Протоереј-ставрофор Љупчо Миланов - Архиерејски намесник

Роден на 28. 06. 1981 г. во Велес. Основно обра¬зование завршил во Гевгелија, а средно образование во Македонската православна богословија „Св. Климет Охридски” во Драчево. На 12. 02. 2006 година, кога се празнува споменот на Светите Три Светители е ракоположен во ѓаконски чин, а на 14. 02. 2006 г. кога се празнува споменот на Светиот маченик Трифун е ракоположен во свештенички чин од страна на тогашниот администратор Повардарски и Митрополитот Дебарско-кичевски г. Тимотеј. На 01. 06. 2006 година е поставен на својата прва парохиска служба во с. Стојаково. На 01. 01. 2007 година од Митрополитот Повардарски г. Агатангел е поставен на парохиска служба во Валандово, каде на 01. 07. 2008г. е поставен и за старешина на храмот Свети великомаченик Димитриј Мироточив.

тел. 034 381 888

Протоереј Драги Дончевски

Роден на 05. 05. 1963 г. во село Облавце Кумановско. Средно образование завршил во Македонската православна богословија „св. Климент Охридски” во Драчево. За ѓакон е ракоположен на 15. 02. 1995 г., а за свештеник на 05. 03. 1995 г. од митрополитот Дебарско-Кичевски г. Тимотеј. На парохија во Пирава е поставен на 01. 01. 2000 година.

тел. 034 381 243

Протоереј Русе Жекоски

Роден е на 22.02.1981 година во Тетово. Основно образование завршил во Гостивар, а средно во Македонската православна богословија „Св. Климент Охридски“ во Скопје, а потоа се запишал на Православниот Богословски факултет „Св. Климент Охридски“ во Скопје, каде и се уште студира. За ѓакон е ракоположен на 07.04.2005 година, а за свештеник на 07.04.2006 од Митрополитот Полошко-кумановски г. Кирил. На парохиска служба во Гевгелиска парохија стапил на 09.07.2007 година до 01. 12. 2008 година. Од 01. 12. 2008 год. е на Богданската парохија.

070/274-521

Протоереј Крсте Наков

Роден е на 25. 09. 1967 година во Валандово, каде што завршил основно образование. Средно образование завршил во Македонската православна богословија „Св. Климент Охридски” во Скопје. За ѓакон е ракоположен на 09.07.1994 година, а за свештеник на 16. 07. 1994 година од тогашниот Поглавар на МПЦ Неговото Блаженство Архиепископ Охридски и Македонски и администратор на Повардарска епархија г.г. Михаил. На парохиска служба во Стојачката парохија стапил на 01. 01. 2007 година.

тел. 070 804 196

Свештеник Мите Петков

Роден е на 03.09.1977 година во Гевгелија. Средно образование завршил во Македонската православна богословија „Св. Климент Охридски” во Драчево. За ѓакон е ракоположен на 21. 09. 2002 г., а за свештеник 29. 09. 2002 г.од тогашниот администратор на Повардарската епархија Митрополитот Тимотеј. На парохија стапил на 10. 04. 2003 г.

тел. 034 214 654 моб. 071 730 543

Свештеник Влатко Бојков

Роден на 05. 10. 1976 г. од село Лозово. Средно образование завршил во Македонската православна богословија „Св. Климент Охридски” во Драчево, а потоа се запишал на Богословскиот факултет во Скопје. За довршување на факултетот му се останати уште 2 исита. За ѓакон е ракоположен на 06. 05. 2004 г., а за свештеник на 07. 05. 2004 г. На парохиска служба е поставен на 15. 10. 2004 г. во село Стојаково, а на 01. 06. 2004 г. во гевгелиската парохија. На 01.01.2007 г. е поставен за старешина на црквата „Св. Кирил и Методиј”.

тел. 034 458 114 моб. 070 724 983

Свештеник Петар Петрушевски

Роден е на 17. 06. 1979 год. во Струмица.Основно образование завршил во Богданци, а средно во Македонската православна богословија „Св. Климент Охридски“ во Скопје, а потоа се запишал на Православниот Богословски факултет „Св. Климент Охридски“ во Скопје, каде и се уште вонредно студира. За ѓакон е ракоположен на 16.09.2007 година, а за свештеник на 25.11.2007 во црквата „Св. Атанасиј“ во Богданци од Митрополитот Повардарски г. Агатангел.

тел. 070 551 185; 075 202 162

Свештеник Мишо Тодоров

Роден е на 15. 09. 1983 година во Велес. Основно образование завршува во село Извор, а средно во Македонска Православна Богословија „Св. Климент Охридски” во Драчево. Ракоположен е во ѓаконски чин на 19. 08. 2010 год. од Митрополитот Повардарски г. Агатангел во храмот „Св. вмч. Димитриј“ во Кавадарци, а за свештеник на 29.04.2012 година од Митрополит Повардарски г. Агатангел во храмот „Св. вмч. Димитриј“ во Валандово. На парохиска служба во Валандовската парохија е поставен на 01. 06. 2012 година.

Свештеник Јовчо Крастовски

Роден е на 28. 09. 1982 година во Валандово. Основно и средно образование завршил во родниот град. Дипломира на Богословскиот факултет „Св. Климент Охридски“ во Скопје 2011 година. На 06. 05. 2017 година кога се празнува светиот великомечаник Георгиј е ракоположен во ѓаконски чин. На 07. 05. 2017 е ракоположен во свештенички чин од страна на митрополитот Повардарски г. Агатангел. На 10. 07. 2017 е поставен за парохиски свештеник во Валандово. Од 17. 02. 2020 г. е поставен за старешина на храмот „Св. вмч. Димитриј“ во Валандово. моб.078/217-850

Свештеник Славче Ѓорѓиевски

Роден е на 13. 01. 1987 година во Велес. Основно и средно образование завршил во родниот град. Дипломира на Богословскиот факултет „Св. Климент Охридски“ во Скопје. На 13. 08. 2023 кога се празнува Преносот на моштите на свети Климент Охридски година е ракоположен во ѓаконски чин од Митрополитот Повардарски г. Агатангел во цркавата „Св. Јован Крстител“ во Велес. На 19. 08. 2023 кога се празнува Преображениото на Господ Исус Христос на гората Тавор е ракоположен во свештенички чин од страна на Митрополитот Повардарски г. Агатангел, во црквата „Св. Атанасиј Велики“ во Неготино.

Ѓакон Влатко Велевски

Роден е на 28. 01. 1983 година во Гевгелија, каде што завршил основно и средно гимназиско образование. Дипломирал на Православниот богословски факултет „Св. Климент Охридски“ во Скопје. Во чин ѓакон ракоположен на 19. 08. 2017 година, од страна на Митрополит Повардарски г. Агатангел.