Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна arrow Насловна arrow Освет на камен темелник за нова црква, Валандово

Sample Image   

Возљубени чеда во Христа Спасителот,

Исполнети со огромна духовна радост од последните торжествени настани во нашата Богомдарувана Повардарска епархија, односно осветувањата на две нови духовни светилишта во градовите Гевгелија и Кавадарци, би сакале да Ве известиме дека сите заедно ќе посведочиме уште на еден таков радосен духовен настан.

На 14 Ноември 2021 година, ќе ја осветиме црквата „Св. Атанасиј Велики“ во центарот на градот Богданци. Оваа црква која првично е изградена во 1880 година, поради спој во електричната инсталација беше целосно опожарена во 2014 година. Ова беше голема духовна загуба и за жителите на градот Богданци, и воопшто сите верници на Македонската православна црква. Но и при оваа неволја за градот Богданци и за неговите жители, како и за Повардарската епархија, не останавме рамнодушни, туку напротив веднаш започнавме со изградба на нов импозантен храм кој одново ќе го краси овој град. Со Божја помош и благослов, успеавме во нашите намери.

Тој ден е 14 ноември. Храмот на светиот Атанасиј, архиепископот Александриски, повторно ќе биде духовен светилник на Богданци. Затоа дојдете, заедно, соборно да се радуваме на неговото осветување.

 Митрополит Повардарски г. Агатангел

 
 
Освет на камен темелник за нова црква, Валандово
18.05.2015.

 

Sample Image

 

Sample ImageВо неделата на Слепиот се отслужи Света Божествена Литургија во храмот посветен на светиот великомаченик Димитриј во градот Валандово. На Литургијата чиноначалствуваше Неговото Блаженство, Архиепископот Охридски и Македонски г.г. Стефан во сослужение на Митрополитот Повардарски г. Агатангел, Митрополитот Дебарско кичевски г. Тимотеј и бројно свештенство од Повардарската, Скопската и Дебарскокичевската епархија. На Литургијата молитвено преисуствуваа голем број верници од Валандово, Гевгелија и околните места. По завршувањето на Светата Литургија, Неговото Блаженство, г.г. Стефан заедно со Митрополитите, свештенослужителите и верниот народ се упатија во центарот на Валандово, каде што се изврши осветување на камен темелник за нова црква, посветена на Рождеството на Мајката Божја. Оваа црква ќе се гради по 185 години од последниот изграден храм во овој град, кој е посветен на св. вмч. Димитриј. Црквата ќе се гради со средства на Повардарската епархија и Општината Валандово, чијшто градоначалник гдин Николче Чурлиновски направи особен напор во обезбедувањето на одличната локација на новиот храм. Новиот храм се гради според архитектонско решение на архитектот Благој Здравев од Штип, а техничката изведба на објектот ќе ја изврши компанијата „Џови“ од Струмица. 

 
< Претходно   Следно >