|
|
|
Возљубени! Во сабота, на ден 22. 03. 2025 година, (Младенци), во сите храмови од Повардарската епархија ќе биде отслужена Света Заупокоена литургија и Молебен за здравје и поткрепа на настраданите при пожарот и страшната трагедија во Кочани. Ги повикуваме сите православни верници од Повардарската епархија да земат учество во заедничката молитва, која ќе ја упатиме кон Бога за покој на душите на починатите, како и за брзо и успешно заздравување на сите настрадани во оваа страшна несреќа. Господ Бог нека им даде мир, духовна сила и утеха на нивните родители, на сите нивни роднини и пријатели.
|
| Акатист кон Пресвета Богородица, четврта статија |
| 26.03.2012. | |
|
На 23. 03. 2012 година, во петок од четвртата седмица од Великиот Пост, во храмот „Успение на Пресвета Богородица“ во Велес се отслужи четвртата и последна статија од Богородичниот Акатист. На вечерната богослужба сослужуваа протоереј-ставрофор Славе Јованов, свештеник Драги Гаштарски, свештеник Јованче Илиевски и ѓакон Мишо Тодоров, а присуствуваше и Митрополитот Повардарски г. Агатангел. На крајот на вечерната богослужба беа благословени и прекршени празничните лебови. Следниот петок ќе се отслужи мало повечерие на кое ќе се читаат сите статии од Акатистот кон Пресвета Богородица. |
| < Претходно | Следно > |
|---|
