Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна arrow Насловна arrow Отсекување на главата на св. Јован Крстител
    
  Sample Image   Sample Image   Sample Image   Sample Image Sample Image   Sample Image   Sample Image   Sample Image
 
Отсекување на главата на св. Јован Крстител
12.09.2016.

 

Sample Image

 

Sample Image Sample Image Чествувањето на Отсекување на главата на св. Јован Крстител, предвесник Господов, е празник кој торжествено го одбележува и прославува Македонската православна црква, а велелепниот манастир „Св. Јован Бигорски“ е духовниот центар на молитвеното заедничарење на голем број верни души на овој ден. Таму, секоја година, со голема радост и почит доаѓаат голем број на верници и посетители од разни националности и вероисповеди за да се помолат пред чудотворната икона на св. Јован Крстител. Митрополитот Повардарски г. Агатангел сослужуваше на Вечерната богослужба на која надлежниот Митрополит на Дебарско-кичевската епархија, г. Тимотеј изврши монашки потстриг на четири нови браќа во Бигорската обител, Мојсеј, Митрофан, Филарет и Ефрем.

Следниот ден  се отслужи Света Божествената Литургија на која чиноначалствуваше Митрополитот Дебарско-кичевски г. Тимотеј во сослужение на Митрополитот Струмички г. Наум, Митрополитот Повардарски г. Агатангел, Игуменот на Бигорскиот манастир, Архимандритот Партениј и бројно свештенство од Бигорскиот манастир и Дебарско-кичевската епархија. На крајот од архиерејската Литургија, Архимандритот Партениј од името на целото братство на Бигорскиот манастир на Митрополитот Агатангел, како долгогодишен пријател на манастирот и редовен гостин на манастирските слави, му подари мошти од Светиот новомаченик Агатангел Битолски, чиешто име го носи.

Отсекувањето на главата на Св. Јован Крстител 11/09/2016

Ирод Антипа, синот на стариот Ирод, убиецот на Витлеемските младенци во времето на раѓањето на Господ Исус, беше господар на Галилеја во времето на проповедта на Свети Јован Крстител. Овој Ирод беше оженет со ќерката на арапскиот кнез Арета. Но бидејќи зол изданок од зол корен, Ирод ја протера својата законска жена и незаконски ја зеде за сожителка Иродијада, жената на својот брат Филип, којшто сѐ уште беше жив. Против ова беззаконие стана Свети Јован Крстител и силно го изобличи Ирод. Ирод го фрли во затвор. За време на еден пир во неговиот дом во Севастија Галилејска пред гостите играше Салома, ќерката на Филип и Иродијада. И пијан и занесен од таа игра, Ирод ѝ вети на танчерката дека ќе ѝ даде сѐ што ќе посака, па дури и кога би побарала половина од неговото царство. Наговорена од мајка ѝ, Салома ја побара главата на Свети Јован Крстител. Ирод нареди и му ја отсекоа на Јован главата во затворот, па му ја донесоа на Ирод на чинија. Учениците Јованови ноќе го зедоа телото на својот учител и чесно го погребаа, а Иродијада го избоде со игла Јовановиот јазик, а главата му ја закопа на некое нечисто место. Што стана понатаму со главата на Светиот Предвесник опишано е под 24 февруари. Но набрзо оваа група злосторници ги постигна Божја казна. За да ја измие честа на својата ќерка кнезот Арета удри со војска на Ирод и го порази до темел. Поразен Ирод беше осуден од кесарот Калигула на прогонство, најнапред во Галија, а потоа во Шпанија. Како прогонети Ирод и Иродијада живееја во беда и понижувања, додека земјата не се отвори и не ги проголта. Салома загина со зла смрт на реката Сикорис (Сула). Смртта на Свети Јован се случи пред Пасха, а празнувањето на 29 август е востановено затоа што тој ден е осветена црквата којашто на неговиот гроб ја подигнаа во Севастија Светиот цар Конастантин и неговата мајка, Светата царица Елена. Во таа црква се положени моштите на Јовановите ученици: Елисеј и Авдиј. 

 Повеќе информации на Бигорски.мк
 
< Претходно   Следно >