Повардарска епархија

Прегледувате: Насловна

СИНОДСКО СОЧУВСТВО ПО ПОВОД ТРАГЕДИЈАТА ВО КОЧАНИ

Возљубени!

Во сабота, на ден 22. 03. 2025 година, (Младенци), во сите храмови од Повардарската епархија ќе биде отслужена Света Заупокоена литургија и Молебен за здравје и поткрепа на настраданите при пожарот и страшната трагедија во Кочани.

Ги повикуваме сите православни верници од Повардарската епархија да земат учество во заедничката молитва, која ќе ја упатиме кон Бога за покој на душите на починатите, како и за брзо и успешно заздравување на сите настрадани во оваа страшна несреќа.

Господ Бог нека им даде мир, духовна сила и утеха на нивните родители, на сите нивни роднини и пријатели.

Сеноќно бдение

2.01.2024.

На 31 декември ноќта со почеток од 23.30 часот се отслужи сеноќно бдение во Велес, во храмот на светите сесловенски и македонски просветители Кирил и Методиј. На бдението чиноначалствуваше Митрополитот Повардарски г. Агатангел во сослужение на бројно свештенство на Повардарската епархија, а молитвено присуствуваа голем број верници од сите градови на Повардарската епархија.

Недела на светите праотци

25.12.2023.

ФОТОГАЛЕРИЈА

На 24. 12. 2023 година, во Неделата на светите праотци, во манастирот посветен на светото Вознесение Христово во Гевгелија, се отслужи света Божествена Литургија со која чиноначалствуваше Митрополитот Повардарски г. Агатангел.

Свети Николај Чудотворец

20.12.2023.

На 19.12.2023 година, на празникот на светиот Николај Чудотворец, архиепископ Мирликиски, Неговото Високопреосвештенство Митрополитот Повардарски г. Агатангел во сослужение на Митрополитот Кумановско-осоговски г. Григориј, отслужи Света Божествена Литургија во црквата „Свети Никола“ во Куманово.

Преземено од сајтот на Кумановско-осоговската епархија на МПЦ-ОА

Светата великомаченичка Варвара

18.12.2023.

ФОТОГАЛЕРИЈА

На денот кога Светата православна црква го чествува споменот на Светата великомаченичка Варвара и Свети Јован Дамаскин, Митрополитот Повардарски г. Агатангел отслужи Света Божествена Литургија во црквата „Св. Јован Крстител“ во Велес. На Литургијата сослужуваа свештенослужители од велешкото намесништво на Повардарската епархија. Верниот народ се причести со Светите Христови дарови.

Света Божествена Литургија во Неготино

12.12.2023.

ФОТОГАЛЕРИЈА

Во 27 седмица по Педесетница, Митрополит Повардарски г. Агатангел, во сослужение на бројно свештенство на Повардарската епархија, отслужи Света Божествена Литургија во црквата „Св. Атанасиј Велики“ во Неготино.

Прослава на патронот во Соборниот храм во Скопје

12.12.2023.

На 08.12.2023 година, денот во кој Црквата го прославува празникот на заштитникот на Македонската Православна Црква – Охридска Архиепископија, свети Климент Охридски, Неговото Блаженство, Архиепископот Охридски и Македонски г. г. Стефан чиноначалствуваше со Божествена Литургија во Соборниот храм „Свети Климент Охридски“ во Скопје. На Архиепископот му сослужуваа Митрополитите, Повардарски г. Агатангел и Брегалнички г. Иларион и Епископите, Дељадровско-илинденски г. Јоаникиј и Стобиски г. Јаков, којшто и произнесе беседа.

Многубојниот светиклиментов верен народ се причести со светите Христови дарови.

Преземено од сајтот на Скопската епархија на МПЦ-ОА

Повеќе...