на Митрополитот Повардарски г. Агатангел, свештениците од Богданската парохија, Димче Ставревски и Русе Жекоски за верниците од нивната парохија организираа посета на духовни светилишта низ Македонија. 

            Во рамките на дводневната екскурзија тие ги посетија храмот „Св. Андреј“ на Матка, „Св. Богородица“ во Гостивар, престојуваа во Бигорскиот манастир каде молитвено ја проследија вечерната богослужба и Литургијата наредниот ден, а потоа ги посетија и манастирот „Св. Ѓорѓи“ Рајчица и црквите и манастирите низ Охрид.