Возљубени,

исполнети со духовна радост што Севишниот Бог и Спасител, нашиот Господ Исус Христос ни даде сили и благослов, да ја изградиме црквата на светиот Агатангел Битолски во градот Велес, како и комплетно внатрешно да ја уредиме, за да биде уште еден духовен светилник на овој град, Ве повикуваме сите заедно да ја споделиме оваа духовна радост и да земеме молитвено учество во овој значаен момент за нашата Црква и за градот Велес.

Програма за осветување на црквата „Св. Агатангел Битолски“

09. 05. 2026 (САБОТА)

† 17.00 часот - Вечерна Богослужба на која ќе чиноначалствува Митрополитот Повардарски г. Агатангел со свештенство на Повардарската епархија;

10. 05. 2026 (НЕДЕЛА)

† 08.15 часот - Пречек на Митрополитите Повардарски г. Агатангел и Кумановско-осоговски г. Григориј;

†  08.30 часот - Чин на осветување на црквата „Св. Агатангел Битолски“;

† 09.30 часот - Архиерејска Литургија со која ќе чиноначалствува Неговото Високопреосвештенство, Митрополитот Повардарски г. Агатангел во сослужение на Неговото Високопреосвештенство, Митрополитот Кумановско-осоговски г. Григориј, како и на бројно свештенство на Повардарската епархија.

Домовите Божји, или црквите подигнати во слава на нашиот Создател и Спасител, се голем дар и благослов Божји за луѓето кои се вложиле себеси да изградат живеалиште на Севишниот Господ Бог.

Со Божја помош и закрила, а за радост и духовно преуспевање на верниот македонски православен народ, во последниве дваесет години ја засиливме обновата и изградбата на нови Божји домови и духовни светилишта, цврсто верувајќи дека токму црковната и духовната обнова ќе придонесат и за севкупната национална преродба и будење.

Митрополит Повардарски

г. Агатангел