Момчето Станко, кое чуваше овци во никшичкиот крај на Црна Гора, го убија Турците кај овците за верата христијанска, затоа што не сакал да се откаже од православната вера и да прими исламска вера, на 14 септември 1712 година. Неговите свети и нетлени мошти – двете отсечени детски рачиња, почиваат во новоизградената црква посветена нему, која се наоѓа под Острошкиот манастир. За маченичкиот крај на свети Станко постои запис во Горни Острог (во кивотот каде што почиваат неговите свети и нетлени раце). Неговиот свет спомен се празнува на 12.05/29.04 (ст.ст.).