ФОТОГАЛЕРИЈА

Во десеттата седмица по Педесетница, во црквата „Свети Јован Крстител“ во Велес, беше отслужена Божествена Литургија на која чиноначалствуваше Митрополитот Повардарски г. Агатангел. На Литургијата, Митрополитот Агатангел благоволи и го ракоположи најпрво во чин ипоѓакон, а потоа во чин ѓакон, дипломираниот теолог Славче Ѓорѓиевски од Велес.

Фотогалерија: Вечерна богослужба и Духовна академија

Фотогалерија: Божествена Литургија

На 8 и 9 август 2023 година, Велес го чествуваше споменот на својот патрон и заштитник, светиот великомаченик Пантелејмон. Овој празник се чествува и како официјален празник на градот Велес и под покровителство на Општината од пред десетина години и покрај тоа што жителите на градот Велес неговата закрила ја чувствуваат многу одамна, за што сведочи и изградбата на Соборниот храм на Повардарската епархија, посветен на овој светител, по чии молитви, градот бил спасен од страшната чума која се појавила во XIX век.

Празнувањето започна со Вечерна Богослужба на која голем број верници од Велес молитвено го просеа застапништвото пред Бога од светиот вмч. Пантелејмон, нивниот закрилник. На Вечерната богослужба присуствуваа и градоначалникот на Велес г-дин Марко Колев, советниците од Општината, како и голем дел од претставниците на институциите од градот.

По Вечерната богослужба беше организирана Духовна академија на која со пригодни зборови се обратија Митрополитот Повардарски г. Агатангел, градоначалникот на Општина Велес, г. Марко Колев, претставникот на Музејот на град Велес, г-ѓа Елица Николова, како и проф. д-р Велика Ивковска, автор на Монографијата за Соборниот храм на Повардарската епархија „Св. вмч. Пантелејмон“, која се промовираше на оваа духовна академија.

На самиот ден, како централен настан на празнувањето, беше отслужена Божествена Литургија со која чиноначалствуваше Митрополитот Повардарски г. Агатангел во сослужение на бројно свештенство од целата епархија. На Литургијата присуствуваа голем број верници од Велес, а и по нејзиното завршување, не престануваа реки од народ да се движат кон Соборниот храм  за да му се поклонат на својот закрилник, светиот Пантелејмон. На оваа Литургија, Митрополитот Повардарски г. Агатангел благоволи и го произведе во чин ипоѓакон, досегашниот чтец Љупче Игновски од Велес.

ФОТОГАЛЕРИЈА

На денот кога Светата православна црква го чествува споменот на светата преподобна маченичка Параскева Римјанка (света Петка), во храмот „Св. Петка“ во Кавадарци се отслужи Света Архиерејска Литургија со која чиноначалствуваше Митрополитот Повардарски г. Агатангел. По завршувањето на Литургијата, Митрополитот, свештенослужителите и верниците се упатија во дворот на храмот, кадешто се изврши водосвет.

ФОТОГАЛЕРИЈА

Во деветата недела по Педесетница, Митрополитот Повардарски г. Агатангел отслужи света Божествена Литургија во манастирот „Свето Вознесение Христово“ во Гевгелија.

ФОТОГАЛЕРИЈА

На денот кога Македонската православна црква го чествува споменот на светиот пророк Илија, Митрополитот Повардарски г. Агатангел, во сослужение на бројно свештенство на Повардарската епархија, отслужи света Божествена Литургија во црквата "Св. Кирил и Методиј" во Велес.

На овој ден, кој Република Македонија го чествува како свој национален празник, годинава се навршуваат точно 120 години од Илинденското востание, па затоа Митрополитот Повардарски г. Агатангел отслужи Панихида за сите оние наши браќа и сестри кои ги положија своите животи за слобода на Македонскиот народ и стремежот за слободна и независна држава Македонија.

ФОТОГАЛЕРИЈА

На денот кога светата православна црква го чествува споменот на светата маченичка Марина, Митрополитот Повардарски г. Агатангел отслужи света Божествена Литургија во црквата „Св. Јован Крстител“ во Велес.