На денот кога Светата православна црква го чествува споменот на светите македонски просветители Кирил и Методиј се отслужи Света Божествена Литургија во храмот посветен на овие светители во Велес. На Литургијата чиноначалствуваше Митрополитот Повардарски г. Агатангел во сослужение на Митрополитот Брегалнички г. Иларион и бројно свештенство. Митрополитот Агатангел, на оваа Литургија, благоволи и го произведе во чин протоереј, свештеникот Игор Пармачки од Берово.