По повод Рождеството Христово - Божик, ноќта понеделник 31. 12. 2012 год. спроти вторник 01. 01. 2013 год. на празникот Св. мч. Бонифациј и Св. Григориј еп. Омиритиски, со почеток во 23:00 ч. се отслужи сеноќно бдение кое заврши со Божествена Литургија. Со ова бдение чиноначалствуваше Повардарскиот митрополит г. Агатангел со еромонахот Атанасиј и со бројно свештенство од Повардарската епархија. Господ Бог благослови речиси сите присутни да пристапат и да се причестат со Светите Христови Тајни.

Да бидат нашите срца будни, и со радост да дочекаме да се роди Оној, Вечниот, Благиот, Силниот, Милостивиот....нашиот Спасител Христос.

Христос се Роди!

 

За сајтот на Повардарската епархија известува: Маја Јаневска - Везилка

 

 

На 30. 12. 2012 година, Митрополитот Повардарски г. Агатангел во сослужение на повеќе свештенослужители отслужи Света Божествена Литургија во храмот „Св. Атанасиј“ во Неготино.

 

  

  

 

  

 

 

На 19. 12. 2012 година на празникот на Светиот Николај Чудотворец – архиепископ на Ликискиот град Мир, во Соборниот храм Св. Николај во Штип, кој е Патрон и Заштитник на градот Штип, Неговото Високопреосвештенство Митрополитот Повардарски г. Агатангел, Надлежниот Митрополит на Брегалничката епархија г. Иларион и Неговото Преосвештенство Епископот Велички г. Јосиф, во сослужение на Архимандритот на Лесновскиот манастир отец Дамаскин и свештеници од Брегалничката епархија, отслужи Света Архиерејска Литургија . На Светата Литургија, празнично слово, одража Митрополитот Повардарски г. Агатангел. По Светата Литургија, Мирополитите г. Агатангел, г. Иларион и Епископот г. Јосиф, заедно со Градоначалникот на Општина Штип г. Зоран Алексов, свештенослужителите и многубројниот православен народ, извршија Литија од Соборниот храм Св. Николај до Градскиот Плоштад во Штип, каде го благословија и пресекоа славскиот колач, по што надлежниот Митрополит Брегалнички г. Иларион одржа содржајна беседа. По ова за православните верници беше организирана културно естрадна забава во знак на чествувањето на Светиот Николај Патрон и Заштитник на градот Штип. По ова во салата на Советот на Општина Штип, Митрополитите и Епископот присуствуваа на Духовната Академија по повод Заштиникот и Патронот на Градот Штип, во организација на Градоначалникот г. Зоран Алексов и Советот на Општина Штип. На свечената академија Градоначалникот на Општина Штип г. Зоран Алексов го одликува проф. д – р г. Методиј Чепреганов роден во Штип со златен орден со ликот на Св. Николај Чудотворец, епископ Мирликински, изработен специјално за оваа пригода.

 

Повеќе на сајтот на Брегалничката епархија

 

 

На денот кога Светата православна црква го чествува споменот на Светата великомаченичка Варвара, Свети Јован Дамаскин и Свети Генадиј, архиепископ Новгородски, Митрополитот Повардарски г. Агатангел отслужи Света Божествена Литургија во храмот „Успение на Пресвета Богородица“ во Велес. На Литургијата сослужуваа свештенослужители од велешкото намесништво на Повардарската епархија. Верниот народ се причести со Светите Христови дарови.