„Habitat for Humanity“ е американска мрежа според седиштето, а глобална според делувањето, и работи на искоренување на сиромашното домување. Една од најголемите глобални невладини организации постои веќе 32 години и има 2.700 филијали во 101 држава во светот со изградени повеќе од 290 илјади домови за семејства со потреба за нив.

Инвестицијата во Велес чини 2,7 милиони долари, а ќе се гради околу три години. Мрежата набрзо ќе распише јавен конкурс преку кој заинтересираните ќе може да аплицираат за станбен простор.