Прегледувате:
| Рождество на Пресвета Богородица |
| 20.09.2007. | |
|
Во предвечерјето на денот кога го празнуваме раѓањето на Пресвета Богородица (9/21септември), во храмот „Св. Богородица“ во Велес беше отслужена Вечерна Богослужба со која чиноначалствуваше Митрополитот Повардарски г. Агатангел. На богослужбата присуствуваа голем број верници, кои молитвено и се поклонија на Мајката Божја, и се помолија на Пресвета Богородица за нејзино застапништво на нивните души пред престолот на Спасителот. За време на вечерната богослужба беше отслужен и Акатистот нa Пресвета Богородица. Свештениците Борислав Бобевски и Горанче Темелковски ја искористија оваа прилика за да му даруваат мало одејание на Митрополитот Повардарски, по повод наближувањето на едногодишниот јубилеј на Митрополитот од неговото повторно возглавување на Повардарската епархија.     На самиот ден на празнувањето на Рождеството Богородично Митрополитот Повардарски г. Агатангел во манастирот „Св. Ѓорѓи Победоносец“ во Неготино, отслужи Света архиерејска литургија. На оваа литургија, Митрополитот Агатангел благоволи и го потстрижа дипломираниот теолог - чедото Божјо Дејан Димов од Неготино, најпрво во чин чтец, а потоа во чиновите ипоѓакон и ѓакон. Во своето свечено слово, Митрополитот Повардарски г. Агатангел најпрво им го претстави на верниците новиот ѓакон, а потоа беседеше за величината на настанот кој го празнуваме - раѓањето на мајката на нашиот Господ Бог Исус Христос.      По завршувањето на литургијата беше извршен водосвет и беа прекршени славските колачи, а потоа беше принесена и трпеза на љубовта. |
| < Претходно | Следно > |
|---|
