Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна

Возљубени,

Ве известуваме дека во рамките на учеството на Македонската православна црква на годинешниот МЕЃУНАРОДЕН САЕМ НА КНИГАТА, кој ќе се одржи од 18. 04. 2024 година до 24. 04. 2024 година во спортскиот центар „Борис Трајковски“ во Скопје, Повардарската епархија ќе ги претстави сите изданија од својата издавачка дејност „Св. Ѓорѓи Полошки“. Сите изложени изданија на саемот ќе бидат со репрезентативни цени (намалени) во однос на редовните продажни цени на книгите.

Оваа година беше навистина плодна за нашата издавачка дејност, па така, на саемот, ќе претставиме дури ДВАНАЕСЕТ нови изданија, во однос на минатогодишниот саем, и тоа книгите: „Свети Јован Златоуст - Дела“ 1 и 2 том, „Средба со Бог - старец Ефрем Аризонски“, „Света Ксенија Петроградска“, „Монографија – Митрополит Агатангел“, „Свети Герасим Кефалониски“, „Историја на македонскиот народ“, како и реизданија на книгите „Старец Јосиф Исихаст“, „Мојот живот со старец Јосиф“, „Пат на небо“, „Свети Нектариј Егински“ и „Давидов Псалтир“.

Покрај книгите, на штандот на Повардарската епархија ќе бидат изложени и бесплатни примероци од списанието на Повардарската епархија „Православна светлина“.

Ве покануваме да го посетите штандот на Македонската православна црква и да одберете некое од нашите изданија.

 


Благовештение и Лазарева сабота
9.04.2012.

 

Sample Image

 

Благата вест за зачнувањето на Спасителот, Господ Исус Христос во утробата на Пресветата Дева Марија,  на која великиот архангел Гавриил и се јави во архангелска светлина и и рече: „Радувај се, благодатна! Господ е со Тебе!“, е пречекана со огромна радост во срцата на православните верници ширум светот. Така и годинава, голем број на верници во Велес ги посетија православните храмови, присуствувајќи на Божествените Литургии по повод овој ден, за повторно и повторно да ја слушнат  благата вест.  Со оваа архангелска благовест и со слегувањето на Светиот Дух врз Пречистата Дева, започна спасението на луѓето и обновата на созданието. Годинава во ист ден се чествуваше и Лазаревото Воскресение, а Митрополитот Повардарски г. Агатангел отслужи Света Божествена Литургија во црквата „Св. Атанасиј“ во Неготино.

 

Благовештение

К

ога Пресветата Дева наврши единаесет години пребивање и служење во ерусалимскиот храм и четиринаест од раѓањето - значи кога стапи во петнаесеттата година од животот - свештениците ѝ соопштија дека според Законот повеќе не може да остане при храмот, туку треба да пристапи кон веридба и брак. Одговорот на Пресветата Дева беше големо изненадување за тамошните свештеници. Изјави дека Таа себеси Му се посветила на Бога и не сака да стапува во брак со никого. По Божја Промисла и вдахновение тогаш првосвештеникот Захарија, татко на Св. Јован Крстител, се договори со другите свештеници, па собраа дванаесет безжени луѓе од Давидовото племе за да пронајдат еден на кого што би му ја довериле Дева Марија како на оној кој ќе ја чува Нејзината девственост и ќе се грижи за Неа. Му ја доверија на стариот Јосиф од Назарет, којшто ѝ беше роднина. Во домот Јосифов Пресветата Дева продолжи да живее исто како во Соломоновиот храм, минувајќи го времето во читање на Светото Писмо, во богомислие и ракоделие. Од дома не излегуваше речиси никогаш ниту се интересираше за светските работи и настани. Малку зборуваше со кого било и никогаш без особена потреба. Најчесто општеше со ќерките на Јосиф. Но кога се исполни времето означено со пророштвото на Даниил и кога Бог благоволи да го исполни ветувањето што му го даде на прогонетиот Адам и на Пророците, на Пресветата Дева ѝ се јави во одајата великиот архангел Гавриил, а некои свештеници пишуваа дека во оној миг Таа го имала пред себе отворено пророштвото на Исаија кој вели: „Ете, девојка ќе зачне и ќе роди син!“ Гавриил ѝ се јави во архангелска светлина и ѝ рече: „Радувај се, благодатна! Господ е со Тебе!“ И сѐ друго, како што пишува во Евангелието на Божествениот Лука. Со оваа архангелска благовест и со слегувањето на Светиот Дух врз Пречистата Дева, започна спасението на луѓето и обновата на созданието. А историјата на Новиот Завет значи радост за човештвото и за сета твар.

 

Sample Image

 

Лазарова сабота    

Н

а овој ден се споменува чудесното воскресение на четиридневно упокоениот Лазар, во она време извршено од Богочовекот Исус Христос. Како што сведочи Светото Евангелие, овој настан бил многу непосредно (или шест дена) пред предавството и убиството на Исус Христос на Голгота. Толкувачите гледаат во него предобраз и своевидна духовна подготовка на тогашните сведоци за претстојното Христово воскресение. Во секој случај, своевремено Лазаровото воскресение беше доживеано како најсилен доказ за Божественоста на Господ Христос пред тогашните Јудејци и постана камен на сопнување за мнозина. Но оттогаш мнозина и поверуваа во Него како во Спасител. Некои богослови особено ја растолкуваа човечката и Божествената природа Христова кај Лазаровото воскресение, велејќи дека Господ плачеше пред гробот на Лазар заради Својата човечка љубов кон него како мил пријател, а го воскресна со Својата Божествена сила како Бог.

 
Литургија на претходно осветени дарови
6.04.2012.
Sample Image   Sample Image
 
Во петок од шестата седмица од Великиот Пост, Митрополитот Повардарски г. Агатангел отслужи Литургија на претходно осветени дарови во црквата „Успение на Пресвета Богородица“ во Велес. На Литургијата сослужуваа дел од свештенослужителите од велешкото архиерејско намесништво, а присуствуваа и сите останати свештеници од ова намесништво. По Литургијата беше извршена исповед на свештенството.

 
 Sample Image   Sample Image
 
 Sample Image   Sample Image
 
 Sample Image   Sample Image
 
Архиерејска Литургија во Богданци
2.04.2012.

 Sample Image

 Sample Image

 Sample Image

 Sample Image

Во петтата недела од Великиот Пост, посветена на преподобната Марија Египетска, Митрополитот Повардарски г. Агатангел чиноначалствуваше со Архиерејската Литургија во храмот „Св. Атанасиј“ во Богданци. На Литургијата  сослужуваа свештеници од  гевгелиското и кавадаречкото намесништво на Повардарската епархија. Верниците кои беа подготвени за Светата Причест ги примија Светите Христови Тајни, а на крајот беа осветени и прекршени празничните лебови.

 
Акатист кон Пресвета Богородица
2.04.2012.

 

Sample Image

 

Sample Image

 


 

На 30. 03. 2012 год., ден петок, во храмот „Успение на Пресвета Богородица“ во Велес беше отслужено мало Повечерие со целиот Акатист кон Пресвета Богородица. На службата богослужеа свештеници од велешкото архиерејско намесништво, во присуство на Митрополитот Повардарски г. Агатангел. Инаку ова беше последна служба во Великиот Пост, на која се чита Акатистот кон Пресвета Богородица, кој пак, за време на Великиот Пост се служи во петоците од петте седмици од Великиот пост.

По завршувањето на малото Повечерие традиционално беа осветени петолебија, кои верниците ги земаат за здравје и благосостојба. 

 

Sample Image
 
 Sample Image

 

 
Света Божествена Литургија, 25. 03. 2012
26.03.2012.

 

Sample Image

 

Во четвртата недела од Великиот Пост, посветена на Св. Јован Лествичник, Митрополитот Повардарски г. Агатангел отслужи Света Божествена Литургија во храмот „Св. Димитриј“ во Кавадарци.

 
Акатист кон Пресвета Богородица, четврта статија
26.03.2012.

 

Sample Image
 

 

На 23. 03. 2012 година, во петок од четвртата седмица од Великиот Пост, во храмот „Успение на Пресвета Богородица“ во Велес се отслужи четвртата и последна статија од Богородичниот Акатист. На вечерната богослужба сослужуваа протоереј-ставрофор Славе Јованов, свештеник Драги Гаштарски, свештеник Јованче Илиевски и ѓакон Мишо Тодоров, а присуствуваше и Митрополитот Повардарски г. Агатангел.

На крајот на вечерната богослужба беа благословени и прекршени празничните лебови.

Следниот петок ќе се отслужи мало повечерие на кое ќе се читаат сите статии од Акатистот кон Пресвета Богородица.

 
Повеќе...
<< Почеток < Претходна 31 32 33 34 35 36 37 38 39 40 Следна > Крај >>

Резултати 1445 - 1482 од 1504