Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна arrow Насловна arrow Цркви во Стојачката парохија

Sample Image   

Возљубени чеда во Христа Спасителот,

Исполнети со огромна духовна радост од последните торжествени настани во нашата Богомдарувана Повардарска епархија, односно осветувањата на две нови духовни светилишта во градовите Гевгелија и Кавадарци, би сакале да Ве известиме дека сите заедно ќе посведочиме уште на еден таков радосен духовен настан.

На 14 Ноември 2021 година, ќе ја осветиме црквата „Св. Атанасиј Велики“ во центарот на градот Богданци. Оваа црква која првично е изградена во 1880 година, поради спој во електричната инсталација беше целосно опожарена во 2014 година. Ова беше голема духовна загуба и за жителите на градот Богданци, и воопшто сите верници на Македонската православна црква. Но и при оваа неволја за градот Богданци и за неговите жители, како и за Повардарската епархија, не останавме рамнодушни, туку напротив веднаш започнавме со изградба на нов импозантен храм кој одново ќе го краси овој град. Со Божја помош и благослов, успеавме во нашите намери.

Тој ден е 14 ноември. Храмот на светиот Атанасиј, архиепископот Александриски, повторно ќе биде духовен светилник на Богданци. Затоа дојдете, заедно, соборно да се радуваме на неговото осветување.

 Митрополит Повардарски г. Агатангел

 
 
Цркви во Стојачката парохија
2.06.2008.

 

село Стојаково

 

Црква =Св. Недела+

 

- Црквата „Св. Недела”. Изградена е околу 1860 година, која, за време на Првата светска војна била разурната, со исклучок на олтарната апсида. Инаку пред разурнувањето, црквата била живописана, што може да се константира од остатокот на фреска во олтарната апсида, каде што е насликана Богородица со Христос. Денешниот храм повторно е обновен во периодот од 1920 - 1924 година. Според својата архитектурна форма, црквата е трикорабна, со рамни дрвени тавани. Средниот кораб ги надвишува двата странични кораба. Покривната конструкција е на две води, потпрена на два реда колони со осум столбови. На централниот кораб, во наосот, е насликана фреска со престава на Исус Христос Седржител. Црквата на исток завршува со полукружна олтарна апсида, а со припрата на западната страна, со крстилница и балкон. Црквата има убав иконостас, изработен во 1934 година, од зограф од мијачката тајфа, кој потекнува од Галичник. Во црквата =Св. Недела+ се наоѓаат и икони од XVIII и XIX век. Ѕидовите во наосот не се живописани, но во олтарната апсида, која останала неразурната за време на Првата светска војна, има остаток од стар фреско-живопис, но фреската е оштетена.

 



 

село Богородица

 

- Црква „Рождество Богородично”. Првичната црква била подигната во XIX век, но  се  наоѓала на друго место. Денешната црква „Рождество Богородично” е изградена во 1911 година од мијачкиот неимар Андон Китанов, а иконостасот бил изработен во 1935 година од неидентификуван зограф од Галичник. Според својата архитектурна форма, црквата во с. Богородица е трикорабна, со рамни дрвени тавани, од кои централниот ги надвишува двата странични кораба. Во средината на централниот кораб е насликана фреска со престава на Исус Христос Седржител. Иконостасот во црквата го исполнуваат четири реда икони, насликани во 1935 година од непознат зограф. Во црквата има и стари икони, со потекло од XIX век, од непзнати зографи.

 

 
< Претходно   Следно >