ФОТОГАЛЕРИЈА

На празникот на Светиот великомаченик Георгиј - Ѓурѓовден, Митрополитот Повардарски г. Агатангел отслужи Света Божествена Литургија во храмот посветен на овој светител во валандовското село Пирава. На Литургијата присуствуваа голем број верници од Пирава и околните села кои традиционално го празнуваат Ѓурѓовден и како слава на селата во кои живеат.  Присутните верници се причестија со Светите Христови дарови, а по завршувањето на Литургијата беше осветен и празничен колач за здравје и спасение на верниците. По Литургијата, Митрополитот и свештениците извршија осветување на нова фрекса во крстилницата при оваа црква.

Со благослов на Неговото Високопреосвештенство, Митрополитот Повардарски г. Агатангел се подготвија и се испечатија книгите: „Христос воскресна, радост моја – Свети Серафим Саровски, пророк на Божјата љубов“ и „Земја близу небото – Православна Грузија 15 векови со Христа“ . Овие најнови изданија на издавачката дејност на Повардарската епархија „Св. Ѓорѓи Полошки“ излегоа од печат непосредно пред започнувањето на годинешниот Саем на книгата, така што сите оние кои сакаат да ги купат овие книги можат да ги најдат на штандот на Македонската православна црква или како и досега, можат да ги порачаат на телефонскиот број 043/221-231; на нашата е-пошта:   Оваа адреса на е-пошта е зашититена од спем-ботови, потребно е да го вклучите Javascript-от за да ја погледнете ; како и на нашата ФБ страница.

Предговор на книгата „Христос воскресна, радост моја - Свети Серафим Саровски, пророк на Божјата љубов“

Цената на новите книги изнесува:

„Свети Серафим Саровски, пророк на Божјата љубов“               700 денари;

„Земја близу небото“                                                                       600 денари;

Книгите ќе бидат изложени на годинешниот Саем на книгата по репрезентативна цена, односно 600 денари за „Свети Серафим Саровски, пророк на Божјата љубов“ и 500 денари за книгата „Земја близу небото“.

ФОТОГАЛЕРИЈА

Во Неделата на жените мироносици, во црквата посветена на светото Вознесение Христово, во селото Корешница, се отслужи Света Божествена Литургија. Со Литургијата чиноначалствуваше Митрополитот Повардарски г. Агатангел, во сослужение на бројно свештенство на Повардарската епархија.

ФОТОГАЛЕРИЈА

Во неделата посветена на Светиот апостол Тома, Митрополитот Повардарски г. Агатангел отслужи Света Божествена Литургија во манастирот посветен на Светoто Вознесение Христово во Гевгелија.

ФОТОГАЛЕРИЈА

Балаклија, односно Источeн Петок е денот што духовно го обединува градот Велес и неговите жители. Овој ден се прославува како слава на градот Велес, при што центарот на празнувањето е манастирскиот комплекс „Св. Димитриј“ и околните цркви „Св. Петка“ и „Св. Никола“.

Во манастирот „Св. Димитриј“, во предвечерјето на празникот се отслужи Вечерна богослужба, а на самиот ден Петок од Светлата седмица, кога светата православна црква го чествува празникот Балаклија, во чест на чудата кои се случувале на изворот кој се наоѓал покрај храмот „Животоносен источник“ во Цариград, посветен на Пресвета Богородица, Митрополитот Повардарски г. Агатангел отслужи света Божествена Литургија во манастирот „Св. вмч. Димитриј“ во Велес.

ФОТОГАЛЕРИЈА

На третиот ден од Воскресението Христово (Светол Вторник), Митрополитот Повардарски г. Агатангел отслужи света Божествена Литургија во црквата „Св. Недела“ во Стојаково.