Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна


Осветување на камен-темелник за нова црква
4.03.2013.
На 02. 03. 2013 година, сабота, Митрополитот Повардарски г. Агатангел благоволи и изврши осветување на камен-темелник за нова црква „Св. Недела“ во селото Брушани, Кавадаречко.
 
Sample Image   Sample Image
 
Sample Image   Sample Image
 
Sample Image   Sample Image
 
Св. Ѓорѓи Кратовски
25.02.2013.

 

Sample Image   Sample Image
 
Sample Image   Sample Image
 
Sample Image   Sample Image

 

На денот кога Македонската православна црква го чествува споменот на Светиот маченик Ѓорѓи Кратовски, Митрополитот Повардарски г. Агатангел отслужи Света Божествена Литургија во храмот „Св. Атанасиј“ во Богданци. На Литургијата сослужуваа свештенослужители од гевгелиското намесништво, како и јеромонахот Атанасиј и јероѓаконот Пајсиј. 

Светиот маченик Ѓорѓи Кратовски     24/02/2013

Македонец од градот Кратово. По занает златар. Во срцето и со сета душа христијанин. Имаше осумнаесет години кога Турците сакаа да го потурчат, но остана тврд во верата како прекрасен дијамант. Тогаш Турците го мачеа со најлути маки и најпосле жив го запалија. Пострада за Христа на 11 февруари 1515 година во Софија, во времето на царот Селим и се прослави со невенлива небесна слава.

 
Сретение Господово
15.02.2013.
 
Sample Image
 Sample Image
 
На празникот Сретение Господово, Митрополитот Повардарски г. Агатангел во сослужение на клирици од градот Велес, отслужи Света Божествена Литургија во храмот „Успение на Пресвета Богородица“ во Велес.
 
Сретение Господово
 
Во четириесеттиот ден по Рождество Пресветата Дева Го донесе својот Божествен Син во ерусалимскиот храм за, според Законот, да Му Го посвети на Бога, а самата да се очисти (Левит. 12, 2 - 7; Исход 12, 2). Иако не беше потребно ни едното ни другото, сепак Законодавецот никако не сакаше да се огреши кон Законот којшто Самиот го беше дал преку Својот слуга, Пророкот Мојсеј. Во тоа време во храмот држеше чреда првосвештеникот Захариј, таткото на Свети Јован Предвесник. Тој Ја смести Богородица не на местото за жени, туку на она за девојки. Во таа прилика во храмот се јавија две необични личности: старецот Симеон и Ана, ќерката Фануилова. Праведниот старец го зеде на своите раце Месијата и рече: „Сега отпушти го Твојот слуга, Господи, зашто го видоа очите мои спасението Твое“. Уште рече Симеон за Младенецот Христос: „Глеј, овој лежи за подигање и паѓање на мнозина во Израилот“. Ана пак, која од младоста Му служеше на Бога во храмот во пост и молитва и самата Го позна Месијата, па Го прослави Бога и им објави на ерусалимјаните за доаѓањето на Долгоочекуваниот. А фарисеите, присутни во храмот, штом видоа и слушнаа сѐ, се разгневија на Захарија зашто ја постави Дева Марија на местото за девојки и му јавија за тоа на царот Ирод. Уверен дека тоа е Новиот Цар за когошто говореа ѕвездогледците од Исток, Ирод брзо испрати да Го убијат Исуса. Но во меѓувреме Божественото семејство веќе поодмина од градот и според упатство од ангел Господов се упати кон Мисир. Денот Сретение меѓу христијаните се празнува уште од самиот почеток, но торжественото празнување на овој чудесен ден е особено востановено во 544 година, во времето на царот Јустинијан. 
 
 
 
 
 
Свети Трифун
14.02.2013.

 

Sample Image

 

На денот кога Светата православна црква го чествува споменот на светиот маченик Трифун, во црквата „Свети Димитриј“ во Кавадарци, беше отслужена Архиерејска Божествена Литургија со која чиноначалствуваше Митрополит Повардарски г. Агатангел во сослужение на Митрополитот Брегалнички г. Иларион, Епископот Лешочки г. Јосиф, јеромонахот Григориј и повеќе свештенослужители од градот Кавадарци.

Sample Image

По завршувањето на Светата Литургија, Митрополитите, Епископот Јосиф и свештенослужителите во внатрешноста на храмот извршија мал Водосвет, а потоа се упатија во дворот од храмот кадешто го извршија и годинешното закројување на лозовиот насад.

 ПРОПОВЕД НА ЕПИСКОПОТ ЛЕШОЧКИ Г. ЈОСИФ

 

Светиот маченик Трифун     14/02/2013

Sample ImageРоден е во селото Кампсада во Фригија од сиромашни родители. Во детството беше чувар на гуски. И уште од детството врз него беше голема Божја благодат и можеше да исцелува болести кај луѓето и кај животните и да изгонува бесови. Во тоа време со Римското царство завладеа царот Гордијан, чијашто ќерка слезе од умот и со тоа го фрли царот во голема жалост. Ниеден лекар не можеше да ѝ помогне на лудата Гордијана. Тогаш демонот прозборе преку девојката и рече дека освен Трифун никој не може да го истера. После многумина Трифуни ширум царството, по Божја Промисла го повикаа и овој млад Трифун. Го доведоа во Рим и тој ја исцели царската ќерка. Царот му подари многубројни дарови, а тој на враќање им ги раздели на сиромасите. Потоа ова свето момче продолжи да чува гуски и да Му се моли на Бога. Кога се зацари христоборниот Декиј, Свети Трифун беше малтретиран и свирепо измачуван заради Христа. Но тој со голема радост ги поднесе сите мачења, велејќи: „О кога би можел да се удостојам во оган и маки да завршам за името на Исус Христос, мојот Бог и Господ!“ Маките не му наштетија ни малку и најпосле мачителите го осудија на смрт со меч. Му се помоли на Бога и издивна во 250 година.

 
Архиерејска Божествена Литургија - Валандово
11.02.2013.

 

Sample Image

 

На 10.02.2013 година, на денот кога Светата православна црква го слави споменот на Преподобниот Ефрем Сирин и преподобниот Исаак Сирин, во храмот посветен на светиот великомаченик Димитриј Мироточив во Валандово, се отслужи Света Архиерејска Литургија со која чиноначалствуваше митрополитот Повардарски г. Агатангел во сослужение на свештенослужители од Гевгелиското намесништво на Повардарската епархија.

 

 

Преподобен Ефрем Сирин     10/02/2013

 

Sample ImageРоден е во Сирија од бедни родители во времето на царот Константин Велики. Раната младост ја помина прилично бурно, но одеднаш во неговата душа настана пресврт и тој почна сиот да гори од љубов кон Господ Исус. Му беше ученик на Св. Јаков Нисибиски (13 јануари). Од големата Божја благодат од неговата уста извираше мудрост како меден поток, а од очите непрестајно му течеа солзи. Трудољубив како пчела. Непрестајно пишуваше книги или ги поучуваше монасите во манастирот и народот во градот Едеса или пак самиот се предаваше на молитва и богомислие. Неговите книги се многубројни, неговите молитви прекрасни. Најпозната му е молитвата за Чесниот Пост: „Господи и Владико на мојот живот“. Кога сакаа насила да го земат за епсикоп, почна да се прави луд и да јури низ градот Едеса, влечејќи ја зад себе својата облека. Кога го видоа тоа луѓето го оставија на мир. Му беше современик и пријател на Св. Василиј Велики. Св. Ефрем Сирин е главно апостол на покајанието. Неговите списи и ден денес смекнуваат многубројни срца закоравени во грев, и ги враќаат кон Христа. Се упокои во длабока старост во 378 година.

 

Преподобен Исаак Сирин     10/02/2013

 
Sample ImageРоден е во Нинива и во младоста се подвизуваше во Мар-Матејскиот манастир близу Нинива. Кога се прочу со светоста на животот и со многубројните чуда, го избраа за епископ Нинивски и го принудија на тој чин. Но после пет месеци тој го остави епископството и тајно се оддалечи во оддалечениот манастир Раббан-Шабур. Состави многубројни дела, од кои до нас дојдоа околу сто беседи за духовниот живот и подвижништвото, пишувани главно од сопствен опит. Неспоредлив психолог и раководител во духовниот живот. Дури и светителите како Св. Симеон Дивногорец од него бараа совет. Се упокои во длабока старост на крајот од 7 век. 

 

 
Св. Атанасиј Велики
1.02.2013.
Sample Image
 
Sample Image
На денот кога Светата православна црква го празнува споменот на Св. Атанасиј Велики, Митрополитот Повардарски г. Агатангел во сослужение на Епископот Велички г. Јосиф отслужи Света Божествена Литургија во храмот посветен на овој светител во Неготино. На Литургијата сослужуваа повеќе свештенослужители од епархијата, а молитвено голем број верници од градот го чествуваа својот закрилник. По завршувањето на Литургијата, Митрополитот Агатангел, Епископот Јосиф и свештениците извршија водосвет и ги благословија славските колачи.

Свети Атанасиј Велики, архиепископ Алесандриски     31/01/2013

Роден во Александрија 296 година. Од детството наклонет кон духовниот призив. Беше ѓакон кај архиепископот Александар и го придружуваше својот архиепископ на Првиот Вселенски Собор во Никеја. На овој Собор многу се прослави со неговата ученост, благочестие и ревност за Православието. Многу придонесе за побивањето на Ариевата ерес и за утврдувањето на Православието. Го напиша Симболот на Верата кој на Соборот беше усвоен. По смртта на Александар, Св. Атанасиј беше избран за архиепископ Александриски. Во архиепископскиот чин остана над четириесет години, иако не беше цело време на архиепископскиот престол. Речиси сиот живот беше гонет од еретиците. Од царевите најмногу го гонеа: Констанциј, Јулијан и Валент; од епископите Евсевиј Никомидиски со уште мнозина други; а од еретиците Ариј и неговите следбеници. Беше принуден да се крие од гонителите дури и во бунар, во гроб, по приватни куќи, по пустини. На двапати бегаше во Рим. Дури пред смртта едно време проживеа мирно како добар пастир сред своето стадо, коешто вистински го љубеше. Мал е бројот на светителите што се толку клеветени и толку злосторнички гонети како Св. Атанасиј. Но неговата голема душа најпосле излезе победоносна од сета таа долготрајна и страшна борба. За совет, утеха и морална потпора често одеше кај Свети Антониј, кого го почитуваше како свој духовен отец. Човекот којшто ја формулираше најголемата вистина мораше и да пострада за таа вистина, додека Господ не го упокои во Своето Царство овој Свој верен раб, во 373 година.
 
 ЕПИСКОП ВЕЛИЧКИ

        ЈОСИФ



Благочестиви христијани[1],

             Светата православна црква определила на денешниов ден да се празнува еден од најголемите светители на Православието – светиот Атанасиј Велики. Не случајно му го дадовме овој епитет, затоа што неколкумина од светителите се удостоиле кон нивното име да се прилепи и терминот Велики – со кој се означува и заслужноста, и духовната големина и делото. Така, покрај свети Атанасиј, како велики отци на Црквата се именуваат уште и свети Василиј, преподобните Антониј, Теодосиј, Макариј, Ефтимиј и други. Така се нарекува денешниот славеник, затоа што тој е еден од најголемите бранители на светата православна вера од нападите на еретиците, кои со своите учења сакале да го изменат верувањето, да ја изменат вистината. Свети Атанасиј е меѓу најзаслужните богослови, особено заради неговиот придонес во формулирањето на догмата, односно учењето за Света Троица. Уште на релативно млада возраст, како ѓакон на Александрискиот епископ Александар, учествувал на Првиот вселенски собор во Никеја (325 година), каде што со својата ревност, но и со своите широки познавања, не само од теологијата, но и од античката филозофија, го изобличил учењето на еретикот Ариј, кој се обидел да внесе голем раздор меѓу православните, со своето тврдење дека Синот Божји е создание, а не еднаков на Отецот, како што исповедаат православните до денес. Свети Атанасиј го победил Ариј во спорот и неговото погрешно проповедање било отфрлено, а официјалното учење на Православната црква за односот меѓу Отецот и Синот, кој се дефинира со зборот омоусиос – или едносуштен (една суштина, една природа), до кое се дошло, меѓу другото, и благодарение на свети Атанасиј, се распространило на знаење по сите места на светот. Откако се видело делото, но и интелектот и што е најважно верата и ревноста на свети Атанасиј, тој веднаш, на својата 29 година, бил ракоположен за епископ. Владичествувал 40 година, а сиот живот го поминал во постојани прогони од сектата на аријаните, но не отстапил од вистината и затоа Господ го овенчал и со Царство небесно, но и со голем спомен, украсувајќи го во историјата со епитетот Велики. Овој голем светител го составил првото официјално пишано исповедание на верата, и врз основа на него е подоцна утврден Символот на верата, или познато уште како Верују, што денес се чита на секоја света Литургија.
 

Возљубени христијани,

            Ќе се запрашате зошто ви кажував толку за свети Атанасиј? Затоа што, претставувајќи ви ја неговата личност и неговото дело, сакам да посочам за што тој живеел и како живеел, и согласно на тоа, како ние треба да го следиме, и какви примери треба да земаме од него. За жал, по некои краишта на Македонија, на денешниов ден се практикуваат чинови, обреди и обичаи кои не само што се срам за верата во која сме се крстиле, не само што се потценување на личноста што ја славиме – светиот Атанасиј, туку се и друговерни – исламски и пагански. Затоа упатуваме апел, на сите што на овој ден принесуваат курбани, односно крвни жртви, колат животни, се помачкуваат и попрскуваат со крв, и што е најстрашно тоа го прават по дворовите на црквите и во име на православното верување, дека такви обичаи, дека такво верување не постои во Православната црква, и кој го прави тоа, покажува дека не е православен. Ние во Црквата принесуваме само бескрвни жртви, како свеќите, лебот, виното, пченицата итн., а последната крвна жртва беше Самиот Христос, Кој за нас се распна на Крстот. Не  е воопшто проблем што на овој ден се подготвува храна, и тоа некако се утврдило како традиција, но убаво е таа храна да ја подготвуваме и да ја делиме на сиромашните, на детските домови, на болниците и затворите – ова да го даваме во име на свети Атанасиј, а за своја полза, и духовна и телесна.

            Во оваа прилика сакам особено да му се заблагодарам на Неговото високопреосвештенство, митрополитот Повардарски г. Агатангел, за поканата, еве, заедно со вас да учествуваме на денешново заедничко торжество. Голема е радоста за Македонската православна црква кога се гледаат даровите на заедништвото – односно на соработката меѓу верниците и надлежниот архиереј. Повардарската епархија последните неколку години се издигна и на духовен и на материјален план. Се градат нови цркви и манастири, се возобновуваат и старите, се печатат книги за верата, се издржуваат народните кујни за сиромасите, митрополитот ги посетува и помага болните, особено децата и се грижи за сеопштото здраво живеење на својата паства, поддржувајќи ги проектите на еколошките друштва итн. - но таквите дела се случуваат само доколку се почитува надлежниот архиереј и се ценат неговите дела, но и доколку и тој сведочи и работи како што треба, што овде, на оваа територија во Повардарието, е очигледно. Се радува и торжествува и целата Црква, доколку, еве, некаде, како овде, се прават богоугодни и родољубиви дела.

            Светата Литургија нека е на здравје и спасени и за многу години празникот. Амин.

[1] Беседа за празникот на свети Атанасиј Велики, изречена на 31. 1. 2013 година, во храмот „Свети Атанасиј Велики“ во Неготино.
 
 
Повеќе...
<< Почеток < Претходна 11 12 13 14 15 16 17 18 19 20 Следна > Крај >>

Резултати 647 - 684 од 813