Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна

Возљубени,

со радост го споделуваме со Вас целокупниот видео материјал од културно-уметничката програма по повод чествувањето на денот на рамноапостолните македонски и сесловенски просветители, браќата Кирил и Методиј во Велес.

Видео материјал

 


Божествена Литургија во Башино село
3.06.2013.

 

Sample Image
 
Sample Image

 

На денот кога Светата православна црква го чествува споменот на Светиот маченик Талалеј, кој маченички пострада заради Христа во 284 година, Митрополитот Повардарски г. Агатангел отслужи Света Божествена Литургија во црквата „Св. Никола“ во Башино село, крај Велес. 

На Литургијата сослужуваа свештеници од велешкото намесништво на епархијата, а присуствуваа голем број на верници од Башино село, Велес и околните места кои традиционално овој ден соборно и молитвено го прославуваат присуствувајќи на Светата Литургија.     

 

Sample Image
 
Sample Image

 

Светиот маченик Талалеј

Родум од Ливан, од татко Верукиј и мајка Ромилија; осумнаесетгодишно момче со прекрасен изглед, со коса црвеножолта. Лекар по занимање. Пострада за Христа за време на царувањето на Нумеријан. Кога храбро ја исповеда својата вера во Господ Христос пред мачителот, овој им нареди на двајцата џелати Александар и Астериј со сврдел да му ги дупчат колената, да му провлечат јаже низ издупчените коски и да го обесат за едно дрво. Но на џелатите како една невидлива сила да им го зеде видот и наместо Талалеј тие издупчија една штица и ја обесија на дрвото. Кога дозна за ова мачителот помисли дека тоа го направиле намерно и нареди да ги бијат. Тогаш Александар и Астериј повикаа: „Жив Господ, отсега и ние сме христијани, веруваме во Христа и страдаме за Него!“ Кога го чу ова, мачителот нареди и ги убија со меч. Тогаш самиот мачител зеде сврдел за да му ги дупчи колената на Талалеј, но рацете му премалеа, па мораше да го моли Талалеј да го спаси, а овој тоа и го стори со молитва. Потоа го фрлија во вода, но тој жив му се јави на мачителот. (Зашто Талалеј во себе Го молеше Бога да не умре веднаш, туку да му се продолжат маките.) Кога го фрлија на ѕверовите, тие се умилкуваа околу него и му ги лижеа нозете. Најпосле беше убиен со меч и се пресели во Царството Небесно, во 284 година.
 
Осветување на камен-темелник за нова црква
3.06.2013.

 

Sample Image

 

Sample ImageНа 30. 05. 2013 година, Митрополитот Повардарски г. Агатангел освети камен-темелници за изградба на нова црква и конак во близина на гевгелиското село Серменин. Црквата ќе биде посветена на светиот пророк Илија, а манастирскиот комплекс ќе биде дом на монашко братство. Црквата и новиот конак ќе се градат од средства на Повардарската епархија, како и од донации од верниците.

 

 
Поддршка за Македонскиот манифест
30.05.2013.

Почитувани,

Ние, Митрополитот Повардарски Агатангел, заедно со свештенството, монаштвото и богољубивиот македонски православен народ од богомдаруваната ми Повардарска православна епархија, би сакале јавно да дадеме поддршка и да се приклучиме кон прогласот именуван како „Македонски манифест до домашната и до меѓународната јавност, по повод засилениот притисок врз Република Македонија да го промени уставното име”.  И ние, како и иницијаторите на овој проглас, го делиме истото мислење дека преговорите во ОН, кои де факто носат кон промена на нашето древно и единствено име Македонија, треба да се прекинат веднаш. Ваквото свое мислење го темелиме на фактот дека при овие преговори очигледно се фаворизираат и се води грижа само за грчките националистички и радикални ставови. Преговорите, во суштина, имаат за цел единствено промена на македонскиот национален идентитет и на македонскиот јазик, што се разбира дека ќе доведе и до промена на името на Македонската православна црква. Од Македонија се бара апсурдното и невозможното. Промената на името не треба и не смее да биде третирано како дневно политичко прашање. За нас Македонците секоја додавка или придавка кон нашето име ќе има суштински поместувања во нашиот национален идентитет.

 

Sample Image

 

Повеќе од 20 години се врши притисок врз македонското национално битие дека нема друга алтернатива за нас освен самите да се укинеме како македонски народ. Напротив, наша единствена алтернатива како македонско општество и како македонски народ е да напредуваме во добрината, работливоста, мирољубивоста и хуманоста. Овие доблести никој нема да ни ги подари, туку треба самите да ги усвоиме и да ги живееме. Европа е лулка на културата, слободата, цивилизацијата и науката - овие Европски вредности треба да се стремиме да ги усвоиме. Но, во исто време треба да знаеме дека Европа е и дом на корумпирана бирократија, политичко лицемерие, уникатен неморал, еврејски гетоа и концентрациони логори. Политичкото слепило и лицемерие е особено јасно видливо од последната изјава на г. Аиво Орав, кој во својство на грчки амбасадор и адвокат ни покажа дека не прави разлика помеѓу тоа што претставува вето, а што консензус. За разлика од него, хашките судии и голем број светски интелектуалци, го немаат овој дислексичен проблем. Крајно време е некој на овој господин да му укаже дека тој не е амбасадор во „Вашата земја”, туку во Р. Македонија и дека неговото инсистирање на вакво ословување на државата - домаќин е налудничав нацизам, преоблечен во наводна дипломатска смиреност и студенило, својствен за Гебелс и неговите нови следбеници. Македонија и македонскиот народ поминале низ многу тешки периоди во својот историски развој, а сигурни сме дека ќе ги преброди и современите предизвици и искушенија. Така ќе биде зашто правдата и вистината се на наша страна, а каде е правдата и вистината, таму е и силата Божја.

 

Со почит и Божји благослов,

                                                                                                                                    

Митрополит Повардарски

†Агатангел (Станковски)

 
Светите просветители Кирил и Методиј
27.05.2013.

 

Sample Image

 

Sample Image

На празникот на Светите сесловенски просветители, браќата Кирил и Методиј беше отслужена Света Божествена Литургија во храмот посветен на овие светители во Гевгелија. На Литургијата чиноначалствуваше Митрополитот Повардарски г. Агатангел во сослужение на свештенослужители од гевгелиското намесништво. На Литургијата молитвено присуствуваа голем број на верници, а многумина од нив се причестија со Светите Христови дарови.

Свети Методиј и Кирил Рамноапостолни     24/05/2013

Родени браќа родум од Солун, од угледни и богати родители, Лав и Марија. Постариот брат, Методиј, како офицер помина десет години меѓу Македонските Словени. Потоа се оддалечи на гората Олимп и се предаде на монашки подвиг. Овде подоцна му се придружи и Кирил (Константин). Но кога хазарскиот цар Каган побара од царот Михаил проповедници на верата во Христос, тогаш на заповед на царот беа пронајдени овие двајца браќа и беа испратени меѓу Хазарите. Откако го уверија Каган во верата Христова, тие го крстија овој цар и голем број негови доглавници и уште помногуброен народ. По извесно време се вратија во Цариград, каде што ја составија словенската азбука од триесет и осум букви и почнаа да ги преведуваат црковните книги од грчки на словенски. На повик од царот Ростислав отидоа во Моравија и таму ја распространија и ја утврдија православната вера, па ги умножија книгите и им ги дадоа на свештениците за да ја подучуваат младината. А подоцна на повик од папата заминаа за Рим, каде што Кирил се разболе и умре, на 14 февруари 869 година. Тогаш Методиј се врати во Моравија и до смртта се потруди на утврдувањето на Христовата вера меѓу Словените. По неговата смрт - а тој се упокои во Господа на 6 април 885 година - неговите ученици Петочисленици, на чело со Свети Климент како епископ, го преминаа Дунав и се спуштија на југ во Македонија, каде што од Охрид продолжија да работат меѓу Словените на истото дело што го започнаа Методиј и Кирил на север.

 

 
Божествена Литургија, село Клисура
23.05.2013.

 

Sample Image
 
 Sample Image
 
 Sample Image

 

На денот кога Светата православна црква го чествува споменот на Преносот на моштите на Светиот Никола, Чудотворец Мирликиски, Митрополитот Повардарски г. Агатангел отслужи Света Божествена Литургија во црквата посветена на овој светител во демиркапиското село Клисура. На Литургијата сослужуваа свештеници од кавадаречкото архиерејско намесништво, а присуствуваа многумина верници од ова село, како и од Демир Капија, Неготино и Кавадарци. На Литургијата присуствуваше и градоначалникот на Општина Демир Капија г-дин Трајче Димитриев. По завршувањето на Литургијата, Митрополитот и свештенослужителите се упатија во дворот на црквата каде беше осветена вода и беа прекршени славските лебови.

Sample Image
 
 Sample Image
 
Sample Image

Свети Никола, Чудотворец Мирликиски     22/05/2013

Пренос на моштите. Во времето на царот Алексеј Комнен и на патријархот Никола Граматик, во 1087 година телото на овој светител беше пренесено од Мир Ликиски во градот Бари во Италија. Тоа се случи заради навалата на муслиманите на Ликија. Светителот му се јави во сон на некој чесен свештеник во Бари и му заповеда неговите мошти да се пренесат во тој град. Во она време градот Бари беше православен и под православен патријарх. При преносот на моштите на Светителот се случија многу чуда, како од допирот на моштите така и од мирото коешто изобилно се лееше од нив. На овој ден уште се споменува и чудото извршено над српскиот крал Стефан Дечански, т.е. како Свети Николај му го врати видот на слепиот крал Стефан.

 

 

 
Божествена Литургија во Валандово
20.05.2013.

 

Sample Image

 

 

 

Sample Image

 

Во неделата посветена на жените мироносици, Митрополитот Повардарски г. Агатангел отслужи Света Божествена Литургија во црквата „Св. вмч. Димитриј“ во Валандово. На Литургијата сослужуваа протоереј Миле Штрбевски и отец Љупче Миланов.

 
Повеќе...
<< Почеток < Претходна 31 32 33 34 35 36 37 38 39 40 Следна > Крај >>

Резултати 1331 - 1368 од 1531