Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна
Sample Image Sample Image Sample Image Sample Image
 
 
  Sample Image   Sample Image   Sample Image   Sample Image Sample Image   Sample Image   Sample Image   Sample Image
 
Sample Image

Се известуваат сите православни верници од градот Велес дека за време на Великиот Пост, Литургии на претходно осветени дарови, во деновите среда и петок (и празници во текот на неделите), ќе се служат во храмовите „Св. Кирил и Методиј“ и „Успение на Пресвета Богородица“, со почеток во 07.30 часот, а секој петок за време на Великиот Пост, ќе бидат служени и Акатисти со петолебие во истите храмови, со почеток во 17 часот.

 
 


Ракополагање на свештеник
10.12.2012.
Sample Image    Sample Image
 

Фотоматеријал од Божествената Литургија

На денот кога Светата православна црква го чествува споменот на светиот великомаченик Георгиј Победоносец се отслужи Света Божествена Литургија во храмот „Св. Климент Охридски“ во општина Чашка. На Литургијата чиноначалствуваше Митрополитот Повардарски г. Агатангел во сослужение на повеќе свештенослужители, а присуствуваа голем број верници од општина Чашка и околните населени места. На Литургијата, Митрополитот Агатангел благоволи и го ракоположи досегашниот ѓакон Јани Мулев во чин свештеник. Во словото кон новиот свештеник, Митрополитот истакна дека свештеникот треба мудро и верно да му служи на својот народ, и да се усовршува во добродетелта и да продолжи да работи посветено и ревносно во проповедањето на словото Божјо. 

На новиот свештеник Јани Мулев, кој досега беше вработен во издаваштвото на Повардарската епархија како уредник на нашето списание „Православна светлина“ му посакуваме успешно и плодно да долголетствува на нивата Господова.

 
Богослужби во епархискиот параклис
7.12.2012.
 
Sample Image
 
 Sample Image   Sample Image

Прославата на патронот на Македонската Православна Црква, Свети Климент Охридски, во Повардарската епархија започна со Вечерна богослужба која се отслужи во епархискиот параклис, посветен на Свети Климент Охридски. На Вечерната богослужба чиноначалствуваше протоереј-ставрофор Славе Јованов во сослужение на протоереј Киро Ристов и ѓакон Влатко Стоименов. Голем број верници беа присутни на Вечерната Богослужба, каде молитвено се поклонија на Светителот - заштитник на Mакедонската Православна Црква и нејзините верни чеда.

По завршувањето на Вечерната богослужба, протоереј Киро Ристов имаше кратко излагање за значењето на Свети Климент за македонскиот народ и Македонската Црква.

На самиот ден на празникот на патронот на Македонската Православна Црква, Свети Климент, во епархискиот параклис беше отслужена Света Божествена Литургија. Со Литургијата чиноначалствуваше свештеник Борислав Бобевски.
По завршувањето на Литургијата беа прекршени славските колачи и беше послужена трпеза на љубовта.
Патронот на Македонската црква, Свети Климент, се прославува низ сите наши духовни светилишта, а централниот настан се случува во Скопје, најпрво со Вечерна богослужба во Mакедонската богословија, а на самиот ден на празнувањето со Божествена Литургија во Соборниот храм на Македонската црква посветен на Св. Климент. 

 

Sample Image   Sample Image
 
Sample Image   Sample Image
 
Започна чествувањето на патронот на МПЦ
7.12.2012.
 
Sample Image
 
Со голема Вечерна богослужба која се отслужи во црквата „Св. Вознесение Христово“ во Драчево започна чествувањето на свети Климент Охридски, патрониот заштитник и прв архиереј на Охридската архиепископија. На Вечерната чиноначалствуваше Митрополитот Брегалнички г. Иларион во присуство на Архиепископот Охридски и Македонски г.г. Стефан, Митрополитот Полошко-кумановски г. Кирил, Митрополитот Преспанско-пелагониски и администратот Австралиско-новозеландски г. Петар, Митрополитот Дебарско-кичевски г. Тимотеј, Митрополитот Повардарски г. Агатангел, Митрополитот Европски г. Пимен, Епископот Велички г. Јосиф и Епископот Лешочки г. Јосиф. Прославата продолжи во средното богословско училиште „Св. Килимент Охридски“ со свечена академија и читање на најдобрите литературни творби.
 
 Sample Image
 Sample Image
 Sample Image
 
 
Чествување на патронот на МПЦ
6.12.2012.
Sample ImageПо повод прославата на празникот на патронот на Македонската Православна Црква, Свети Климент Охридски, утре со почеток во 18 часот, во епархискиот параклис посветен на Св. Климент во Велес ќе биде отслужена Вечерна Богослужба, а наредниот ден исто во епархискиот параклис со почеток во 08 часот ќе се отслужи Света Божествена Литургија.

 

Ученик на Светите Методиј и Кирил. По смртта на Св. Методиј Климент, под притисок на Германците, од Моравија тргна на југ. Со Горазд, Наум, Сава и Ангелариј - заедно наречени Петочисленици - го помина Дунав, поседе како гостин при царот Борис Михаил и потоа дојде во охридскиот крај. Прво основа манастир во Белица, кај што му беше и првото епископско седиште. Подоцна се пресели во Охрид и оттаму разви голема архипастирска и просветителска дејност за целата поблиска и подалечна околина. Во Охрид Свети Климент му подигна црква на Св. Пантелејмон. Имаше голем број ученици коишто ги препишуваа книгите со словенски букви за словенскиот народ. При таа дејност особено му помагаше Св. Наум. Вршеше чуда и за време на земниот живот, а неговите мошти до денешен ден пројавуваат исцелителна сила. После големиот труд и верната служба на Бога, се упокои мирно во Охрид, во 916 година. Не се знае кога и каде е точно роден, нема податоци за семејството и потеклото, освен дека бил закопан на 27 јули 916 година во манастирот на Плаошник во Охрид, што тој сам го изградил и го посветил на св. Пантелејмон. Кога манастирот бил претворен во џамија, моштите му биле пренесени во црквата Св. Богородица Перивлепта, која оттогаш е нарекувана со неговото име. Моштите му се повторно вратени во август 2002 година по обновата и осветувањето на неговиот манастир.

 
Прес-конференција во Повардарската епархија
5.12.2012.
 
Sample Image   Sample Image
 
На 05. 12. 2012 година, во просториите на Повардарската епарахија се одржа прес-конференција на која беа пренесени впечатоците од прикажувањето на играно-документарниот филм „Пресвета Богородице, спаси не“ на престижниот филмски фестивал за филмови со религиозно-духовна и морална содржина „Радоњеж“ во Москва. На средбата со новинарите, режисерката на овој филм, а воедно и актер на ликот на Пресветата Мајка Богородица во филмот, Весна Димитровска, истакна два аспекти  како значајна димензија на прикажувањето на овој филм во Москва, пред се појавувањето на македонски филм со ваква тематика за прв пат на овој престижен фестивал, а потоа и остварените контакти со црковни великодостојници од Руската православна црква кои со симпатии го проследиле прикажувањето на овој филм. Секретарот на Повардарската епархија, ѓакон Влатко Стоименов истакна дека со прикажувањето на овој филм е остварена мисијата прдвидена и во самиот зачеток на создавањето на овој филм, а тоа е можноста на останатите православни народи да се уверат во постоењето и функционирањето на Македонската православна црква, како закрилничка на силниот православен дух на македонскиот народ. 
На годинешното издание на овој фестивал беа прикажани 200 филмови, пред се Русија, а потоа и од Грција, Украина, Белорусија итн.
 
 
Едиција „Библиски настани“ бр. 9
26.11.2012.
Sample Image

 

Излезе од печат деветиот број од илустрираната едиција „Библиски Настани“, со работен наслов Роден за да биде цар , во кој е обработен расказот за Раѓањето на Господ Исус Христос.


Илустрираната едиција „Библиски Настани“ содржи 14 изданија, кои ќе се печатат во тираж од 10.000 броја, а ќе излегуваат од печат во определен временски интервал. Вакво илустрирано библиско издание се печати за првпат во историјата на издаваштво на Македонската Православна Црква, а досега не се испечатени слични изданија ниту во останатите православни цркви на Балканот.

 
Повеќе...
<< Почеток < Претходна 11 12 13 14 15 16 17 18 19 20 Следна > Крај >>

Резултати 647 - 684 од 789