ФОТОГАЛЕРИЈА

На денот кога Македонската православна црква го чествува споменот на светиот пророк Илија, Митрополитот Повардарски г. Агатангел, во сослужение на свештенство на Повардарската епархија, отслужи света Божествена Литургија во црквата „Св. Кирил и Методиј“ во Велес.

По повод овој ден, кој Република Македонија го чествува како свој национален празник, на Литургијата, Митрополитот Повардарски г. Агатангел отслужи Панихида за Илинденците, како и за сите оние наши браќа и сестри кои ги положија своите животи за слобода на Македонскиот народ и стремежот за слободна и независна држава Македонија.

ФОТОГАЛЕРИЈА

Во петата седмица по Педесетница, Митрополитот Повардарски г. Агатангел отслужи Света Божествена Литургија во црквата „Успение на Пресвета Богородица“ во Велес.

ФОТОГАЛЕРИЈА

На денот кога Светата православна црква го чествува споменот на светите апостоли Петар и Павле, Митрополитот Агатангел, во сослужение на бројно свештенство од сите архиерејски намесништва на епархијата, отслужи света Божествена Литургија во црквата „Св. Кирил и Методиј“ во Велес.

На Литургијата, Митрополитот Агатангел благоволи и го произведе во чин протоѓакон, ѓаконот Бобан Ѓорѓиевски од Велес.

На големиот христијански празник Петровден се навршија 26 години од архипастирската дејност на Митрополитот Агатангел, па од името на целото свештенство на Повардарската епархија, како и од целото патство со слово кон Митрополитот се обрати протоереј Борислав Бобевски.

Возљубени,

излезе од печат Петровденското издание на списанието „Православна Светлина“. И во овој број, обработивме многу нови душеполезни теми, од кои ќе може читателската публика ќе пронајде поука.

Се надеваме дека и овој празничен број на „Православна Светлина“ ќе биде радосна вест за сите верници во Повардарската епархија, па и пошироко. Вашиот примерок од новиот број ќе можете да го земете во сите храмови низ Повардарската епархија.

ПДФ верзија на списанието

ФОТОГАЛЕРИЈА

На празникот на Раѓањето на св. Јован Претеча и Крстител Господов, Митрополитот Повардарски г. Агатангел во сослужение на свештенослужители од Велес отслужи Света aрхиерејска Литургија во црквата „Св. Јован Крстител“ во Велес.

ФОТОГАЛЕРИЈА

Во Неделата на сите Светии, Митрополитот Повардарски г. Агатангел отслужи Света Божествена Литургија во црквата „Св. Јован Крстител“ во Велес.