Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна
    
  Sample Image   Sample Image   Sample Image   Sample Image Sample Image   Sample Image   Sample Image   Sample Image
 


На празникот на Св. Атанасиј Велики

 

Sample Image

 

На денот кога Светата православна црква го празнува споменот на Св. Атанасиј Велики, Митрополитот Повардарски г. Агатангел отслужи Света Божествена Литургија во храмот посветен на овој светител во Неготино. На Литургијата сослужуваа повеќе свештенослужители од епархијата, а молитвено голем број верници од градот го чествуваа својот закрилник. Неговото Високопреосвештенство, г. Агатангел по завршувањето на Литургијата изврши водосвет и ги благослови славските колачи.

Свети Атанасиј Велики, архиепископ Алесандриски     31/01/2012

Роден во Александрија 296 година. Од детството наклонет кон духовниот призив. Беше ѓакон кај архиепископот Александар и го придружуваше својот архиепископ на Првиот Вселенски Собор во Никеја. На овој Собор многу се прослави со неговата ученост, благочестие и ревност за Православието. Многу придонесе за побивањето на Ариевата ерес и за утврдувањето на Православието. Го напиша Симболот на Верата кој на Соборот беше усвоен. По смртта на Александар, Св. Атанасиј беше избран за архиепископ Александриски. Во архиепископскиот чин остана над четириесет години, иако не беше цело време на архиепископскиот престол. Речиси сиот живот беше гонет од еретиците. Од царевите најмногу го гонеа: Констанциј, Јулијан и Валент; од епископите Евсевиј Никомидиски со уште мнозина други; а од еретиците Ариј и неговите следбеници. Беше принуден да се крие од гонителите дури и во бунар, во гроб, по приватни куќи, по пустини. На двапати бегаше во Рим. Дури пред смртта едно време проживеа мирно како добар пастир сред своето стадо, коешто вистински го љубеше. Мал е бројот на светителите што се толку клеветени и толку злосторнички гонети како Св. Атанасиј. Но неговата голема душа најпосле излезе победоносна од сета таа долготрајна и страшна борба. За совет, утеха и морална потпора често одеше кај Свети Антониј, кого го почитуваше како свој духовен отец. Човекот којшто ја формулираше најголемата вистина мораше и да пострада за таа вистина, додека Господ не го упокои во Своето Царство овој Свој верен раб, во 373 година.

 
Архиерејска Литургија, Демир Капија

 

Sample Image

 

На  29. 01. 2012 год., (недела), на денот кога Светата православна црква ги празнува Чесни вериги на Св. апостол Петар, преподобниот маченик Дамаскин Габровски беше отслужена Света Архиерејска Литрургија во храмот „Успение на Пресвета Богородица“ во Демир Капија.
Со Литургијата чиноначалствуваше Митрополитот Повардарски г. Агатангел, во сослужение на повеќе свештенослужители од сите намесништва на епархијата.
Митрополитот Агатангел, со празнична проповед се обрати кон присутните верници, повикувајќи ги смирено и со покајание да му пристапуваат на Бога, зашто само таквите молитви Бог ги услишува.

 
Св. Гаврил Лесновски

 Sample Image

По повод Празникот на Лесновската Светиња – Свети Гаврил Лесновски, во предвечерието на празникот, на 27. 01. 2012 година, Неговото Високопреосвештенство Митрополитот Брегалнички г. Иларион во сослужение на Игуменот на Лесновската Обител отец Дамаскин со браќата при Лесновскиот манастир, отслужи Празнична Вечерна Богослужба.

Утредента на 28. 01. 2012 година, Неговото Високопреосвештенство Митрополитот Повардарски г. Агатангел заедно со Надлежниот Архиереј Неговото Високопреосвештенство Митрополитот Брегалнички г. Иларион, во сослужение на Игуменот на Лесновскиот манастир отец Дамаскин со браќата од манастирот и свештеници од Брегалничката епархија, отслужи Света Архиерејска Литургија. Пригодна беседа произнесе Митрополитот Повардарски г. Агатангел, а Митрополитот Брегалнички г. Иларион Им го честита празникот на Лесновци и Му се заблагодари на Митрополитот г. Агатангел за отслужената Света Литургија. По ова Митрополитите го благословија и пресекоа празничниот леб.

 
Собор на Свети Јован Крстител
 
Sample Image   Sample Image
 

На празникот на Светиот Јован Крстител, Митрополитот Повардарски г. Агатангел благоволи и отслужи Света Божествена Литургија во манастирот посветен на Св. Јован Претеча во местото Ветерско . По зваршувањето на Литургијата, во дворот на манстирот беше осветена вода за здравје на верниците и беа прекршени славските колачи.

Свети Јован Крстител     20/01/2012

Со оглед дека главната улога на Свети Јован се оствари на денот на Богојавление, древната Црква денот по Богојавление му го посвети на неговиот спомен. За овој ден се врзува и настанот со раката на Светиот Предвесник. Евангелистот Лука, кој посака да го пренесе Јовановото тело од Севастија, во којашто големиот Пророк беше убиен од царот Ирод во Антиохија, родното место на Св. Лука, успеа да ја пренесе само едната рака на Свети Јован, којашто во Антиохија ја чуваа до 10 век. Потоа беше пренесена во Цариград, но во времето на Турците исчезна оттаму. Свети Јован Крстител се прославува неколку пати во годината, но народот најмногу го празнува овој ден, 7 јануари. Меѓу евангелските личности околу Спасителот тој има посебно место: и според начинот на доаѓањето во светот, и според улогата на Крстител на луѓето за покајание, и како Крстител на Месијата, најпосле и според трагичното заминување од овој живот. Се одликуваше со толкава морална чистота што навистина можеше попрво да биде нарекуван ангел одошто смртен човек. Меѓу сите Пророци Свети Јован е единствениот кој можел и со рака да Го покаже Оној за Кого пророкувал. За раката на Светиот Предвесник се раскажува дека секоја година на денот на неговиот спомен архиерејот Антиохиски ја изнесувал пред народот. Понекогаш таа рака се јавувала раширена, а понекогаш згрчена. Во првиот случај означувала родна и богата година, а во вториот неродна и гладна.

 
Богојавление - Водици

 

Sample Image

 

БОГ СЕ ЈАВИ!

Прославата на празникот на Богојавлението во Велес, започна со Света Божествена Литургија во храмот „Св. Спас“, на која чиноначалствуваше Митрополитот Повардарски г. Агатангел во сослужение на целото свештенство од Велес. Потоа, од храмот „Св. Спас“ беше формирана литија до мало мовче од каде што се изврши осветувањето на водите на реката Вардар и беше фрлен чесниот и животворен крст во водите.     

Традиционално секоја година велешани масовно присуствуваат на осветувањето на водите и фрлањето на животворниот крст, а секоја година голем е бројот на оние коишто се фрлаат во студените води на реката Вардар за да го фатат крстот. Оваа година имаше 70 млади луѓе кои влегоа во водите на реката Вардар за да го фатат крстот за здравје и спасение. Оваа година крстот го фати младиот Антонио Тасевски од велешката населба Превалец. Нему Митрополитот Повардарски, Господин Агатангел му ја подари Библијата и златен крст, а десетина други спонзори му подарија други пригодни дарови. На осветувањето на водата на реката Вардар оваа година покрај многубројните велешани традиционално присуствуваше и градоначалникот г-дин Горан Петров и пратениците од Велес.

 
Водокрст
 
Sample Image
Ден пред големиот христијански празник Богојавление - Водици, на празникот наречен Водокрст секоја година се извршува голем Богојавленски водосвет. Оваа година осветувањето на водите се изврши во црквата „Успение на Пресвета Богородица“ во Велес, каде Митрополитот Повардарски г. Агатангел отслужи Света Василиева Литургија, а потоа во сослужение на присутните свештеници ја освети водата за здравје и спасение на верниците.
 
Повеќе...
<< Почеток < Претходна 21 22 23 24 25 26 27 Следна > Крај >>

Резултати 989 - 1026 од 1026