075 143 133(само од мрежата на ОНЕ)

070 143 303(само од мрежата на Т-Мобиле)

Почитувани браќа и сестри во Господа, овозможено преку донаторски броеви од мобилните оператори ОНЕ и Т-Мобиле, со еден телефонски повик да донирате 100 денари за обновата на опожарената Црква „Свети Атанасиј Велики“ во Богданци.

Почитувани верни чеда на Македонската православна црква,

Со огромна тага и голема болка во душата би сакале да Ве известиме дека на 26 декември 2014 г., некаде околу 10. 00 часот, изби пожар во градската црква „Св. Атанасиј Велики” во Богданци, при што целосно изгоре кровната конструкција, а исто така беше зафатен и поголемиот дел од внатрешноста на самата црква.

Причините за избувнувањето на пожарот сé уште не се целосно познати, но се претпоставува дека можна причина е дотраената електрична инсталација. Во секој момент очекуваме, претставниците од надлежните државни институции, да утврдат и да нé известат за точните причини за избувнување на пожарот.

Градската парохиска црква „Св. Атанасиј Велики” во Богданци била изградена во првата половина на XIX век и во минатото неколку пати била обновувана. Црквата беше делумно фрескоживописана и тоа во горните делови од централниот кораб. Иконостасот, со старите царски двери и со стари литијни икони исто така потекнува од XIX век.

Оваа црква има огромно историско значење, бидејќи особено придонела за духовниот развој и зачувувањето на идентитетот на македонските православни христијани од Богданци и селата кои гравитираат околу овој град.

Црквата „Св. Атанасиј Велики” од Богданци речиси два века било местото каде се крштевале, венчавале и црквувале Богданчани, па затоа искрено се надеваме дека целиот македонски народ соборно и активно ќе учествува во обновата на ова значајно и древно македонско светилиште.

Доколку би сакале да помогнете, односно да учествувате во обновата на Градската парохиска црква „Св. Атанасиј Велики” во Богданци истото можете да го сторите на жиро-сметката на МПЦ-Повардарска православна епархија во НЛБ Тутунска банка бр: 210040688821710, со цел на дознака: за обнова на црквата „Св. Атанасиј Велики” во Богданци, или да се обратите за информации на телефон 043/ 221 - 231 во седиштето на МПЦ-Повардарска православна епархија на ул. „Ѓоре Органџиев” бб - Велес, а исто така можете и да го контактирате старешината на црквата - свештеник Димче Ставревски на телефон 078/ 200 - 258.

Ви благодариме, Господ нека ги награди и благослови сите обновители и украсители на Неговите светилишта.

Со почит и Божји благослов,

Митрополит Повардарски г. Агатангел