ФОТОГАЛЕРИЈА

Во петок од првата седмица од Великиот Пост, во параклисот „Св. Наум Охридски“ во Велес, беше отслужена Утрена богослужба со великопосни часови и Литургија на претходно осветени дарови. Со Литургијата чиноначалствуваше Митрополитот Повардарски г. Агатангел во сослужение на свештенство од велешкото архиерејско намесништво.

ФОТОГАЛЕРИЈА

Во среда од првата седмица од Великиот Пост, во параклисот „Св. Наум Охридски“ во Велес, беше отслужена Утрена богослужба со великопосни часови и Литургија на претходно осветени дарови. Со Литургијата чиноначалствуваше Митрополитот Повардарски г. Агатангел во сослужение на свештенство од велешкото архиерејско намесништво.

ФОТОГАЛЕРИЈА

Во Неделата на простувањето - Прочка, Митрополитот Повардарски г. Агатангел, во сослужение на повеќе свештеници, отслужи Света Божествена Литургија во храмот „Св. Кирил и Методиј“ во Велес.

Во својата празнична беседа Митрополитот Агатангел не повика сите да го искористиме овој ден за да побараме прошка од своите најблиски и од сите оние на кои сме погрешиле и да се обидеме од денешниот ден, па се до Воскресението Христово да ја исполниме нашата душа со добрина, љубов, милосрдие и на тој начин да се обидеме да се соединиме со нашиот Бог, Господ Исус Христос.

На Литургијата присуствуваа голем број верници од Велес, кои молитвено побараа прошка од Бога. Меѓу присутните верници беа и Градоначалникот на Општина Велес, г-дин Марко Колев, пратениците во македонското Собрание од Велес, г-дин Игор Здравковски и г-дин Александар Јамалов, како и бројни претставници на институциите од градот Велес.

По Литургијата, Митрополитот Повардарски г. Агатангел зеде молитвено учество во Умилителната вeчерна богослужба, по чие завршување следуваше чинот на меѓусебно простување. 

ФОТОГАЛЕРИЈА

На празникот Сретение Господово, во црквата „Св. Јован Крстител“ во Велес, Митрополитот Повардарски г. Агатангел, во сослужение на повеќе клирици од епархијата, отслужи света Божествена Литургија. На овој празник се извршува чин на осветување и благословување на црковните свеќи, па така Митрополитот и свештениците ги осветија и благословија црковните свеќи, а исто така овој чин се изврши во сите архиерејски намесништва на Повардарската епархија.

ФОТОГАЛЕРИЈА

На 14.02.2026 година, на денот кога го празнуваме Претпразненството на Сретение, како и споменот на светиот маченик Трифун, Митрополитот Повардарски г. Агатангел во сослужение на повеќе свештенослужители, отслужи  Заупокоена Литургија во храмот „Св. вмч. Димитриј“ во Кавадарци. По завршувањето на Литургијата, беше извршен чинот на Мал водосвет, а потоа, според традицијата, беше закроено и лозјето.

ФОТОГАЛЕРИЈА

На денот кога Светата православна црква го чествува споменот на Светите Три Светители, Свети Василиј Велики, Свети Григориј Богослов и Свети Јован Златоуст, Митрополитот Повардарски г. Агатангел отслужи Света Божествена Литургија во храмот „Св. Наум Охридски“ во Велес.