На денот кога Светата Православна Црква го слави споменот на светиот великомаченик Ѓорѓи, Митрополитот Повардарски г. Агатангел отслужи Света Божествена Литургија во манастирот посветен на овој светител во Неготино. На Литургијата сослужуваа свештеници од кавадаречкото намесништво на епархијата.

Голем број на верници молитвено присуствуваа на Литургијата, а дел од нив се причестија, примијќи ги Светите Христови дарови.

По завршувањето на Литургијата, Митрополитот, присутните свештеници и верници го проследија поетскиот караван при проектот „Почувствувај ја Македонија со шестото сетило – срцето“ во организација на Друштвото на писатели на Македонија и младинската организација „Почувствувај ја Македонија“, кој се одржа во конаците на манастирот.