Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна
    
  Sample Image   Sample Image   Sample Image   Sample Image Sample Image   Sample Image   Sample Image   Sample Image
 


Ракополагање на свештеник
10.09.2013.

 

Sample Image

 

Sample Image На 08. 09. 2013 година, Митрополитот Повардарски г. Агатангел отслужи Света Божествена Литургија во црквата „Успение на Пресвета Богородица“ во Велес. На Литургијата, Митрополитот благоволи и го ракоположи во чин свештеник, ѓаконот Виктор Димовски од Велес.

 
Соопштение
3.09.2013.

Sample ImageНа 08. 09. 2013 година, во единаесетта недела по Педесетница, со почеток во 08. 00 часот, Митрополитот Повардарски г. Агатангел ќе отслужи Света Божествена Литургија во црквата „Успение на Пресвета Богородица“ во Велес.

На 09. 09. 2013 година, понеделник, кога Светата Православна Црква ќе го чествува споменот на светиот маченик Фанируиј (заштитник на учениците) во храмот „Успение на Пресвета Богородица“ во Велес со почеток во 08, 00 часот ќе се отслужи Света Божествена Литургија на која ќе чиноначалствува Митрополитот Повардарски г. Агатангел. По Литургијата ќе се отслужи молебен за успешна школска година за Човекољубиот Господ, нашиот Спасител, да ги просветли сите ученици, за да бидат за радост на своите родители и од полза на нашата татковина и на Светата Црква. Овој чин на Призив на Светиот Дух ќе се отслужи во сите поголеми цркви ширум Повардарската епархија.

 
Призив на Светиот Дух
2.09.2013.
Sample Image

 

Sample Image „Без мене не можете да направите ништо“ вели Словото Божјо, па затоа секоја година во Македонската православна богословија „Св. Климент Охридски“ во Драчево на почетокот на новата учебна година на Божествена Литургија на која присуствуваат сите ученици на Богословијата, се извршува чинот призив на Светиот Дух.

Овој чин се извршува за просветување и очистување на срцата и умовите на богословите за да можат преку подвижнички живот и со Божја помош да ја совладаат науката над науките и да дојдат до Богопознание.

На Божествената Литургија во црквата „Свети Спас“ во Драчево чиноначалствуваше Митрополитот Повардарски г. Агатангел, кој е воедно и ректор на Богословијата, а во сослужение на голем број на свештенослужители, меѓу кои и свештениците-професори во Богословијата. На Литургијата присуствуваше Поглаварот на Македонската Православна Црква, Неговото Блаженство, Архиепископ Охридски и Македонски Г.Г. Стефан.

 

 
Успение на Пресвета Богородица
29.08.2013.

 

Sample Image

 

Sample Image На празникот на Успението на Пресвета Богородица или како што уште го нарекуваме и Второ Воскресение, македонскиот народ повторно силно ја демонстрираше својата силна православна вера, својот вистински православен христијански дух, посетувајќи ги масовно храмовите низ целата држава, поклонувајќи се и просејќи благослов од Мајката Божја за застапништво пред престолот на Севишниот Бог. Недогледната колона од луѓе пред храмот на Успението на Мајката Божја во Велес, кои смирено го чекаа својот ред за да ја целиваат плаштаницата на Пресвета Богородица, поставена во средината на храмот, големиот број на верници кои молитвено го исчекуваа принесувањето на Светите Христови дарови за да се соединат со Христос, вистинскиот Бог, велелепните и ангелски звуци на црковниот хор „Св. Вмч. Пантелејмон“ од Велес, се моментите кои, на овој торжествен празник, во целост ни ја покажуваат вистинската димензија на православната вера, како единствен и непобитен извор на нашата духовност и на нашето спасение.

Чествувањето во Велес, започна со Вечерна Богослужба во црквата „Успение на Пресвета Богородица“ на која беше отслужен Молебен канон на Пресвета Богородица со читање на целиот Богородичен Акатист. На Вечерната Богослужба служеа свештенослужители од градот, во присуство на Неговото Високопреосвештенство, Митрополитот Повардарски г. Агатангел. Во  средината на храмот беше изложена плаштаницата, на која е изобразено погребението на Пресвета Богородица. Централниот настан на чествувањето беше Светата Божествена Литургија следниот ден со која чиноначалствуваше Неговото Високопреосвештенство, Митрополитот Повардарски г. Агатангел, во сослужение на бројно свештенство од градот Велес.

Во своето празнично Слово, во беседата изречена пред верниците, Митрополитот Агатангел ни ја претстави славата на Мајката Божја, нејзината неизмерна љубов и величие. Тој упати порака, Благословената Дева Марија да ни служи како огледало, како жива икона на библиски христијанин, да се моделираме самите по примерот на благословената Дева Марија, зашто таа е онаа која највозвишено слуша. На Благовештението таа слушаше со покорност и му одговори на ангелот, „Нека ми биде според зборовите твои” (Лк. 1:38). Таа не би можела да го прими Словото Божјо во нејзиното тело, ако прво не го слушнала Словото Божјо во нејзиното срце. Кога пастирите го видоа и се восхитуваа на новородениот Христос, „Марија ги пазеше сите тие зборови, слагајќи ги во срцето свое” (Лк.2:19). Истата потреба од послушност е нагласена и во последните зборови, посветени на Мајката Божја во Светото Писмо, на венчавката во Кана Галилејска: „Се што ќе ви рече, направете!” (Јн. 2:5) им рече таа на слугите и на сите нас.

На крајот од својата беседа, Митрополитот Повардарски г. Агатангел ги помоли сите присутни верници да ја сакаат и да ја почитуваат својата мајка и својот татко, исто како што би сакале и нивните чеда секогаш да ги сакаат и да ги почитуваат нив и ги помоли сите кои имаат било какви недоразбирања со своите родители, да отидат на овој ден, да ги посетат, да побараат прошка и да ги надминат сите недоразбирања.

 

 
Молебен канон на Пресвета Богородица
27.08.2013.

  Sample Image

Sample ImageНа 26. 08. 2013 година, во црквата „Успение на Пресвета Богородица“ во Велес се отслужи Молебен канон со Акатист на Пресвета Богородица за оздравување на сите болни и за утешување на сите оние кои се наоѓаат во тешки незгоди, душевни и телесни маки и избавување од секаков вид на душевен немир и страдање. На оваа богослужба, на која присуствуваа голем број верници од градот Велес, чиноначалствуваше Неговото Високопреосвештенство, Митрополитот Повардарски г. Агатангел, во сослужение на свештенослужителите од велешкото архиерејско намесништво.

 
Ракополагање на ѓакон
26.08.2013.

 

Sample Image

 

Sample Image На 25. 08. 2013, Митрополитот Повардарски г. Агатангел отслужи Света Божествена Литургија во Соборниот храм на Повардарската епархијаСв. вмч. Пантелејмон“ во Велес. На Литургијата сослужуваа повеќе свештенослужители од Велес, а молитвено присуствуваа голем број на верници. На оваа Литургија, Неговото Високопреосвештенство г. Агатангел благоволи и го ракополжи најпрво во чин ипоѓакон, а потоа во чин ѓакон завршениот богослов и дипломиран теолог, Виктор Димовски.

 

 
Повеќе...
<< Почеток < Претходна 21 22 23 24 25 26 27 Следна > Крај >>

Резултати 761 - 798 од 998