ФОТОГАЛЕРИЈА

На денот кога го празнуваме споменот на влегувањето на нашиот Спасител Исус Христос во Ерусалим - Цветници, во сите поголеми храмови ширум Повардарската епархија беше отслужена Света Божествена Литургија. Митрополитот Повардарски г. Агатангел, во сослужение на Митрополитот Кумановско-осоговски г. Григориј и бројно свештенство, чиноначалствуваше со Божествената Литургија во храмот „Св. Кирил и Методиј“ во Гевгелија. Верниот православен народ од денешниот ден го започнува чествувањето на најтешката седмица во историјата на човештвото, седмицата на Христовите страдања која уште се нарекува и „Страстна“.

ФОТОГАЛЕРИЈА

На денот кога Светата православна црква го чествува Лазаревото Воскресение, Митрополитот Повардарски г. Агатангел отслужи Света Божествена Литургија во црквата „Свети Атанасиј Велики“ во Неготино.

ФОТОГАЛЕРИЈА

И годинава, голем број на верници во Повардарската епархија ги посетија православните храмови, присуствувајќи на Божествените Литургии по повод овој ден, за повторно и повторно да ја слушнат благата вест. Со оваа архангелска благовест и со слегувањето на Светиот Дух врз Пречистата Дева, започна спасението на луѓето и обновата на созданието. Митрополитот Повардарски г. Агатангел отслужи Света Божествена Литургија во храмот „Успение на Пресвета Богородица“ во Велес.

На исповед на свештениците во Повардарската епархија

Во името на Отецот и Синот и светиот Дух!

Драги браќа во Христа,

чесни и доблесни свештенослужители,

Најпрвин Му благодарам на Господ што нè удостои ѝ годинава да се собереме во овој прекрасен храм Господов, за да и пристапиме на светата тајна Исповед. Да се преиспитаме за сите наши престапи на Божјиот закон; да се преиспитаме дали и колку сме згрешиле од последната исповед, до денес. На тој начин, ќе потврдиме дека ѝ пристапуваме на светата тајна Исповед искрено и молитвено, ако во истиот миг ги осознаеме и преброиме нашите, макар и, најмали прегрешенија.

Со неколеблива, пак, надеж да се помолиме на Семилостивиот Небесен Отец да ја прими нашата покајничка Исповед и ни опрости, та очистени од грев да ја примиме светата Причест. „Зашто кој јаде и пие недостојно, тој го јаде и пие своето осудување, бидејќи не го разликува Телото Господово“, се вели во првото послание на апостол Павле до Коринтјаните (1 Кор. 11,29).

Верувам, во оваа молитвена пригода, Вие си спомнувате на зборовите на Спасителот наш Господ Исус Христос, кога им рекол на своите ученици: „Каде се двајца или тројца собрани во Мое име, таму сум и Јас посреде нив“ (Мат. 18,20). Значи, во овој молитвен миг, посреди нас, невидливо, но уверливо е присутен Господ Исус Христос, Кој очекува да се покаеме искрено и да се помириме со сите коишто нам ни згрешиле, откако пред тоа и ние ќе им простиме ним.

ФОТОГАЛЕРИЈА

На 05.04. 2023 година, Неговото Високопреосвештенство, Митрополитот Повардарски г. Агатангел отслужи света Литургија на претходно осветени Дарови во црквата „Св. Јован Крстител“ во Велес. По завршувањето на Литургијата, свештенството на велешкото намесништво пристапи кон светата тајна Исповед. Кон светата тајна Исповед пристапија и свештениците од кавадаречкото и гевгелиското намесништво на Повардарската епархија, по завршувањето на Литургијата на претходно осветени Дарови во црквата „Св. вмч. Димитриј“ во Кавадарци, односно „Свето Вознесение Христово“ во Гевгелија.

ФОТОГАЛЕРИЈА

Во петтата недела од Великиот пост, посветена на света Марија Египетска, во црквата „Св. вмч. Димитриј“ во Валандово се отслужи света Божествена Литургија со која чиноначалствуваше Митрополитот Повардарски г. Агатангел.