Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна

Почитувани,

Со оглед на новонастанатата состојба во нашата држава, а заради пандемијата со КОВИД-19, која се однесува на забраната за посетување на гробните места за денот на покојните – ДУХОВДЕНСКА ЗАДУШНИЦА, се известуваат и повикуваат сите верни чеда на Повардарската православна епархија од сите населени места кои се наоѓаат во нејзиниот состав, во деновите 05.06. 2020 (Петок) и 06.06.2020 (Сабота), во периодот од 08-14 часот, да дојдат во храмовите (дворовите на храмовите) и со себе да понесат варена пченица, црвено вино и список со своите претходно упокоени блиски роднини и пријатели.

Во тој спомен (на нашите претходно упокоени) на ден 06. 06. 2020 (Сабота) со почеток во 08 часот ќе биде отслужена и Заупокоена Литургија во сите храмови. Затоа Ве покануваме помасовно и достоинствено да им оддадеме чест и спомен на сите упокоени наши браќа и сестри во Христа.

 
 
    
  Sample Image   Sample Image   Sample Image   Sample Image Sample Image   Sample Image   Sample Image   Sample Image
 

 


Вечерна богослужба
6.12.2013.
Sample ImageПо повод прославата на празникот на патронот на Македонската Православна Црква, Свети Климент Охридски, утре со почеток во 18 часот, во епархискиот параклис посветен на Св. Климент во Велес ќе биде отслужена Вечерна Богослужба, а наредниот ден исто во епархискиот параклис со почеток во 08 часот ќе се отслужи Света Божествена Литургија.

Ученик на Светите Методиј и Кирил. По смртта на Св. Методиј Климент, под притисок на Германците, од Моравија тргна на југ. Со Горазд, Наум, Сава и Ангелариј - заедно наречени Петочисленици - го помина Дунав, поседе како гостин при царот Борис Михаил и потоа дојде во охридскиот крај. Прво основа манастир во Белица, кај што му беше и првото епископско седиште. Подоцна се пресели во Охрид и оттаму разви голема архипастирска и просветителска дејност за целата поблиска и подалечна околина. Во Охрид Свети Климент му подигна црква на Св. Пантелејмон. Имаше голем број ученици коишто ги препишуваа книгите со словенски букви за словенскиот народ. При таа дејност особено му помагаше Св. Наум. Вршеше чуда и за време на земниот живот, а неговите мошти до денешен ден пројавуваат исцелителна сила. После големиот труд и верната служба на Бога, се упокои мирно во Охрид, во 916 година. Не се знае кога и каде е точно роден, нема податоци за семејството и потеклото, освен дека бил закопан на 27 јули 916 година во манастирот на Плаошник во Охрид, што тој сам го изградил и го посветил на св. Пантелејмон. Кога манастирот бил претворен во џамија, моштите му биле пренесени во црквата Св. Богородица Перивлепта, која оттогаш е нарекувана со неговото име. Моштите му се повторно вратени во август 2002 година по обновата и осветувањето на неговиот манастир.

 
Ново издание од Повардарската епархија
5.12.2013.

Sample ImageСо благослов на Митрополитот Повардарски г. Агатангел, се подготви и се испечати книгата „Со пост и молитва“. Ова ново издание од издавачката дејност при Повардарската епархија „Св. Ѓорѓи Полошки“ е зборник од душеполезни текстови за постот и молитвата кои имаат за цел да и помогнат на секоја христијанска душа правилно да пристапи кон постот, притоа не запазувајќи ја само телесната димензија на постот, туку и духовната димензија каде што треба вистински да се посветиме на молитвата. Текстовите од грчки и руски јазик ги преведе свештеник Јани Мулев. Книгата може да се најде во сите храмови на Повардарската епархија или да се порача директно од издаваштвото на Повардарската епархија на тел. 043 221 231.

Во прилог можете да го прочитате и предговорот на оваа книга.

Не постои строго определен концепт за христијанскиот духовен живот, но постојат некои главни карактеристики без кои не се може. Духовниот живот на христијаните е многу богат и длабок, и не може со зборови сиот да се опише и исцрпи, да се објасни целосно во една книга. Сета негова длабочина, богатство и убавина им е позната само на оние кои го зеле на себе благиот јарем Христов, кои се потрудиле во својот живот да го преточат она што го читаат во Светото Писмо. Главни карактеристики се постот, молитвата и покајничката исповед – а сето тоа како подготовка за Светата Причест. Но овие добродетели не се независни и доволни. Каков е тој пост, ако ние не сме подготвени да дадеме милостина? Каква е таа молитва, ако ние не сакаме да одвоиме време за ближните? Каква е таа покајничка исповед, ако ние не им простуваме на оние кои ни згрешиле? Каков е тој духовен живот, кој не нѐ води кон љубов и смирение?

Повеќе...
 
Воведение на Пресвета Богородица - Пречиста
5.12.2013.

 

Sample Image
 
Sample Image

 

На празникот Воведение на Пресвета Богородица - Пречиста, Митрополитот Повардарски г. Агатангел отслужи Света Архиерејска Литургија во Полошкиот манастир „Св. Ѓорѓи“ на Тиквешкото езеро.

 

Sample Image
 
Sample Image

 

Воведение на Пресвета Богородица     04/12/2013

Sample ImageКога Пресвета Дева Марија наполни три години од раѓањето, нејзините свети родители Јоаким и Ана ја доведоа од Назарет во Ерусалим, за да ја предадат, според своето ветување, на служба на Бога. Од Назарет до Ерусалим има три дена пат, но одеа на богоугодно дело и патот не им беше тежок. Се собраа и мнозина роднини на Јоаким и Ана за да земат учество во таа свеченост, во којашто невидливо учествуваа и ангелите Божји. Напред одеа девиците со запалени свеќи во рацете, потоа Пресветата Дева, водена од едната страна од Јоаким, а од другата од Ана. Беше украсена со царска благолепна облека и со украси, како што ѝ прилега на царска ќерка, на невеста Божја. Зад нив одеа многубројни роднини и пријатели, сите со запалени свеќи. Пред храмот имаше петнаесет скалила. Родителите Ја кренаа Дева на првото скалило, а Таа тогаш сама брзо се искачи на врвот, кај што Ја дочека првосвештеникот Захарија, таткото на Св. Јован Предвесник. Кога првосвештеникот Ја зеде за рака, Ја воведе не само во храмот туку и во Светињата на светињите, каде што никој никогаш не влегуваше, освен архиерејот. Св. Теофилакт Охридски вели дека Захарија бил „надвор од себеси и обземен од Бога“ кога Ја воведувал Дева во најсветото место во храмот, зад втората завеса, поинаку не би можела да се објасни оваа постапка. Во онаа прилика родителите на Дева Марија според Законот, Му принесоа жртви на Бога примија благослов од свештеникот и се вратија дома, а Пресветата Дева остана при храмот. Таа пребиваше во храмот цели девет години. Родителите Ја посетуваа често додека беа живи, особено блажената Ана. А кога нејзините родители беа повикани да се престават кај Бога, Пресветата Дева остана сираче и не сакаше до нејзина смртта да се оддалечува од храмот ниту да стапи во брак. Бидејќи тоа беше спротивно на Законот и на обичајот во Израилот, кога наврши дванаесет години му ја дадоа на Св. Јосиф, нејзиниот роднина од Назарет, за под вид на свршеница да живее со него во девственост и привидно да го задоволи Законот. Зашто во тоа време не се знаеше во Израилот девојките да се заветуваат на девственост до крајот на животот. Пресвета Дева Марија беше прва таква доживотно заветувана девојка и Нејзе потоа Ја следеа незнајно мнозинство девственици и девственички.

 
Света Божествена Литургија
25.11.2013.
Sample Image
 
Sample Image

На 24. 11. 2013 година, Митрополитот Повардарски г. Агатангел  во сослужение на повеќе клирици од велешкото епархиско намесништво отслужи Света Божествена Литургија во црквата „Успение на Пресвета Богородица“ во Велес.

 
Осветување на параклис на Св. Серафим Саровски
25.11.2013.

 

Sample Image

 

Sample Image На 23. 11. 2013 година, Митрополитот Повардарски г. Агатангел изврши осветување на параклисот во митрополитската резиденција на Повардарската епархија. Параклисот е посветен на Свети Серафим Саровски. По осветувањето на параклисот беше отслужена Света Божествена Литургија со која чиноначалствуваше Митрополитот Агатангел во сослужене на протоереј Ристе Јанушев, свештеник Мики Миовски, свештеник Борислав Бобевски и ѓакон Васил Ристовски. Во предвечерјето на овој свет чин  беше отслужена Вечерна богослужба со акатистот на Свети Серафим Саровски.

 

 
Ракополагање на свештеник
22.11.2013.

 

Sample Image

 

Sample Image На празникот на Светиот архистратиг Архангел Михаил и другите бестелесни сили, во храмот „Свети Атанасиј“ во Неготино, се отслужи Света Архиерејска Литургија со која чиноначалствуваше митрополитот Повардарски г. Агатангел. На Божествената Литургија сослужуваа свештенослужители од сите намесништва на Повардарската епархија. На Литургијата, Митрополитот Агатангел благоволи и го ракоположи во чин свештеник, досегашниот ѓакон, дипломиран теолог и магистар по теолошки науки Дарко Милев од Кавадарци. Во своето слово, Митрополитот Агатангел најпрво им го претстави новиот свештеник на присутните верници, а потоа изрече поука до новиот свештенослужител пред Престолот Божји, ревносно и совесно да ја чува и проповеда Православната вера и верно да Му служи на Господ Исус Христос и на својот македонски род.

Со празнична беседа, пред насобраниот народ во црквата се обрати протоерејот Томе Јованов. Поголем број од верниците кои молитвено ја проследија Литургијата се причестија со Светите Христови дарови.

 

 
Повеќе...
<< Почеток < Претходна 21 22 23 24 25 26 27 28 29 Следна > Крај >>

Резултати 799 - 836 од 1067