Манастир „Св. Јован Крстител”. Манастирот Св. Јован се наоѓа на 25 км. северно од Велес во близина на патот кон Скопје. За почетокот од постоењето на манастирот не постојат пишани извори. Бидејќи црквата ги нема белезите на градбите можно е да се претпостави дека нејзиното постоење датира уште од византискиот период.

Според еден ѕиден натпис над вратата од манастирската црква може да се претпостави дека манастирот бил изграден во 1670 год. Тогаш велешки владика бил Јосиф. Натписот е напишан со словенско писмо, а тоа е можно, оти митрополитот Јован, иако бил Грк, не го забранувал словенското писмо. Но, можно е да се претпостави дека во спомнатата година манастирската црква била само обновена и реконструирана, бидејќи Турците ретко дозволувале подигање на нови христијански храмови. Историјата на манастирот е мрачна. Самата црква е куполна , мала и темна. Околу црквата се поместени  манастирските конаци и други простории.