На денот кога светата православна црква го чествува споменот на свети Нектариј Егински, Митрополитот Повардарски отслужи света Божествена Литургија во параклисот посветен на овој светител во градот Гевгелија.
На денот кога Светата православна црква го чествува споменот на Светиот Архистратиг Михаил и останатите Сили небесни бестелесни, во црквата „Св. Архангел Михаил“ во Долни Дисан се отслужи Света Ахиерејска Литургија со која чиноначалствуваше Митрополитот Повардарски г. Агатангел во сослужение на свештенослужители на Повардарската епархија.
На Литургијата присуствуваа голем број верници, кои се поклонија пред Светиот Архангел Михаил и молитвено го побараа неговото застапништво пред Бога.
На крајот на Литургијата верните се причестија со Светите Христови дарови.
На денот кога православната Црква го слави споменот на светите маченици и бесребреници Козма и Дамјан, Митрополитот Повардарски г. Агатангел отслужи света Божествена Литургија во болничкиот храм посветен на овие светители во Велес. На Литургијата сослужуваа повеќе свештенослужители од градот Велес. По завршувањето на Литургијата се изврши водосвет и се прекршија славските колачи.
Во дваесет и втората недела по Педесетница, Митрополитот Повардарски г. Агатангел отслужи света Божествена Литургија во црквата „Св. Кирил и Методиј“ во Гевгелија.
На празникот на светиот великомаченик Димитриј Солунски, Митрополитот Повардарски г. Агатангел, во сослужение на повеќе свештенослужители,отслужи Света Божествената Литургија во храмот „Св. Вмч. Димитриј“ во Кавадарци.
На Божествената Литургија присуствуваа голем број на верници, кои традиционално секоја година молитвено му се поклонуваат на светиот великомаченик Димитриј и го молат за застапништво на нивните души пред престолот на Господ Бог.
На 31.10.2022 година, на празникот на светиот апостол и евангелист Лука, митрополитот Повардарски г. Агатангел во сослужение на надлежниот митрополит Брегалнички г. Иларион и митрополитот Тетовско-гостиварски г. Јосиф отслужи света Божествена Литургија во храмот „Св. Ап. Лука“ во Виница. По Литургијата беа прекршени празничните лебови и беа осветени новите административни простории и крстилница.
