На празникот на Сретението Господово , Митрополитот Повардарски г. Агатангел отслужи Архиерејска Божествена Литургија во храмот „Успение на Пресвета Богородица“ во Велес.

      

        

„Како што праведниот Симеон се сретна со Бога земајќи Го во своите прегратки, така и ние на оваа света Литургија се сретнавме и Го видовме Бога преку заедничката молитва и преку примањето на светата Евхаристија.“ рече Митрополитот Агатангел во своето празнично слово кон присутните верници. Тој покрај беседата за Сретението Господово, бидејќи оваа недела е посветена на Блудниот син, кратко зборуваше и за Блудниот Син, поттикнувајќи ги верниците по примерот на Блудниот Син да ја исчистат својата совест преку покајание и исповед.