ФОТОГАЛЕРИЈА

Ден пред големиот христијански празник Богојавление - Водици, на празникот наречен Водокрст секоја година се извршува голем Богојавленски водосвет. Оваа година осветувањето на водите се изврши во црквата „Успение на Пресвета Богородица“ во Велес, каде се отслужи Вечерна со Василиева Литургија, а потоа во сослужение на присутните свештеници, Митрополитот Повардарски г. Агатангел ја освети водата за здравје и спасение на верниците.

ФОТОГАЛЕРИЈА

На денот кога светата православна Црква го чествува споменот на преподобниот Серафим Саровски, Митрополитот Повардарски г. Агатангел отслужи Света Божествена Литургија во параклисот во митрополитската резиденција на Повардарската епархија посветен на овој светител.

ФОТОГАЛЕРИЈА

На денот кога нашата света Македонска црква го чествува споменот на светиот епископ Велички, Гаврил, Митрополитот Повардарски г. Агатангел отслужи Света Божествена Литургија во параклисот посветен на овој наш духовен горостас во градот Велес. Во параклисот беа изложени и мошти од светителот, на кои многумина верни се поклонија, просејќи благослов и застапништво од Лесновскиот чудотворец.

ФОТОГАЛЕРИЈА

На трет ден Божик, кога се чествува и споменот на светиот архиѓакон и првомаченик Стефан, Неговото Високопреосвештенство, Митрополитот Повардарски г. Агатангел во сослужение на бројно свештенство на Повардарската епархија отслужи Света Божествена Литургија во храмот „Св. Атанасиј“ во село Негорци.

ФОТОГАЛЕРИЈА

На втор ден Божик, кога се чествува и Собор на Пресвета Богородица, Неговото Високопреосвештенство, Митрополитот Повардарски г. Агатангел во сослужение на бројно свештенство на Повардарската епархија отслужи света Божествена Литургија во храмот „Св. вмч. Димитриј“ во Кавадарци.

 ФОТОГАЛЕРИЈА

Со благослов на Неговото Високопреосвештенство, Митрополитот Повардарски г. Агатангел, традиционално по завршувањето на Божикната Литургија и оваа година се организираше Божикна забава за лицата со церебрална парализа од Велес. Свештениците го благословија овој собир и на  сите дечиња кои беа присутни, како и оние кои не беа во можност да присуствуваат им поделија пакетчиња. Оваа средба е традиционално Божикно дружење со овие дечиња и нивните родители, а е во рамките на долгогодишата соработка на Повардарската епархија и здружението на лица со церебрална парализа од Велес. И оваа година на забавата со своето присуство не почести и градоначалникот на Општина Велес, г-дин Марко Колев.