Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна arrow Насловна arrow Нов црковен хор во Велес

Возљубени,

Ве известуваме дека во рамките на учеството на Македонската православна црква на годинешниот МЕЃУНАРОДЕН САЕМ НА КНИГАТА, кој ќе се одржи од 18. 04. 2024 година до 24. 04. 2024 година во спортскиот центар „Борис Трајковски“ во Скопје, Повардарската епархија ќе ги претстави сите изданија од својата издавачка дејност „Св. Ѓорѓи Полошки“. Сите изложени изданија на саемот ќе бидат со репрезентативни цени (намалени) во однос на редовните продажни цени на книгите.

Оваа година беше навистина плодна за нашата издавачка дејност, па така, на саемот, ќе претставиме дури ДВАНАЕСЕТ нови изданија, во однос на минатогодишниот саем, и тоа книгите: „Свети Јован Златоуст - Дела“ 1 и 2 том, „Средба со Бог - старец Ефрем Аризонски“, „Света Ксенија Петроградска“, „Монографија – Митрополит Агатангел“, „Свети Герасим Кефалониски“, „Историја на македонскиот народ“, како и реизданија на книгите „Старец Јосиф Исихаст“, „Мојот живот со старец Јосиф“, „Пат на небо“, „Свети Нектариј Егински“ и „Давидов Псалтир“.

Покрај книгите, на штандот на Повардарската епархија ќе бидат изложени и бесплатни примероци од списанието на Повардарската епархија „Православна светлина“.

Ве покануваме да го посетите штандот на Македонската православна црква и да одберете некое од нашите изданија.

 
Нов црковен хор во Велес
25.10.2012.
Sample Image   Sample Image
 
 Sample Image   Sample Image
 
На 24. 10. 2012 година, Митрополиот Повардарски г. Агатангел го прими во посета женскиот црковен хор „Св. Кирил и Методиј“ од Велес. На средбата, диригентката на хорот проф. Веселинка Маџарова-Андова го информираше Митрополитот дека новосоздадениот црковен женски хор е веќе подготвен за да учествува со своето пеење во Светата Божествена Литургија, така што од сега па натаму богослужбите во Велес и во Повардарската епархија ќе бидат збогатени со велелепните звуци и на овој нов црковен хор.  Ова е втор црковен хор во Велес, покрај постоечкиот мешан хор „Св. вмч. Пантелејмон“.
 
< Претходно   Следно >