Централна парохиска црква „Св. Вмч. Димитриј”. Возобновена е во 1834 година. Според народните преданија била делумно фрескоживописана во 1843 година од тогашни зографи за кои не постои никаков поточен запис. Олтарскиот простор повторно е живописан од страна на зографската тајфа на Светозар Богдановски од Велес во 1995 година. Според својата архитектурна форма таа е трикорабна базилика. Во црквата има два помошни олтари со иконостаси од јужната и северната страна. Едниот олтар е посветен на Св. вмч Димитрија, а другиот на Преподобна Параскева (Св. Петка). Иконите датираат од времето кога е возобновена црквата 1843 година, но зографите кои ги изработиле се непознати.