ФОТОГАЛЕРИЈА

На 25.08.2024 година, Деветта недела по Педесетница, Митрополитот Повардарски г. Агатангел отслужи Света Божествена Литургија во црквата „Св. Кирил и Методиј“ во Велес.

ФОТОГАЛЕРИЈА

На големиот христијански празник Преображение на Господ Исус Христос, Митрополитот Повардарски г. Агатангел, во сослужение на Митрополитот Кумановско-осоговски г. Григориј и бројно свештенство на Повардарската епархија, отслужи Света Божествена Литургија во црквата „Св. Атанасиј Велики“ во Неготино.

ФОТОГАЛЕРИЈА

На 8 и 9 август секоја година, Велес го чествува споменот на својот патрон и заштитник, светиот великомаченик Пантелејмон. Овој празник се чествува и како официјален празник на градот Велес и под покровителство на Општината од пред десетина години и покрај тоа што жителите на градот Велес неговата закрила ја чувствуваат многу одамна, за што сведочи и изградбата на Соборниот храм на Повардарската епархија, посветен на овој светител, по чии молитви, градот бил спасен од страшната чума која се појавила во XIX век.

Празнувањето започна со Вечерна Богослужба на која голем број верници од Велес молитвено го просеа застапништвото пред Бога од светиот вмч. Пантелејмон, нивниот закрилник.

По Вечерната богослужба беше организирана Духовна академија на која со пригодни зборови се обратија Митрополитот Повардарски г. Агатангел, градоначалникот на Општина Велес, г. Марко Колев, потоа поетското студио "Премиера" изведе прекрасен рецитал посветен на светиот великомаченик Пантелејмон, а на крајот го проследивме одличниот музички перформанс на инструменталниот состав "Trinity string's".

На самиот ден, како централен настан на празнувањето, беше отслужена Божествена Литургија со која чиноначалствуваше Митрополитот Повардарски г. Агатангел во сослужение на бројно свештенство од целата епархија.

ФОТОГАЛЕРИЈА

На денот кога Светата православна црква го чествува споменот на светата преподобна маченичка Параскева Римјанка (света Петка), во храмот „Св. Петка“ во Кавадарци се отслужи Света Архиерејска Литургија со која чиноначалствуваше Митрополитот Повардарски г. Агатангел. По завршувањето на Литургијата, Митрополитот, свештенослужителите и верниците се упатија во дворот на храмот, кадешто се изврши водосвет. 

ФОТОГАЛЕРИЈА

На денот кога Светата православна црква го чествува споменот на светата Марија Магдалина, Митрополитот Повардарски г. Агатангел отслужи Света Божествена Литургија во црквата "Св. Јован Крстител" во Велес.

На Литургијата, Митрополитот Агатангел благослови и го потстрижа во чин чтец, ученикот Стефан Атанасов од Велес.

По Литургијата беше отслужен и молебен за дожд, како посебно богослужение при кое Го молиме Господ и Неговите угодници за милост или, Му благодариме на Бога за добивањето на некои дарови или заради услишаните молитви.

Пред извршувањето на овој црковен обред, Митрополитот Агатангел им ја објасни на верниците духовната и практичната димензија на овој обред, при што истакна: Молебните според својот состав се слични на утреното богослужение и се извршуваат во храмовите, надвор од храмовите или во приватни домови, болници, детски и старечки домови, образовни институции, касарни, затвори и секаде каде што има потреба. Се служат на храмов празник, на големи празници, во време на елементарни непогоди – кога има многу дождови, голема суша, земјотреси, пожари, епидемии, војни итн.

ФОТОГАЛЕРИЈА

На денот кога Македонската православна црква го чествува споменот на светиот пророк Илија, Митрополитот Повардарски г. Агатангел, во сослужение на свештенство на Повардарската епархија, отслужи света Божествена Литургија во црквата „Св. Кирил и Методиј“ во Велес.

По повод овој ден, кој Република Македонија го чествува како свој национален празник, на Литургијата, Митрополитот Повардарски г. Агатангел отслужи Панихида за Илинденците, како и за сите оние наши браќа и сестри кои ги положија своите животи за слобода на Македонскиот народ и стремежот за слободна и независна држава Македонија.