о благослов на Неговото Високопреосвештенство, Митрополитот Повардарски г. Агатангел,во деновите од изминатиот викенд, делегација од Повардарската епархија, предводена од секретарот на епархијата, ѓакон Влатко Стоименов, на покана на познатиот европски производител на црковни ѕвона „Грасмаер“ претстојуваше во Инсбрук, Австрија. Компанијата „Грасмаер“ ги подготвува црковните ѕвона за новата црква „Св. Кирил и Методиј“ во Велес и за новата црква „Св. Петка“ во Кавадарци. На покана на австриската компанија нашата делегација присуствуваше на чинот на лиење на ѕвоната. Пред самиот чин на лиење, ѓаконот Стоименов се помоли за успешно да се заврши подготвувањето на црковните ѕвона, а домакините и бројните гости, кои се по вероисповед католици, заедно со нашата делегација заедно се помолија за успешен почеток и успешно завршување на веќе започнатата работа, односно правењето на црковните камбани.