Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна
Sample Image
 
Sample Image
 


Недела на православието
9.03.2020.

 

Sample Image

 

Sample Image Во Неделата на Православието, се отслужи Света Божествена Литургија во Соборниот храм на Повардарската епархија „Св. вмч. Пантелејмон“ во Велес. На Литургијата служеа протоереј-ставрофор Горан Панзов, свештеник Јани Мулев, протоѓакон Влатко Стоименов и ѓакон Бобан Ѓорѓиевски.

По Литургијата беше извршен молебен кој традиционално се извршува во Неделата на православието.

Празникот Недела на Православието е востановен во 842 лето Господово како победно празнување над конечниот пад на иконоборството и повторно воспоставување на почитувањето на иконите. Оттогаш свечено се прославува во првата Недела од Великиот пост, како спомен на торжеството на вистинската вера не само над иконоборството, но над сите ереси.

 

 
Тодорова Сабота
9.03.2020.

 

Sample Image

 

 Sample ImageВо првата сабота од Великиот Пост, која православната Црква ја посвети на споменот на свети Теодор Тирон, беше отслужена Света Божествена Литургија во црквата „Св. Кирил и Методиј“ во Велес. На Литургијата служеа протоереј-ставрофор Борис Симоновски, свештеник Јани Мулев и ѓакон Бобан Ѓорѓиевски.

Светата Литургија на Тодорова сабота, како  и секоја година, ја одбележаат големиот број верници кои доаѓаат во храмовите ширум Повардарската епархија да ги примат Светите Христови Тајни, па така и оваа година  во храмовите во градот Велес, пристапија речиси сите присутни верници кон светиот Путир, за да ги примат светите Тајни.

 
Aкатист на Пресвета Богородица
9.03.2020.

 

Sample Image

 

Sample Image Во првиот петок од Великиот Пост на вечерната служба во црквите „Св. Кирил и Методиј“ и „Успение на Пресвета Богородица“ во Велес, беше отслужена првата статија од Акатистот кон Пресвета Богородица.

Останатите статии од Акатистот кон Пресвета Богородица ќе се служат на мало повечерие во секој нареден петок од Великиот Пост во храмовите „Успение на Пресвета Богородица“ и „Св. Кирил и Методиј“ во Велес.

 

 
Недела на Простувањето
2.03.2020.

 

Sample Image

 

Sample Image Во Неделата на простувањето - Прочка, се отслужи Света Божествена Литургија во храмот „Св. Кирил и Методиј“ во Велес. На Литургијата служеа протоереј Ристе Јанушев, протоѓакон Влатко Стоименов и ѓакон Бобан Ѓорѓиевски, а присуствуваа голем број верници од Велес, кои молитвено побараа прошка од Бога. 

Со празнична беседа се обрати протоереј Ристе Јанушев, кој не повика сите да го искористиме денот на простувањето за да отидеме кај своите најблиски и кај сите на кои сме погрешиле за да речеме прости ми и да се обидеме од денешниот ден, па се до Воскресението Христово да ја исполниме нашата душа со чистота, добрина, љубов, милосрдие и на тој начин да се обидеме да се соединиме со нашиот Бог, Господ Исус Христос.
 
Реиздание на книгата „Еднаш за цел живот“
28.02.2020.

 

Sample Image

 

Со благослов на Митрополитот Повардарски г. Агатангел се испечати реиздание на книгата „Еднаш за цел живот“ од рускиот свештеник Илија Шугаев. Ова второ издание на книгата е поради големиот интерес на нашата читателската публика, која во изминатите години со несмален интензитет пројавуваше интерес за ова дело, покрај многубројните други наслови кои ги издадовме. Во оваа книга, авторот не запознава со повеќе етапи и аспекти од растот и развојот на личноста: младоста – како период на формирање на личноста, време за вљубување и подготовка за брак; потоа  самото стапување во брак, со сите придружни елементи и последици од брачниот живот, како раѓањето деца, абортусот, неверството, разводот; за половиот идентитет; и на крај – како да се има добар и вековит брак. Преводот од српски јазик го подготви Весна Цилакова.

Предговор на книгата Еднаш за цел живот

Книгата која ја имате пред себе не е типична црковна книга, нема во неа многу теологија, иако е напишана од теолог-свештеник, туку таа е пред сè, книга на искуството, книга од личниот опит на авторот, за собитијата и релациите во младоста. Она што авторот го опфаќа во оваа книга е не само негово лично искуство, туку тоа е доживување од младешкиот период на секој човек. Особено голем придонес во создавањето на оваа многу полезна книга имаат и неговите разговори и исповеди со млади луѓе во пубертетски и адолесцентски период.

Инаку, според првичната замисла, таа била производ од предавањата и разговорите кои авторот ги водел со средношколците. Значи, таа е создадена од разговори со средношколци, но и наменета е за таа категорија на луѓе – пубертетлии и адолесценти. Во неа се опфатени повеќе теми, етапи и аспекти од растот и развојот на личноста: младоста – како период на формирање на личноста, време за вљубување и подготовка за брак; потоа за самото стапување во брак, со сите придружни елементи и последици од брачниот живот, како раѓањето деца, абортусот, неверството, разводот; за половиот идентитет; и на крај – како да се има добар и вековит брак.

Младите луѓе денес се дезориентирани, застрануваат во зависности од дрога и алокохол, промискуитет, перверзии, неспособност за стапување и останување во брак, отсуство на желба и потреба за брак и деца, и за жал, од своите родители не ни можат да добијат вистински совет за тоа, како треба да го живеат животот. Во умот имаат разни идеи, мисли, фантазии, прашања, дилеми, сомнежи, колебања. Препуштени се да учат од ТВ-емисиите, од она што ќе го прочитаат на интернет, од разни прирачници со сомнителна содржина, а вистински одговор на нивните прашања и дилеми не можат лесно да најдат. Она што денес се случува е само последица од она што беше сторено во изминатите децении – кога насилно беше маргинализирана Светата Црква, кога свештениците беа компромитирани и крајно дискредитирани, а Христос протеран од образованието и воспитанието на децата. Поради тој дух денес народот нема доверба и навика да се советува со свештениците; попрво би оделе на психолог од кој би добиле погрешен совет за пари, отколку да се советуваат со свештеник, и да добијат бесплатен и објективен совет. Сексуалното образование, кое ни се нуди како магично решение, всушност се покажа дека само го зголеми процентот на насилство и девијантни сексуални појави во оние региони каде што беше внесено како дел од образовниот систем. Наместо решение, изникнаа нови и страшни проблеми: уште повеќе ги поттикна младите на многу помлада возраст да го почнат својот сексуален живот, но исто така, ги поттикна и кон промискуитет, перверзии и сексуално насилство и злоупотреби.

Со сета одговорност пред Бога и пред народот кој ми е од Него доверен, ви ја препорачувам оваа книга вам, млади деца – средношколци, но и на родителите, наставниците, професорите, како и на свештениците. Секој човек од било која генерација може да ја чита, и да научи многу, да ги увиди своите грешки од минатото, и да им ги пренесе како искуство на помладите генерации. Младите можат да научат многу, како правилно да го насочат својот живот, како да се подготвуваат за брак, да ја почитуваат секоја личност, а не егоистички да ја искористуваат, како да стапат во брак и каков избор да направат, како да ги воспитаат своите деца, и како да го сочуваат својот брак. Затоа од срце ви ја препорачувам да ја имате и да ја читате оваа книга.

Господ Бог да ве благослови и укрепи со Својата благодат сите вас, кои ќе ја читате, и да ви даде сила да научите што повеќе од оваа книга на живо искуство, а ова искуство да го преточите во вашиот секојдневен живот, благодарејќи Му на Бога за сè и во секое време. Амин!

Митрополит Повардарски

+Агатангел

 

 
Сретение Господово
17.02.2020.

 

Sample Image

 

Sample Image На празникот Сретение Господово, во црквата „Св. Кирил и Методиј“ во Велес, во сослужение на повеќе клирици од епархијата, се отслужи Света Божествена Литургија. На овој празник се извршува чин на осветување и благословување на црковните свеќи, па така свештениците ги осветија и благословија црковните свеќи, а исто така овој чин се изврши во сите архиерејски намесништва на Повардарската епархија. По завршувањето на Литургијата се освети новоизградениот објект фонтана „Азбуки - духовен вруток“ во дворот на црквата, кој го направи нашиот познат диригент и уметник г-дин Запро Запров. За ова дело, нему му беше врачен Орден за заслуги на Повардарската епархија.

 
Повеќе...
<< Почеток < Претходна 1 2 3 4 5 6 7 8 9 10 Следна > Крај >>

Резултати 115 - 152 од 1149