Излезе од печат 43-то издание на списанието „Православна Светлина“.  Овој број, тематски, целосно е посветен на настанот со кој Повардарската епархија го одбележа 50 годишниот јубилеј од возобновувањето на Охридската архиепископија во лицето на Македонската православна црква, а тоа е осветувањето на храмот „Св. Кирил и Методиј“ во Велес. Ова издание на „Православна светлина“ е специфично затоа што овој 43-ти број е првиот број кој е испечатен во колор, а тоа е затоа што изобилува со прекрасни фотографии од чинот на осветувањето на велелепниот храм. Се надеваме дека и овој број на Православна Светлина ќе биде радосна вест за сите верници во Повардарската епархија, па и пошироко. Вашиот примерок од новиот број ќе можете да го земете во сите храмови низ Повардарската епархија.