Skip to content
  • JoomlaWorks AJAX Header Rotator
  • JoomlaWorks AJAX Header Rotator
  • JoomlaWorks AJAX Header Rotator
Прегледувате: Насловна
Sample Image
 


Крстопоклона недела, 18. 03. 2012
19.03.2012.
Sample Image
 
На 18. 03. 2012 година, Трета Недела од Велигденските Пости - Крстопоклона, Митрополитот Повардарски г. Агатангел во сослужение на свештеници од Повардарската епархија отслужи Света Архиерејска Литургија. Литургијата беше отслужена во црквата „Кирил и Методиј“ во Гевгелија. 

Митрополитот Агатангел и свештенослужителите го изнесоа светиот Крст од олтарот и го поставија во средината на храмот - извршувајќи поклонување на чесниот Крст. Потоа и сите присутни верници пристапија кон поклонување и целивање на светиот Крст, а Митрополитот на секој верник му даруваше китка босилек.

 Sample Image
 Sample Image
 Sample Image
 Sample Image
 Sample Image
 Sample Image
 Sample Image
 Sample Image
 Sample Image
 
Во третата Недела од Воскресниот пост се поклонуваме на Чесниот и Животворниот Крст Господен, кој нè укрепува во деновите на жалост, потсетувајќи нè на бесконечната љубов на нашиот Спасител, Кој прими крстни страдања заради нас грешните. Оваа Недела се нарекува »крстопоклона« и се одликува со тоа што Крстот се изнесува на средината на храмот за поклонение.
 
Проповед - протоереј Ристе Јанушев
13.03.2012.

Проповед во втората недела од Великиот Пост, на денот кога Светата православна црква го чествува споменот на Светиот новомаченик Агатангел Битолски

 

Во името на Отецот, и Синот, и Светиот Дух,

 

„Синко, ти се простуваат гревовите твои“... (Мк. 2,5)

„Тебе ти велам: стани, земи ја постелката своја и оди си дома“...(Мк. 2,11)

 Sample Image

П

о овие зборови од устата на нашиот Спасител Господ Исус Христос, оној што беше парализиран и беше донесен на нослика од четворица, станал и истрчал да го прослави Бога.

Сите ли треба ова да го видиме со свои очи за да поверуваме? Треба ли очите да видат за да поверува човекот во Божјата љубов и власт над сѐ створено? Дали секој што видел поверувал?

Дали овој парализиран човек преку своето чуло за вид дојде до оздравување?

Секако дека не. Вербата го оздраве. Верувал дека Исус е Христос, верувал дека Христос е тука, верувал во Божјата семоќ и оздравел.

Спасителот во очите на болниот прво го бара покајанието, за да му ги прости гревовите и да го ослободи од духовната парализа – од гревот, оти духовната вкочанетост е многу пострашна од телесната.

Гревот во човекот е причина за духовната и телесната парализа на човекот. Гревот е ѓаволот. Тој демне како најстрашен ѕвер за да ја погуби секоја душа која ќе се откаже од борбата против него. Тој што ќе се предаде на гревот се предава на ѓаволот.

Да се запрашаме: Имаме ли цврста волја да се бориме против нашиот најголем непријател – гревот? Можеме ли да го победиме? Да испаднеме на мегдан со него во борба која буквално значи живот или смрт! Тој мегдан, тоа бојно поле во кое ќе се бориме за својот живот, црквата го нарекува ПОСТ. Светиот Велик пост е најголемото бојно поле за нашето спасение. Многу души паѓаат ранети и умртвени неизлегувајќи на ова боиште, не постејќи и не држејќи се до Божјите заповеди за Светиот пост. Благоразумниот христијанин за време на постот активно се бори за својот живот и победува. Ги победува гревовите и искушенијата кои доаѓаат од сите страни. Тука е нашиот Господ Исус Христос, Кој невидливо ти помага и ти го чувствуваш својот сојузник, Кој, кога е со тебе – кој ќе е против тебе. Те поткрепува во единственото чувство на преобразба во кое слабостите се заменуваат со доблести. Сѐ посилно се јакне желбата за покајание, и сѐ посилно се чувствува жедта за соединување со нашиот најголем сојузник, Господ Исус Христос. Бог стана човек за да може човекот да се обожи. Примајќи го Христа, причестувајќи се со Него, стануваме Негови, а Тој станува наш. И веќе ништо не е невозможно, и „сѐ е можно за оној што верува“ (Мк. 9, 23) и што е во заедница со Христа. Тогаш сѐ се обожува благодатно, преку несоздадените енергии Божји. Се обожува и душата и разумот и целото тело кога тоа ќе стане храм на Духот Свети. Крсти се, покај се, бори се, причести се со Христа Бога и победувај. Победувај не само во овој живот земен, победувај за вечноста. Постојано разговарај со Бога, моли се и верувај.

Повеќе...
 
Светиот маченик Агатангел Битолски
12.03.2012.

Sample Image

Фото материјал од Вечерната и Литургијата

На празникот на кој Светата православна црква го чествува споменот на Светиот новомаченик Агатангел Битолски, Неговото Високопреосвештенство, Митрополитот Повардарски, кој го носи името на овој маченик, отслужи Света Божествена Литургија во Соборниот храм на Повардарската епархија „Св. Вмч. Пантелејмон“ во Велес. На Литургијата сослужуваа сите свештенослужители од градот Велес, како и клирици од другите намесништва на епархијата.

На Литургијата, Митрополитот Повардарски благоволи и го ракоположи ѓаконот Игор Пармачки во чин свештеник, со што клирот на Повардарската епархија на Македонската православна црква се збогати за уште еден свештенички чин. Во беседата, искажана по повод ракоположувањето, Митрополитот Агатангел упати апел до сите свештеници дека свештеничко – пастирската врата мора да биде отворена цело време, дека свештеникот не смее да ги занемари своите духовни чеда кога тие имаат потреба од него, туку напротив да се обиде со Словото Божјо да го пронајде нивното смирение.

Со празнично слово и именденска честитка од името на целиот клир и целото патство на Повардарската епархија се произнесе протореј Ристе Јанушев, кој му посака на Митрополитот Агатангел како и досега, успешно да долголетсвува на почвата Господова, и уште долги години да биде пример за ревносно извршување на Словото Божјо и ревносната љубов кон својот македонски народ, кој сите ние ќе го следиме.

По завршувањето на Литургијата беа осветени и прекршени славските колачи и беше послужена трпеза на љубовта.

На многаја лета, Владико свет.

 
Акатист во втората седмица од Великиот Пост
12.03.2012.
Sample Image

 

На 09. 03. 2012 година, во петок од втората седмица од Великиот Пост, во храмот „Успение на Пресвета Богородица“ во Велес се отслужи втората статија од Богородичниот Акатист. На вечерната богослужба сослужуваа протоереј Ристе Јанушев, свештеник Борислав Бобевски и свештеник Јованче Илиевски, а присуствуваше и Митрополитот Повардарски г. Агатангел.

На крајот на вечерната богослужба беа благословени и прекршени празничните лебови.

Останатите статии од Акатистот кон Пресвета Богородица ќе се служат на мало повечерие во секој нареден петок од Великиот Пост во храмовите „Успение на Пресвета Богородица“ и „Св. вмч. Пантелејмон“ во Велес, како и во останатите храмови на територијата на Повардарската епархија.

 

Sample Image
 
 Sample Image
 
Sample Image
 
 Sample Image
 
 
 
Ракополагање во Неделата на православието
5.03.2012.

 

Во Неделата на Православието, Митрополитот Повардарски г. Агатангел отслужи Света Божествена Литургија во Соборниот храм на Повардарската епархија „Св.вмч. Пантелејмон“ во Велес. На почетокот на Литургијата, Митрополитот Агатангел благоволи и го произведе најпрво во чин чтец и ипоѓакон, а потоа го ракоположи во чин ѓакон богословот и дипломиран теолог Блаже Петров од Кавадарци. По завршувањето на Литургијата беше одржана Духовна Академија, на која свештеникот Борислав Бобевски одржа Беседа за Неделата на православието.

Празникот Недела на Православието е востановен во 842 лето Господово како победно празнување над конечниот пад на иконоборството и повторно воспоставување на почитувањето на иконите. Оттогаш свечено се прославува во првата Недела од Великиот пост, како спомен на торжеството на вистинската вера не само над иконоборството, но над сите ереси.

 

 
Тодорова сабота
5.03.2012.

 

Во првата сабота од светата Четириесетница, во времето на Великиот пост, која православната Црква ја посвети на споменот на свети Теодор Тирон, беше отслужена Света Божествена Литургија во храмот „Успение на Пресвета Богородица“ во Велес. Со Литургијата чиноначалствуваше Митроплитот Повардарски г. Агатангел во сослужение на голем број свештеници од велешкото намесништво.

Светата Литургија на Тодорова сабота, како  и секоја година, ја одбележаат големиот број верници кои доаѓаат во храмовите ширум Повардарската епархија да ги примат Светите Христови Тајни, па така и оваа година  во храмот „Успение на Пресвета Богородица“ во Велес, пристапија речиси сите присутни верници кон светиот Путир, за да ги примат светите Тајни.

Од таа причина свештенослужителите причестуваа од две места и од два Путира, поделувајќи ги верниците на две групи: мажи и жени со мали дечиња.

Митрополитот Агатангел во својата беседа ја истакна големината на Светата Тајна - Евхаристија, но им  упати и порака на присутните верници да не го користат овој ден за лажно причестување, туку вистински да се подготват со пост, молитва, исповед и искрено покајание за достојно да застанат пред Светиот Путир.

 

 
Повеќе...
<< Почеток < Претходна 21 22 23 24 25 26 27 28 29 30 Следна > Крај >>

Резултати 1103 - 1140 од 1154