Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна

Почитувани,

Со оглед на новонастанатата состојба во нашата држава, а заради пандемијата со КОВИД-19, која се однесува на забраната за посетување на гробните места за денот на покојните – ДУХОВДЕНСКА ЗАДУШНИЦА, се известуваат и повикуваат сите верни чеда на Повардарската православна епархија од сите населени места кои се наоѓаат во нејзиниот состав, во деновите 05.06. 2020 (Петок) и 06.06.2020 (Сабота), во периодот од 08-14 часот, да дојдат во храмовите (дворовите на храмовите) и со себе да понесат варена пченица, црвено вино и список со своите претходно упокоени блиски роднини и пријатели.

Во тој спомен (на нашите претходно упокоени) на ден 06. 06. 2020 (Сабота) со почеток во 08 часот ќе биде отслужена и Заупокоена Литургија во сите храмови. Затоа Ве покануваме помасовно и достоинствено да им оддадеме чест и спомен на сите упокоени наши браќа и сестри во Христа.

 
 
    
  Sample Image   Sample Image   Sample Image   Sample Image Sample Image   Sample Image   Sample Image   Sample Image
 

 


Свети Атанасиј Велики
15.05.2013.

 

Sample Image

 

Sample Image На денот на кој Светата православна црква го чествува Светиот Атанасиј Велики, архиепископ Александриски, Митрополитот Повардарски г. Агатангел отслужи Света Божествена Литургија во храмот посветен на овој светител во Богданци, град чии жители го слават Светиот Атанасиј како свој патрон и заштитник, па затоа и масовно ја посетуваат црквата на овој ден, молитвено просејќи го застапништвото од светителот. На Литургијата сослужуваа свештенослужители од гевгелиското намесништво. Повеќе верници застанаа пред Светиот Путир, примајќи ги Светите Христови дарови, а по завршувањето на Литургијата беа прекршени и празничните колачи.

 

Свети Атанасиј Велики, архиепископ Александриски    

Sample ImageНа денешен ден се празнува преносот на неговите мошти и чудата произлезени од нив. А животот и подвигот на овој светител се опишани под 18 јануари: Роден во Александрија 296 година. Од детството наклонет кон духовниот призив. Беше ѓакон кај архиепископот Александар и го придружуваше својот архиепископ на Првиот Вселенски Собор во Никеја. На овој Собор многу се прослави со неговата ученост, благочестие и ревност за Православието. Многу придонесе за побивањето на Ариевата ерес и за утврдувањето на Православието. Го напиша Симболот на Верата кој на Соборот беше усвоен. По смртта на Александар, Св. Атанасиј беше избран за архиепископ Александриски. Во архиепископскиот чин остана над четириесет години, иако не беше цело време на архиепископскиот престол. Речиси сиот живот беше гонет од еретиците. Од царевите најмногу го гонеа: Констанциј, Јулијан и Валент; од епископите Евсевиј Никомидиски со уште мнозина други; а од еретиците Ариј и неговите следбеници. Беше принуден да се крие од гонителите дури и во бунар, во гроб, по приватни куќи, по пустини. На двапати бегаше во Рим. Дури пред смртта едно време проживеа мирно како добар пастир сред своето стадо, коешто вистински го љубеше. Мал е бројот на светителите што се толку клеветени и толку злосторнички гонети како Св. Атанасиј. Но неговата голема душа најпосле излезе победоносна од сета таа долготрајна и страшна борба. За совет, утеха и морална потпора често одеше кај Свети Антониј, кого го почитуваше како свој духовен отец. Човекот којшто ја формулираше најголемата вистина мораше и да пострада за таа вистина, додека Господ не го упокои во Своето Царство овој Свој верен раб, во 373 година.

 
Божествена Литургија, Скопје
13.05.2013.

 

Sample Image   Sample Image
 
Sample Image   Sample Image
 
Sample Image   Sample Image
 

 

Во втората недела по Воскресението Христово, Томина Недела, Неговото Блаженство Архиепископот Охридски и Македонски г.г. Стефан чиноначалствуваше на Божествената Литургија во храмот „ св. Петкаво Скопје  во сослужение на Митрополитот Повардарски г. Агатангел и Епископот Лешочки г. Јосиф.

По Литургија беше осветена возобновената црковна сала и библиотека.

 
Источен Петок - Балаклија
13.05.2013.

 

Sample Image

 

Sample Image

Балаклија, односно Источeн Петок е денот што духовно го обединува градот Велес и неговите жители. Овој ден се прославува како слава на градот Велес, при што центарот на празнувањето е манастирскиот комплекс „Св. Димитриј“ и околните цркви „Св. Петка“ и „Св. Никола“.

И оваа како и сите години наназад, Велешани масовно ги посетија овие три христијански храмови. На овој ден, Митрополитот Повардарски Агатангел, во манастирот „Св. Димитрија“, во сослужение со свештенството од велешкото намесништво, отслужи Света Божествена Литургија, а во предвечерјето на празникот чиноначалствуваше со Вечерната Богослужба.

 

 
Донација за црковната кујна
9.05.2013.

 

Sample Image   Sample Image
 
Sample Image   Sample Image

 

12, 000 денари, средства собрани од годинешната манифестација „Велигденско јајце“ беа донирани за потребите на црковната кујна во Велес од страна на градоначалникот на Општина Велес, г-дин Славчо Чадиев.

Во првата празнична недела кога го славиме најголемиот христијански празник ова е доказ дека  грижата за сите жители која ја има локалната власт е огромна. Се собраа извесни средства, средства кои сакаме да ги донираме во Црковно - народната кујна со една единствена цел да дадеме скромен придонес во хуманата акција која ја  спроведува  Владиката Агатангел“, рече г-дин Чадиев.

Секоја помош  во Црковно - народната кујна е добредојдена. Тука не по своја вина се прехрануваат многу наши сограѓани. Верувам дека новиот градоначалник  кој  е од редовите на демохристијанската партија ќе  има поголема грижа за потребите на најсиромашните и би сакам да му се зблагодарам бидејки еве уште во почетните негови денови ја покажува љубовта, грижата за своите сограѓани и за верниците на нашата света Македонска црква“, рече митрополитот Повардарски, г-дин Агатангел.

Владиката Агатангел ги повика сите хумани луге да го следат примерот на општина Велес.

Ги поканувам сите оние кои сакаат да донираат немора парично, може во храна, вооблека некогаш може оти ние собираме и облека и таа облека ја класифицираме и ја делиме на сите луге кои тука доаѓаат“, рече  Агатангел.

Од  100 до 150 велешани секојдневно по еден топол оброк добиваат во оваа Црковно народна кујна.

 
Воскресение Христово - Велигден
8.05.2013.
 
 
 

 

Sample ImageНајрадосната вест за православните христијански души, веста за Воскреснието на нашиот Спасител, Господ Исус Христос беше објавена точно на полноќ  во сабота спроти недела низ сите храмови ширум светот.

Милиони верни души ширум целиот свет извикуваа „Навистина Воскресна“!

Централната прослава на празникот над празниците во Повардарската епархија, беше одржана во Соборниот храм „Св. вмч. Пантелејмон“ во Велес, каде Митрополитот Повардарски г. Агатангел ја објави најторжествената и најрадосната вест на Православието.

Во продолжение на празникот беше отслужена Велигденска Воскресна Литургија, каде многубројни верни чеда чекаа до раните утрински часови да се соединат со Господ Исус Христос, примајќи ги Неговите Свети дарови.

Во неделата утрото, се отслужи Вечерна Богослужба со читање на Евангелието на десет разни јазици.

На втор ден Велигден, Митрополитот Повардарски г. Агатангел отслужи Света Божествена Литургија во црквата „Св. Димитриј“ во Кавадарци, а на трет ден Велигден во црквата „Св. Недела“ во село Стојаково.

 

 
Велики Петок
8.05.2013.

 

Sample Image

 

Sample Image На Велики Петок утрото, кога светата Православна Црква го слави погребението на нашиот Господ и Спасител Исус Христос, во храмот „Св. Спас“ во Велес, Митрополитот Агатангел во сослужение со клирици од Велес, ги отслужи Царските Часови и Вечерната богослужба, на која, како што е превидено според типикот, беше изнесена плаштаницата среде храмот. Верниот народ се поклонуваше и ја целиваше плаштаницата и потоа поминуваше под неа, затоа што, за да дојдеме до воскресение, најпрво мораме да поминеме низ гробот Господов - без распетие, страдање и погребение нема воскресение.

Исто така, во храмот „Свето Вознесение Христово“, Митрополитот Повардарски г. Агатангел во вечерните часови на Велики Петок, во присуство на голем број верници чиноначалствуваше со богослужбата на Оплакување  на постраданиот и погребан Спасителот Господ Исус Христос на која беа прочитани  Пофални  песни на гробот Христов, односно Статии на Велики Петок.

 
Повеќе...
<< Почеток < Претходна 21 22 23 24 25 26 27 28 29 Следна > Крај >>

Резултати 875 - 912 од 1067