Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна arrow Насловна arrow Премиера на филмот „Пресвета Богородице, спаси нè“

Возљубени,

Ве известуваме дека во рамките на учеството на Македонската православна црква на годинешниот МЕЃУНАРОДЕН САЕМ НА КНИГАТА, кој ќе се одржи од 18. 04. 2024 година до 24. 04. 2024 година во спортскиот центар „Борис Трајковски“ во Скопје, Повардарската епархија ќе ги претстави сите изданија од својата издавачка дејност „Св. Ѓорѓи Полошки“. Сите изложени изданија на саемот ќе бидат со репрезентативни цени (намалени) во однос на редовните продажни цени на книгите.

Оваа година беше навистина плодна за нашата издавачка дејност, па така, на саемот, ќе претставиме дури ДВАНАЕСЕТ нови изданија, во однос на минатогодишниот саем, и тоа книгите: „Свети Јован Златоуст - Дела“ 1 и 2 том, „Средба со Бог - старец Ефрем Аризонски“, „Света Ксенија Петроградска“, „Монографија – Митрополит Агатангел“, „Свети Герасим Кефалониски“, „Историја на македонскиот народ“, како и реизданија на книгите „Старец Јосиф Исихаст“, „Мојот живот со старец Јосиф“, „Пат на небо“, „Свети Нектариј Егински“ и „Давидов Псалтир“.

Покрај книгите, на штандот на Повардарската епархија ќе бидат изложени и бесплатни примероци од списанието на Повардарската епархија „Православна светлина“.

Ве покануваме да го посетите штандот на Македонската православна црква и да одберете некое од нашите изданија.

 
Премиера на филмот „Пресвета Богородице, спаси нè“
28.05.2012.

 

Sample Image

 

На 26. 05. 2012 година (сабота) се одржа премиера на играно -документарниот филм Пресвета Богородице, спаси нè“, филм кој е во продукција на Повардарската епархија, а е снимен по повод 45-годишнината од возобновувањето на Охридската архиепископија во лицето на Македонската Православна Црква. Премиерната проекција на филмот се одржа во Соборниот храм на Повардарската епархија „Св. Вмч. Пантелејмон во Велес. Ова е прв играно - документарен филм посветен на животот на Пресвета Богородица.
На премиерната проекција присуствуваа околу 300 гости, меѓу кои и митрополитот Преспанско-пелагониски г. Петар и митрополитот Повардарски г. Агатангел, како и градоначалникот на општина Велес, г-дин Горан Петров, кои им се обратија на присутните гости.
По завршувањето на проекцијата пред присутните гости се обрати и актерката Весна Димитровска, која се јавува како режисер на филмот, а истовремено и го толкува ликот на мајката Божја.
Играно-документарниот филм „Пресвета Богородице
, спаси нè започна да се снима во август 2009 година токму пред велешката црква „Св. Вмч. Пантелејмон“.  Во него покрај Весна Димитровска играат и актерите Милица Стојановска, Роберт Вељановски, Катерина Шехтанска, Александар Ѓорѓиев,  Драган Миладинов, Роберт Ристов и други.
Филмот наскоро премиерно ќе биде прикажан на МТВ, а веќе е даден на титлување на неколку јазици и ќе биде прикажан на фестивали кои ја третираат оваа тематика.

 

Sample Image
 
 Sample Image
 
 Sample Image
 
 Sample Image

 

 

 
< Претходно   Следно >