ФОТОГАЛЕРИЈА

На 06.04.2026 година, во црквата „Успение на Пресвета Богородица“ во Велес беше отслужено Мало Повечерие, со празничен Благовештенски Акатист и Петолебие. На богослужбата присуствуваше и Митрополитот Повардарски г. Агатангел.

ФОТОГАЛЕРИЈА

На денот кога го празнуваме споменот на влегувањето на нашиот Спасител Исус Христос во Ерусалим - Цветници, во сите поголеми храмови ширум Повардарската епархија беше отслужена Света Божествена Литургија. Митрополитот Повардарски г. Агатангел, во сослужение на бројно свештенство, чиноначалствуваше со Божествената Литургија во храмот „Св. Кирил и Методиј“ во Велес. На оваа Литургија, Митрополитот Повардарски г. Агатангел, согласно Одлуката на Светиот архиерејски Синод на МПЦ-ОА, ги одликуваше досегашните протоереи Борислав Бобевски и Игор Пармачки со право на носење на граден крст, односно со достоинство протоереј-ставрофор.

По завршувањето на Литургијата, во дворот на црквата, фамилијата Илиеви од Велес и нивната компанија „Шилер“, со благослов на Митрополитот Агатангел, традиционално поделија 2000 табли со јајца на велешани, а приредија и забава за најмалите велешанчиња.

Верниот православен народ од денешниот ден го започнува чествувањето на најтешката седмица во историјата на човештвото, седмицата на Христовите страдања која уште се нарекува и „Страстна“.

ФОТОГАЛЕРИЈА

Во петок од шестата седмица од Великиот Пост, Неговото Високопреосвештенство, Митрополитот Повардарски г. Агатангел отслужи Литургија на претходно осветени Дарови во црквата „Св. Јован Крстител“ во Велес.

По завршувањето на Литургијата, свештенството на велешкото намесништво пристапи кон светата тајна Исповед.

Кон светата тајна Исповед, денес, пристапија и свештениците од кавадаречкото и гевгелиското намесништво на Повардарската епархија.

ФОТОГАЛЕРИЈА

Во петтата надела од Великиот пост, посветена на Света Марија Египетска, во црквата „Св. Јован Крстител“ во Велес, се отслужи Света Божествена Литургија. Со Литургијата чиноначалствуваше Митрополитот Повардарски г. Агатангел, во сослужение на повеќе свештенослужители.

ФОТОГАЛЕРИЈА

Во четврток од петтата седмица од Великиот пост, во параклисот посветен на светиот Наум Охридски во Велес, се отслужи Литургија на претходно осветени дарови, со која чиноначалствуваше Митрополитот Повардарски г. Агатангел.

На Утрената богослужба, беше прочитан целиот Голем покаен канон на свети Андреј Критски.

ФОТОГАЛЕРИЈА

Во Неделата  на Св. Јован Лествичник, Митрополитот Повардарски г. Агатангел отслужи Света Божествена Литургија во храмот „Св. Атанасиј“ во Неготино. На Литургијата сослужуваа повеќе свештенослужители, а верниот народ се причести со Светите Христови дарови.