Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна arrow Насловна arrow Крстопоклона недела
Sample Image Sample Image Sample Image
ФОТО МАТЕРИЈАЛ ОД ОСВЕТУВАЊЕТО НА ЦРКВАТА „СВ. КИРИЛ И МЕТОДИЈ“ ВО ВЕЛЕС
Sample Image
Sample Image
Sample Image
Sample Image
Sample Image
 
Крстопоклона недела
20.03.2017.

 

Sample Image

 

Sample Image

На 19. 03. 2017 година, Трета Недела од Велигденските Пости - Крстопоклона, Митрополитот Повардарски г. Агатангел во сослужение на свештеници од Повардарската епархија отслужи Света Архиерејска Литургија. Литургијата беше отслужена во манастирот „Свето Вознесение Христово“ во Гевгелија. 

Митрополитот Агатангел и свештенослужителите го изнесоа светиот Крст од олтарот и го поставија во средината на храмот - извршувајќи поклонување на чесниот Крст. Потоа и сите присутни верници пристапија кон поклонување и целивање на светиот Крст, а Митрополитот на секој верник му даруваше китка босилек.

Во третата Недела од Воскресниот пост се поклонуваме на Чесниот и Животворниот Крст Господен, кој нè укрепува во деновите на жалост, потсетувајќи нè на бесконечната љубов на нашиот Спасител, Кој прими крстни страдања заради нас грешните. Оваа Недела се нарекува »крстопоклона« и се одликува со тоа што Крстот се изнесува на средината на храмот за поклонение.

Водејќи се од љубовта и состраданието со напатениот македонски народ, Неговото Високопреосвештенство, митрополитотот Повардарски г. Агатангел, после отслужената Божествена Литургија, благоволи да отслужи Молебен за умножување на љубовта, следејќи ги двете најголеми Христови заповеди: „Возљуби Го Господа, својот Бог, со сето свое срце, и со сета своја душа, и со сиот свој разум;тоа е прва и најголема заповед; а втората е слична на неа: Возљуби го својот ближен како себеси!“ (Мт. 22, 37-39). На овие две заповеди се заснова целиот живот на секој православен христијанин, и благодарение на нив може да се посведочи пред светот дека од наша страна е разбрана христијанската максима и аксиома дека „Бог е љубов“ (1 Јн. 4,8). Но, поради човечката немоќ, често се заборава на горенаведеното, па предавајќи се на гревот на себељубието и сопствениот интерес, љубовта кон ближниот се намалува. Резултат на намалувањето на љубовта кон ближниот се немирите и конфликтот меѓу истокрвните браќа, Македонци, кои како библиски народ треба да бидат пример на целиот свет дека ја сфатиле Божествената суштина, како и тоа како истата љубов кон Бога и ближниот се применува на практика. За полесно постигнување на оваа цел, во Молебниот за умножување на љубовта, се проси „силата, дејството и благодатта на Својот Пресвет Дух вистински да ги љубиме не само ближните и нашите браќа, туку и нашите непријатели и да им правиме добро на оние што нè мразат“. Господ да ни ја дарува Неговата божествена благодат да ги надминеме сите несогласувања со нашите браќа, да се возљубиме еден со друг и заедно да продолжиме да ја градиме нашата од Бога благословена држава.

 
< Претходно   Следно >