Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна arrow Насловна arrow Светите апостоли Петар и Павле

Почитувани деца, ученици, студенти, професори, наставници и родители!

Би сакале да Ве известиме дека на 30. 09. 2020 година, среда, кога Светата Православна Црква ќе го чествува споменот на светите маченички Вера, Надеж и Љубов и мајка им Софија, во храмот „Св. Кирил и Методиј“ во Велес со почеток во 09, 00 часот ќе се отслужи Света Божествена Литургија. По Литургијата ќе се отслужи молебен за успешен почеток на школската година. Дојдете, заеднички да се помолиме Човекољубиот Господ и нашиот Спасител, Исус Христос, во овие тешки времиња да ги просветли сите ученици, да им даде сила и успех во учењето, за да бидат за радост на своите родители и од полза на нашата татковина и на Светата Црква.

Овој чин на Призив на Светиот Дух ќе се отслужи во сите поголеми цркви ширум Повардарската епархија.

 

 

Послание до благочестивиот македонски народ од Повардарската епархија!

 

 Се известуваат сите верници од градот Велес дека во чест на Рождеството на Мајката Божја, на 20. 09. 2020 (Недела), на Вечерна Богослужба во црквата „Успение на Пресвета Богородица“, со почеток во 17 часот, ќе биде отслужен Молебен канон на Пресвета Богородица со читање на Богородичниот Акатист, на која сите верници ќе можат да принесат петолебие за здравје и благосостојба.

 
    
  Sample Image   Sample Image   Sample Image   Sample Image Sample Image   Sample Image   Sample Image   Sample Image
 

 
Светите апостоли Петар и Павле
12.07.2020.

 

Sample Image

 

Sample Image На денот кога Светата православна црква го чествува споменот на светиот апостол Петар, Митрополитот Агатангел, во сослужение на повеќе клирици, отслужи света Божествена Литургија во црквата „Св. Кирил и Методиј“ во Велес.

Светиот апостол Петар    

Син Јонин, брат на Андреј Првоповиканиот, од племето Симеоново, од градот Витсаида. Беше рибар и прво се викаше Симон, но Господ благоизволи да го нарекува Кифа или Петар (Јован 1, 42). Прв од учениците јасно ја изрази верата во Господ Исус, велејќи: „Ти Си Христос, Син на Живиот Бог“ (Матеј, 16, 16). Љубовта кон Господ му беше голема, а во верата се утврдуваше постапно. Кога Го изведоа Господ на суд, Петар трипати се одрече од Него, но само еден поглед на лицето Господово го исполни со срам и покајание. По слегувањето на Светиот Дух стана неустрашлив и снажен проповедник на Евангелието. После една негова беседа во Ерусалим се обратија околу три илјади души. Го проповедаше Евангелието ширум Палестина и Мала Азија, Илирика и Италија. Вршеше големи чуда: лечеше болни, воскреснуваше мртви, дури и од неговата сенка се исцелуваа болните. Имаше голема борба со Симон Волхот, којшто се прикажуваше за бог, а всушност беше слуга сатанин. Најпосле го посрами и го победи. На заповед на свирепиот цар Нерон, којшто беше пријател на оној Симон, Петар беше осуден на смрт. Откако го постави Лин за епископ на Рим и го посоветува и утеши стадото Христово, Петар радосно појде да прими смрт. Кога виде пред себе крст, ги замоли џелатите да го распнат главечки, бидејќи се сметаше себеси за недостоен да умре како неговиот Господ. Така се упокои и прими венец на вечна слава великиот слуга на великиот Господ.

Светиот апостол Павле    

Родум од Тарс, од племето Венијаминово. Прво се викаше Савле, учеше кај Гамалиил, беше фарисеј и гонител на христијаните. Во христијанската вера беше обратен преку чудо од Самиот Господ, Којшто му се јави на патот за Дамаск. Крстен од апостолот Ананија. Му се даде името Павле и беше приброен кон службата на големите апостоли. Со пламена ревност го проповедаше Евангелието секаде, од границите на Арабија до Шпанија, меѓу Евреите и незнабожците. Го нарекоа апостол на незнабожците. Колку што беа страшни неговите страдања толку беше натчовечко неговото трпење. Низ сите години на неговото проповедање како на тенок конец висеше ден за ден меѓу животот и смртта. Откако сите денови и ноќи ги исполни со страдања за Христа, откако на многубројни места ја устрои Црквата и откако ја достигна таа мера на совршенство што можеше да рече: „не живеам веќе јас, туку Христос живее во мене“, беше убиен со меч во Рим, во времето на царот Нерон, кога и апостолот Петар.

 
< Претходно   Следно >