Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна
    
  Sample Image   Sample Image   Sample Image   Sample Image Sample Image   Sample Image   Sample Image   Sample Image
 


Ракополагање на јеромонах
21.08.2012.

 

Sample Image

 

 
Sample Image

По повод големиот христијански празник, Преображението на Господ Исус Христос на планината Тавор , Митрополитот Повардарски г. Агатангел во сослужение на архимандритот Јосиф и јеромонахот Григориј од Скопската епархија и повеќе клирици од Повардарската епархија, отслужи Божествена Литургија во црквата Свети Атанасиј“ во Неготино.

На Светата Литургија, Митрополитот Агатангел благоволи и го ракоположи во чин јеромонах, досегашниот јероѓакон Авакум од монашката обител при Согленскиот манастир.

Митрополитот се обрати со празнично слово кон собраниот верен народ, толкувајќи го Светото Преображение на Господ Христос пред тројцата Негови ученици, потоа следуваше причестувањето на верниците, а на крајот на Литургијата, Митрополитот заедно со свештенослужителите пристапија на средината од храмот, каде што извршија осветување и благословување на грозјето коешто верниците го донесоа од своите лозја и ги прекршија и благословија празничните лебови.

 
Света Божествена Литургија
21.08.2012.

 

Sample Image   Sample Image
 
 Sample Image   Sample Image

 

На 18. 08. 2012 година (сабота), Митрополитот Повардарски г. Агатангел во сослужение на свештенослужители од велешкото намесништво отслужи Света Божествена Литургија во црквата „Свето Вознесение Христово“ во Велес.

 

 
Oсветување на конак во Согленскиот манастир
13.08.2012.

 Sample Image

 

ФОТОГАЛЕРИЈА ОД СОГЛЕНСКИОТ МАНАСТИР

На 12. 08. 2012 година, кога Македонската православна црква го чествува Преносот на моштите на Свети Климент Охридски, беше извршено осветување на конак во Согленскиот манастир „Рождество на Пресвета Богородица“. На Литургијата по овој повод чиноначалствуваше Неговото Блаженство, Архиепископот Охридски и Македонски г. г. Стефан во сослужение на Митрополитот Дебарско-кичевски г. Тимотеј, надлежниот Митрополит Повардарски г. Агатангел, Митрополитот Европски г. Пимен, Митрополитот Брегалнички г. Иларион, Епископот Хераклејски г. Климент, архимандритите Партениј, Дамаскин и Јосиф, настојателот на манастирот, јероѓаконот Авакум и бројно свештенство од Повардарската епархија.

На Литургијата присуствуваа повеќе од илјада верници од разни градови од Македонија, кои дојдоа да го посетат прекрасниот возобновен Согленски манастир, да бидат дел од овој свет чин на осветување на манастирскиот конак, како и да се поклонат пред чудотворната икона на Мајката Божја под чија закрила овој манастир се возобнови и полека го добива својот сјај кој го имал низ вековите.

На Литургијата пред присутните верници се обрати Неговото Блаженство, Архиепископот Стефан, кој потсети дека Согле, како и Мелница, Долно и Горно  Врановци, како и во  Гора и Велебрдо, Прилепско, места во Дебарско и Струшко, се трајна лузна на македонскиот духовен и национален организам заради тоа што во времето на Отоманското владеење, под заканите ислам или смрт, дел од жителите на овие села и региони присилно примиле мухамеданска вера. Освојувачот знаел дека не е доволно да е освои една земја и пороби еден народ, туку тој треба и духовно да завладее. Од тие побуди и „Св. Софија“ и „Св. Пантелејмон“ во Охрид, „Св. Никола“ во Битола, Прилеп и Скопје, „Св. Илија“ во Штип, „Св. Ѓорги“  во Скопје, „Св. Богородица“ во Тетовско и многу други цркви и манастири биле претворени во  џамии или срамнети со земјата. Им благодариме што многумина глава дадоа ама вера не сменија, како Светите Злата Мегленска,  Спасе Радовишки и Ѓорги Кратовски кои бранејќи ја христијанската вера  се удостоија на маченички венец. Годинава кога славиме 45 години самостојна црква, го одбележуваме духовното воскреснување на нашиот народ.

Во своето обраќање, пак, Митрополитот Повардарски г. Агатангел истакна дека е среќен што денес, по пет години од започнувањето на возобновата на манастирот, ги гледа плодовите од макотрпната работа, а тоа се лицата на илјадниците верници, озарени од торжествена радост што манастирот со својот прекрасен изглед и својата прекрасна околина повторно ќе биде нивно духовно свртилиште, каде ќе ја бараат закрилата од нашиот Бог, Исус Христос. Митрополитот со пофални зборови се обрати и кон настојателот на манастирот, јероѓаконот Авакум, заблагодарувајќи му се за неговиот досегашен подвиг за возобновувањето на монашката обител при манастирот.

Митрополиот се заблагодари и на сите добронамерници, кои се вградија во темелите на овој значаен манастир, несебично давајќи ја својата поддршка во напорите за возобновување на манастирот и монашката обител.

По завршувањето на Литургијата, Архиепископот, Митрополитите и целиот верен народ се упатија кон новоизградениот конак, каде беше извршен чинот на негово осветување.

По овој свет чин, беше приредена закуска за сите кои дојдоа да присуствуваат на овој чин.

Овој голем црковно-народен собор во Согленскиот манастир беше дел од свеченостите за одбележувањето на 45-годишнината на возобнувањето на МПЦ-Охридска архиепископија.

 
Свети великомаченик Пантелејмон
7.08.2012.

Sample ImageФОТОГАЛЕРИЈА

На 8 и 9 август 2012 година, Велес го чествуваше споменот на својот патрон и заштитник, светиот великомаченик Пантелејмон. Трет пат чествувањето на овој празник беше одбележан и како официјален празник на градот Велес, откако со одлука од Советот на град Велес, празникот на Светиот вмч. Пантелејмон почна да се чествува како официјален празник на градот, и покрај тоа што жителите на градот Велес неговата закрила ја чувствуваат многу одамна, за што сведочи и изградбата на Соборниот храм на Повардарската епархија, посветен на овој светител, по чии молитви, градот бил спасен од страшната чума која се појавила во XIX век.

Празнувањето започна со Вечерна Богослужба на која присуствуваше Неговото Високопреосвештенство, Митрополитот Повардарски г. Агатангел. По отслужената Вечерна Богослужба, на која голем број верници од Велес молитвено го просеа застапништвото пред Бога од светиот вмч. Пантелејмон, нивниот закрилник, празнувањето продолжи со Духовна академија на која најпрво присутните ги поздрави градоначалникот на општина Велес г. Горан Петров, а потоа со пригоден говор до присутните се обрати и Митрополитот Повардарски г. Агатангел. Потоа следуваше настап на црковниот хор, кој исто така го носи името на патронот на градот, а по велелепните звуци од нашите хористи настап имаше актерката Весна Димитровска и беше прикажан дел од играно-документарниот филм „Пресвета Богородице, спаси нè“, во кој е опишано житието на светиот Пантелејмон. Следуваше настап на велешките солисти Веселинка Маџарова и Наталија Меанџиева, за на крај празнувањето да заврши со коктел за сите присутни во дворот на Соборниот храм.

Утредента на самиот празник, како централен настан на празнувањето, беше отслужена Божествена Литургија, на која чиноначалствуваше Митрополитот Повардарски г. Агатангел.

На Литургијата присуствуваа голем број верници од Велес, а и по нејзиното завршување, не престануваа реки од народ да се движат кон Соборниот храм  за да му се поклонат на својот закрилник, светиот Пантелејмон. На Литургијата присуствуваа и градоначалникот на Велес Г-дин Горан Петров, советниците од Општината, како и голем дел од претставниците на институциите од градот.  


Кратко житие на Светиот великомаченик Пантелејмон

Родум од Никомидија, од мајка христијанка и татко незнабожец. Мајка му се викаше Евула, а татко му Евсторгиј. Како момче ја изучи лекарската наука. Свештеникот Ермолај го повика кај себе, го научи на верата во Христа и го крсти. Пантелејмон чудотворно излечи еден слеп когошто другите лекари залудно го лечеле: го излечи со името на Христос и го крсти. Од завист лекарите го обвинија дека е христијанин, па Пантелејмон излезе на суд пред царот Максимијан. „Со телото застана пред земниот цар, а со умот стоеше пред Царот небесен“. Тој слободно изјави дека е христијанин и пред очите на царот излечи еден фатен човек од долгогодишна болест. Ова чудо ги привлече кон Христа многубројни незнабожци. Царот го подложи Пантелејмон на маки, но Господ му се јави на светителот неколкупати и го избави цел и неповреден. Тогаш пострада и Свети Ермолај заедно со Ермип и Ермократ. Кога беше осуден на смрт, Пантелејмон клекна на молитва. Во тој миг џелатот го мавна со меч по вратот, а мечот се скрши како да беше од восок. И џелатот не можеше да го погуби додека светителот не ја заврши својата молитва и самиот не рече да го заколат. Неговите мошти станаа исцелителни. Свети Пантелејмон беше заклан под некоја маслинка, којашто потоа целата се закити со плод. Името Пантелејмон значи „семилостив“. Семилостивиот Бог ја прими неговата праведна душа и го прослави меѓу Своите големи светители. Овој прекрасен маченик пострада чесно за Христа во својата младост, на 27 јули 304 година. Свети Пантелејмон се повикува при молитвите на водоосветување и елејоосветување (осветување на масло) заедно со Свети Ермолај и останатите бесребреници и чудотворци. Најубавиот храм посветен на овој светител се наоѓа на Света Гора.

 
Светата преподобна маченичка Параскева - Петка
7.08.2012.

Sample ImageФОТОГАЛЕРИЈА

На 08. 08. 2012 год., на денот кога Светата православна црква го чествува споменот на Св. преподобна маченичка Параскева Римјанка (св. Петка), во храмот „Св. вмч. Димитриј“ во Кавадарци се отслужи Света Архиерејска Литургија. На Литургијата чиноначалствуваше Митрополитот Повардарски г. Агатангел во сослужение на бројно свештенство од Кавадарци.

Со празнично слово пред присутните верници се обрати Митрополитот Агатангел, зборувајќи за житието на светата маченичка Параскева. По завршувањето на Литургијата Митрополитот, свештениците и верниот народ се упатија кон новата црква во изградба посветена на Светата маченичка Петка, каде што се изврши осветување и поставување на крстовите на црквата.

На Литургијата и на осветувањето на крстовите присуствуваа и градоначалникот на Општина Кавадарци, г-дин Александар Панов, претставници на институциите во градот, како и сопствениците на поголемите фирми во градот Кавадарци (Фени, Кожувчанка, Градба Промет) кои со целиот свој капацитет се насочени кон изградбата на новата црква. Со тоа градот Кавадарци, градоначалникот и општинските институции, неговите жители, фирмите од градот покажуваат како вистински треба да се негува и чува православната вера.

Родена е во Рим од родители христијани. Од детството научена на верата во Христа. Најусрдно ревнуваше да ги делотвори сите Божји заповеди. Со сведоштвото на нејзиниот вистински благочестив живот и вера упатуваше на патот на спасението и други. Кога ѝ умреа родителите, го раздаде имотот на сиромасите, а самата се замонаши. Како монахиња со уште поголем жар и ревност ја проповедаше верата во Христа не криејќи ја од никого, иако во тоа време римските власти крваво ја гонеа христијанската вера. Први за проповедање на забранетата вера Света Параскева ја обвинија зли Евреи. Ја изведоа на суд пред царот Антонин. Сите ласкања на царот не помогнаа ни најмалку да ја поколебаат Божјата слугинка во вистинитата вера. Тогаш ја подложија на огнени маки и ѝ ставија усвитен шлем на главата. Но Господ чудесно ја спаси и таа се избави и се оддалечи од Рим. Тргна од град во град да го обраќа тогашниот незнабожечки народ кон христијанското благочестие. Уште во два града беше изведувана пред кнезови и судии и истизавана за Господ, но притоа вршеше големи чуда со силата Божја и брзо се опоравуваше од маките. Како и секогаш, незнабожците нејзините чуда ги припишуваа на магии, а нејзиното опоравување на силата и милоста на нивните богови. Еднаш на кнезот мачител Света Параскева му рече: „Не ме исцелија твоите богови кнезу, туку мојот Христос, вистинскиот Бог“. Најпосле некој кнез Тарасиј ја уби со меч. Тоа беше славниот крај на многуплодниот живот на оваа светителка. Нејзините мошти подоцна беа пренесени во Цариград. Чесно пострада за Христа во 2 век.

 
За прв пат впишување во списокот на светиите во МПЦ
3.08.2012.

 

Sample Image
Sample Image
Sample Image

 

За првпат во поновата историја на МПЦ-ОА, на 2-ри август 2012 година, во  манастирскиот комплекс „Света Богородица Пречиста“ кај  Кичево, на светата Архиерејска  Литургија со објавување  на одлуката на САС на Македонската православна црква-Охридска Архиепископија за впишување во списокот на светиите на светите Пречистански преподобномаченици, Евнувиј, Пајсиј и Аверкиј, ги прогласи за свети тројцата свештеномаченици  кои пострадале за верата Христова во 1558 година. Нa Малиот вход  беше првото изнесување на  иконата на светите Пречистански преподобномаченици со која архиепископот Охридски и Македонски г.г. Стефан ги благослови присутните верници кои во манастирот дојдоа во ипозантен број. По причестувањето на многубројниот верен народ со Светите Христови Тајни,  со свечена литија иконата беше донесена на местото на осветувањитео на  темелите   и положување на камен-темелник на новиот манастирски конак со параклис посветен на Преподобномачениците. На свеченостите во манастирот на Пресвета Богородица, присуствуваа претставници од Албанската и Романската  православна црква, како и градоначалниците на градовите Кичево и Охрид. Оваа канонизација на светите преподобномаченици Евнувиј, Пајсиј и Аверкиј маченички пострадани во манастирот „Св. Богородица Пречиста" е дел од настаните по повод одбележувањето на 45-годишнината од прогласувањето на возобновената автокефалност на Охридската архиепископија како Македонска православна црква.

 

Sample Image
 

 

Светите Евнувиј, Пајсиј и Аверкиј маченички ја сведочеа својата достојност целосно да се причестат односно да станат едно со нашиот Господ Исус Христос. Тие ја исполнија смислата на човечкиот живот на земјата – целосно соединување со Бога. Тоа е плод на монашкиот живот усогласен со препораките на пустинските отци кои, 12 векови пред нив, во Египетската пустина ИЗДВОЕНИ од земните задоволства, во ТИШИНА и МОЛИТВА ја јакнеа својата духовна природа.

Со тоа светите Евнувиј, Пајсиј и Аверкиј се пример и за нас, 5 векови подоцна, дека светоста е нешто достижно и за современиот човек.

Прво, на денешното прогласување свети можевме да се осведочиме дека монаштвото на Македонската Православна Црква следејќи ги вековните примери животворно расте.

Но и за нас мирјаните, да размислиме дали во ова што на секој чекор се велича како „маѓепсно убав свет“ можеме да ги живееме правилата на монаштвото:

- не мораме да одиме во пустина, но секако имаме многу шанси да речеме НЕ на предизвиците во секојдневниот живот и во таква, во одредена смисла, издовеност од светот да ја зајакнеме својата духовност и верба животворната пристуност на Исус Назареецот денес и секогаш;

- така подкрепени, во ТИШИНА, можеме да го чуеме гласот на повторно откриениот Христос (Месија) и со негова помош да почнеме да ја поправаме нашата одпадната природа затоа што само со Него и во Него можеме да го најдеме тоа по што сите копнееме – љубов, смиреност, починок ...

- со дисциплинирана МОЛИТВА која излегува од срцето можеме да опстанеме во овој разумски свет и тоа не со дарвиновска борба на спротивности во која победува посилниот туку како љубовна Заедница која еволуира во дух, а не како животински вид.

Текстот е преземан од Преминпортал. Автор: Ратислав Кардалев.

 
Повеќе...
<< Почеток < Претходна 21 22 23 24 Следна > Крај >>

Резултати 799 - 836 од 902